<p>ರಾಮಾಯಣ ಕಾಲದಲ್ಲಿ, ರಾವಣನ ದುರಹಂಕಾರವನ್ನು ಭಗವಾನ್ ರಾಮನು ನಾಶಮಾಡಿದನು. ಆದರೆ ರಾವಣನಿಗೆ ವಿನಾಶದ ಶಾಪವನ್ನು ಅವನ ಸಹೋದರಿ ಶೂರ್ಪನಖಿ ಕೊಟ್ಟಿದ್ದಾಳೆಂದು ನಿಮಗೆ ತಿಳಿದಿದೆಯೇ?</p><p> </p><img><p>ರಾಮಾಯಣದ (Ramayana) ಕಥೆಯ ಪ್ರಕಾರ, ಋಷಿ ವಿಶ್ರವ ಮತ್ತು ಕೇಕಶಿಗೆ ರಾವಣನ ಜೊತೆಗೆ, ಶೂರ್ಪನಖಿ ಎಂಬ ಮಗಳಿದ್ದಳು. ಶೂರ್ಪನಖಿಯ ಬಾಲ್ಯದ ಹೆಸರು ಮೀನಾಕ್ಷಿ ಆದರೆ ಉದ್ದವಾದ ಉಗುರುಗಳಿದ್ದ ಕಾರಣ ಅವಳಿಗೆ ಶೂರ್ಪನಖಿ ಎಂದು ಹೆಸರಿಡಲಾಯಿತು.</p><img><p>ಪುರಾಣದ ಪ್ರಕಾರ, ಶೂರ್ಪನಖಿಯು (Surpanakha) ಕಾಡಿನಲ್ಲಿ ಭಗವಾನ್ ಶ್ರೀರಾಮನನ್ನು ನೋಡಿ ಆಕರ್ಷಿತಳಾದಳು. ಆದರೆ ಅವನು ತನ್ನ ಪತ್ನಿ ಸೀತೆಯನ್ನು ಪ್ರೀತಿಸುವುದಾಗಿ ಅವಳಿಗೆ ಹೇಳಿದನು. ನಂತರ ಶೂರ್ಪನಖಿ ಲಕ್ಷ್ಮಣನ ಬಳಿಗೆ ಹೋಗಿ ಅವನೊಂದಿಗೆ ಮದುವೆಯ ಪ್ರಸ್ತಾಪವನ್ನು ಇಟ್ಟಳು ಆದರೆ ಲಕ್ಷ್ಮಣ (Lakshmana) ಅದನ್ನು ನಿರಾಕರಿಸಿದನು. ನಂತರ ಶೂರ್ಪನಖಿ ಕೋಪಗೊಂಡು ಮಾತಾ ಸೀತೆಯನ್ನು ಬೆದರಿಸಲು ಪ್ರಾರಂಭಿಸಿದಳು ಮತ್ತು ಆ ಸಮಯದಲ್ಲಿ ಕೋಪಗೊಂಡ ಲಕ್ಷಣ ಅವಳ ಮೂಗನ್ನೆ ಕತ್ತರಿಸಿದನು.</p><img><p>ಮೂಗು ಕತ್ತರಿಸಿಕೊಂಡು ಶೂರ್ಪನಖಿ ತನ್ನ ಸಹೋದರ ಲಂಕಾ ರಾಜ ರಾವಣನ ಆಸ್ಥಾನವನ್ನು ತಲುಪಿದಳು. ರಾವಣನು ತನ್ನ ಸಹೋದರಿಯನ್ನು ಈ ಸ್ಥಿತಿಯಲ್ಲಿ ನೋಡಿದಾಗ ಕೋಪಗೊಂಡು ಸೇಡು ತೀರಿಸಿಕೊಳ್ಳಲು, ಮೋಸದಿಂದ ಸೀತೆಯನ್ನು ಅಪಹರಿಸಿದನು.</p><img><p>ದಂತಕಥೆಗಳ ಪ್ರಕಾರ, ಶೂರ್ಪನಖಿಯು ರಾವಣನನ್ನು (Ravana) ಉದ್ದೇಶಪೂರ್ವಕವಾಗಿಯೇ ಕೆರಳಿಸಿ, ಸೀತೆಯನ್ನು ಅಪಹರಿಸಿ ತನ್ನ ಪತ್ನಿಯನ್ನಾಗಿ ಮಾಡಿಕೊಳ್ಳುವ ಪಾಪವನ್ನು ಮಾಡುವಂತೆ ಕೇಳಿಕೊಂಡಳು. ಇದಕ್ಕೆ ಕಾರಣ ಗಂಡನ ಹತ್ಯೆ. ಹೌದು, ಯುದ್ಧದ ಸಮಯದಲ್ಲಿ ರಾವಣನು ಶೂರ್ಪನಖಿಯ ಪತಿ ವಿದ್ಯುತ್ಜೀವನನ್ನು ಕೊಂದಿದ್ದನು. ಇದರಿಂದ ಶೂರ್ಪನಖಿಯು ರಾವಣನನ್ನು ನಾಶಮಾಡಲು ಬಯಸಿದ್ದಳು.</p><img><p>ಶೂರ್ಪನಖಿಗೆ ತನ್ನ ಪತಿಯ ಮರಣದ ಸುದ್ದಿ ತಿಳಿದಾಗ, ಅವಳು ತುಂಬಾ ದುಃಖಿತಳಾದಳು ಮತ್ತು ಕೋಪಗೊಂಡಳು. ಕೋಪದಲ್ಲಿ, ಅವಳು ಮನಸ್ಸಿನಲ್ಲಿಯೇ ರಾವಣನಿಗೆ ನನ್ನಿಂದಾಗಿ ನೀನು ಮತ್ತು ನಿನ್ನ ಕುಲವು ನಾಶವಾಗುತ್ತದೆ ಎಂದು ಶಪಿಸಿದಳು. ಆ ಶಾಪದ ಕಾರಣದಿಂದಲೇ ರಾವಣನ ನಾಶವಾಯಿತು ಎನ್ನಲಾಗಿದೆ.</p>
Source link
ತಂಗಿ ಶೂರ್ಪಣಕಿಯ ಶಾಪದಿಂದಲೇ ರಾವಣನ ವಿನಾಶವಾಯಿತೇ? ಇಲ್ಲಿದೆ ಸತ್ಯಾಸತ್ಯತೆ
