ರಶ್ಮಿಕಾಗೆ ನ್ಯಾಷನಲ್ ಕ್ರಶ್ ಅನ್ನೋ ಬಿರುದು ಸಿಕ್ಕು ಬಹಳಾನೇ ದಿನವಾಯ್ತು. ಆದ್ರೆ ಈಗ ಟಾಲಿವುಡ್ ಮೆಗಾಸ್ಟಾರ್ ಚಿರಂಜೀವಿ ಕೂಡ ತಮಗೆ ರಶ್ಮಿಕಾ ಮಂದಣ್ಣ (Rashmika Mandanna) ಮೇಲೆ ತಮಗೆ ಕ್ರಶ್ ಇದೆ ಅಂದಿದ್ದಾರೆ. ಚಿರು ಮಾತ್ರ ಅಲ್ಲ ನಾಗಾರ್ಜುನ, ಧನುಷ್ ಕೂಡ ರಶ್ಮಿಕಾನ ಹಾಡಿ ಹೊಗಳಿದ್ದಾರೆ. ಸೋ ಕುಬೇರ ಸಕ್ಸಸ್ ಖುಷಿಯಲ್ಲಿರೋ ರಶ್ಮಿಕಾ ಸಂತಸದ ಅಲೆಯಲ್ಲಿ ತೇಲ್ತಾ ಇದ್ದಾರೆ.
ಹೌದು, ನ್ಯಾಷನಲ್ ಕ್ರಶ್ ರಶ್ಮಿಕಾ ಕಿರೀಟಕ್ಕೆ ಮತ್ತೊಂದು ಗರಿ ಸಿಕ್ಕಿದೆ. ಕಳೆದ ವಾರ ರಶ್ಮಿಕಾ ನಟಿಸಿರೋ ಕುಬೇರ ಸಿನಿಮಾ ತೆರೆಗೆ ಬಂದಿರೋ ವಿಷ್ಯ ನಿಮಗೆ ಗೊತ್ತೇ ಇದೆ. ನಾಗಾರ್ಜುನ, ಧನುಷ್ ಮತ್ತು ರಶ್ಮಿಕಾ ನಟಿಸಿರೋ ಈ ಸಿನಿಮಾಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದ್ದು ಮೂರೇ ದಿನಗಳಲ್ಲಿ ಸಿನಿಮಾ 50 ಕೋಟಿ ಗಳಿಕೆ ಮಾಡಿದೆ.
ಅಲ್ಲಿಗೆ ರಶ್ಮಿಕಾ ಅಕೌಂಟ್ನಲ್ಲಿ ಮತ್ತೊಂದು ಬಿಗ್ ಹಿಟ್ ಆಗಿದೆ. ರಶ್ಮಿಕಾ ಇದ್ರೆ ಸಿನಿಮಾ ಸಕ್ಸಸ್ ಆಗುತ್ತೆ ಅನ್ನೋದು ಮತ್ತೊಮ್ಮೆ ಪ್ರೂವ್ ಆಗಿದೆ. ಸೋ ಹೈದ್ರಾಬಾದ್ನಲ್ಲಿ ಕುಬೇರ ಸಿನಿಮಾದ ಇವೆಂಟ್ ನಡೆದಿದ್ದು ಅದಕ್ಕೆ ಮೆಗಾಸ್ಟಾರ್ ಚಿರಂಜೀವಿ ಛೀಫ್ ಗೆಸ್ಟ್ ಆಗಿ ಬಂದಿದ್ದಾರೆ.
ರಶ್ಮಿಕಾ ದೇಶದೆಲ್ಲೆಡೆ ಇರೋ ಪಡ್ಡೆ ಹೈಕಳೆಲ್ಲರ ಪಾಲಿನ ಕ್ರಶ್ ಅನ್ನೋದು ಗೊತ್ತೇ ಇದೆ. ಆದ್ರೆ ಚಿರಂಜೀವಿಯಂಥಾ ಲೆಜೆಂಡ್ ರಶ್ಮಿಕಾ ಕಂಡ್ರೆ ತನಗೂ ಕ್ರಶ್ ಅಂದಿದ್ದಾರೆ. ಇಂಥಾ ಮೆಗಾಸ್ಟಾರ್ ಕಡೆಯಿಂದ ಬಂದಿರೋ ಮಾತುಗಳನ್ನ ಕೇಳಿ ರಶ್ಮಿಕಾ ನಾಚಿ ನೀರಾಗಿದ್ದಾರೆ.
ಹೌದು, ಇದೇ ವೇದಿಕೆಯಲ್ಲಿ ಟಾಲಿವುಡ್ನ ಮತ್ತೊಬ್ಬ ದಿಗ್ಗಜ ಕಲಾವಿದರ ರಶ್ಮಿಕಾನ ಹೊಗಳಿದ್ದಾರೆ. ಆನ್ಸ್ಕ್ರೀನ್ ರಶ್ಮಿಕಾ ಪ್ರೆಸೆನ್ಸ್ ನೋಡ್ತಾ ಇದ್ರೆ, ಕ್ಷಣಂ ಕ್ಷಣಂನಲ್ಲಿನ ಶ್ರೀದೇವಿ ನೋಡಿದಂತಾಗುತ್ತೆ ಅಂದಿದ್ದಾರೆ. ಅಲ್ಲಿಗೆ ಶ್ರೀದೇವಿಯಂಥಾ ಮಹಾನಟಿ ಜೊತೆ ರಶ್ಮಿಕಾರನ್ನ ಹೋಲಿಕೆ ಮಾಡಿದ್ದಾರೆ.
ಇನ್ನೂ ಕುಬೇರ ಪ್ರೀ ಲಾಂಚ್ ಇವೆಂಟ್ನಲ್ಲೇ ಧನುಷ್ ಕೂಡ ರಶ್ಮಿಕಾನ ಹಾಡಿ ಹೊಗಳಿದ್ರು. ನಾನು ಚಿಕ್ಕ ನಟ ನೀವು ಸಾವಿರಾರು ಕೋಟಿ ಗಳಿಸುವ ಸ್ಟಾರ್ ಅಂತ ಹೇಳ್ತಾ ರಶ್ಮಿಕಾನ ಹೊಗಳಿ ಅಟ್ಟಕ್ಕೇರಿಸಿದ್ರು.
ಅಲ್ಲಿಗೆ ಟಾಲಿವುಡ್, ಕಾಲಿವುಡ್ನ ಸೂಪರ್ ಸ್ಟಾರ್ಗಳೆಲ್ಲಾ ಪೈಪೋಟಿಗೆ ಬಿದ್ದಂತೆ ರಶ್ಮಿಕಾನ ಹೊಗಳ್ತಾ ಇದ್ದಾರೆ. ರಶ್ ಅದೆಷ್ಟು ಲಕ್ಕಿ ಗರ್ಲ್ ಅನ್ನೋದು ಗೊತ್ತೇ ಇದೆ. ಈಗ ಈ ಚೆಲುವೆಯ ಲಕ್ ಮತ್ತಷ್ಟು ಲಕ ಲಕ ಹೊಳೀತಾ ಇದೆ. ಸದ್ಯ ಕುಬೇರ ಸಿನಿಮಾದ ಸಕ್ಸಸ್ ಖುಷಿಯ ಜೊತೆಗೆ ಈ ದಿಗ್ಗಜರ ಕಾಂಪ್ಲಿಮೆಂಟ್ಸ್ ರಶ್ಮಿಕಾ ಕೆನ್ನೆ ಮತ್ತಷ್ಟು ಕೆಂಪೇರುವಂತೆ ಮಾಡಿವೆ..!
ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ..
