<p>ಈ ಸಣ್ಣ ಕಪ್ಪು ಹುಳಗಳಿಂದ ಕಡಲೆ ಹಿಟ್ಟನ್ನು ರಕ್ಷಿಸಲು ನೀವು ತುಂಬಾ ಸರಳವಾದ ಮನೆಮದ್ದನ್ನು ಪ್ರಯತ್ನಿಸಬಹುದು.</p><img><p>Besan storage tips: ಮಳೆಗಾಲದಲ್ಲಿ ವಿವಿಧ ಸ್ಥಳಗಳಲ್ಲಿ ನೀರು ನಿಲ್ಲುವುದರಿಂದ ಅನೇಕ ರೀತಿಯ ಕೀಟಗಳು, ಹುಳಗಳು ಮನೆಯೊಳಗೆ ಬರಲು ಪ್ರಾರಂಭಿಸುತ್ತವೆ. ಬೆಳಕನ್ನು ನೋಡಿದ ನಂತರ ಬರುವ ಹುಳಗಳ ಸಂಖ್ಯೆಯೂ ಕಡಿಮೆಯಿಲ್ಲ. ಹುಳಗಳು ಮತ್ತು ಸೊಳ್ಳೆಗಳ ಭಯವು ಉತ್ತುಂಗದಲ್ಲಿರುವ ಋತುವಿದು. ಮಸಾಲೆಗಳು ಮತ್ತು ಧಾನ್ಯಗಳನ್ನು ಸಹ ಈ ಹುಳಗಳಿಂದ ರಕ್ಷಿಸುವುದು ದೊಡ್ಡ ಸಾಹಸವೇ ಸರಿ.</p><img><p>ಆಗಾಗ್ಗೆ ಈ ಹುಳಗಳು ಹಿಟ್ಟಿನ ಡಬ್ಬಿಯಲ್ಲಿಯೂ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಹೇಗಿದ್ದರೂ ಈಗ ಮಳೆಗಾಲ. ಮನೆಯಲ್ಲಿ ಬೋಂಡಾ, ಬಜ್ಜಿಗೆಂದು ಕಡಲೆಹಿಟ್ಟು ಬಳಸುವುದು ಸಾಮಾನ್ಯ. ಹಾಗಾಗಿ ಈ ಸಣ್ಣ ಕಪ್ಪು ಹುಳಗಳಿಂದ ಕಡಲೆ ಹಿಟ್ಟನ್ನು ರಕ್ಷಿಸಲು ನೀವು ತುಂಬಾ ಸರಳವಾದ ಮನೆಮದ್ದನ್ನು ಪ್ರಯತ್ನಿಸಬಹುದು. ಹಾಗಾದ್ರೆ ಕಡಲೆ ಹಿಟ್ಟಿನಿಂದ ಹುಳಗಳನ್ನು ದೂರವಿಡಲು ಏನ್ಮಾಡಬೇಕೆಂದು ನೋಡೋಣ ಬನ್ನಿ…</p><img><p>ಕಡಲೆ ಹಿಟ್ಟಿನಿಂದ ಹುಳಗಳನ್ನು ದೂರವಿಡಲು ಪಲಾವ್ ಎಲೆಗಳನ್ನು ಡಬ್ಬಿಯಲ್ಲಿ ಇಡಬಹುದು. ಇದರ ಸುವಾಸನೆಯು ಹುಳಗಳನ್ನು ದೂರವಿಡುತ್ತದೆ. ಈ ನೈಸರ್ಗಿಕ ವಿಧಾನವು ಕಡಲೆ ಹಿಟ್ಟಿಗೆ ಹಾನಿ ಮಾಡುವುದಿಲ್ಲ. ಆದರೆ ಹುಳಗಳನ್ನು ದೂರವಿಡುತ್ತದೆ. ಕಡಲೆ ಹಿಟ್ಟಿನ ಹೊರತಾಗಿ, ಇತರ ಯಾವುದೇ ಹಿಟ್ಟನ್ನು ಹುಳಗಳಿಂದ ರಕ್ಷಿಸಲು ಪಲಾವ್ ಎಲೆಯನ್ನು ಬಳಸಬಹುದು.</p><img><p>ಕಡಲೆ ಹಿಟ್ಟಿನಿಂದ ಹುಳಗಳನ್ನು ದೂರವಿಡಲು ಬೇವಿನ ಎಲೆಗಳನ್ನು ಸಹ ಬಳಸಬಹುದು. ಲವಂಗ ಕೂಡ ಪರಿಣಾಮಕಾರಿ ಎಂದು ಸಾಬೀತಾಗಿದೆ. ನೀವು ಲವಂಗವನ್ನು ಕಡಲೆ ಹಿಟ್ಟಿನಲ್ಲಿ ಇಟ್ಟರೆ ಹುಳಗಳು ಕಡಲೆ ಹಿಟ್ಟಿನ ಡಬ್ಬಿಯತ್ತಲೂ ಸುತ್ತಾಡುವುದಿಲ್ಲ.</p><img><p>ಇಂಗುವನ್ನು ಕಡಲೆ ಹಿಟ್ಟಿನ ಡಬ್ಬಿಯಲ್ಲಿ ಇಡುವುದರಿಂದ ಹುಳಗಳು ದೂರವಾಗುತ್ತವೆ. ಇಂಗುವನ್ನು ನೇರವಾಗಿ ಕಡಲೆ ಹಿಟ್ಟಿನಲ್ಲಿ ಹಾಕುವ ಬದಲು, ಅದನ್ನು ಬಟ್ಟೆಯಲ್ಲಿ ಕಟ್ಟಿ ಒಂದು ಬಂಡಲ್ ಮಾಡಿ. ನಂತರ ಈ ಬಂಡಲ್ ಅನ್ನು ಕಡಲೆ ಹಿಟ್ಟಿನ ಪೆಟ್ಟಿಗೆಯಲ್ಲಿ ಇರಿಸಿ.</p><img><p>ನೀವು ಬಯಸಿದರೆ ಕಡಲೆ ಹಿಟ್ಟನ್ನು ಫ್ರಿಡ್ಜ್ನಲ್ಲಿಯೂ ಇಡಬಹುದು. ಕಡಲೆ ಹಿಟ್ಟನ್ನು ಫ್ರಿಡ್ಜ್ನಲ್ಲಿ ಇಟ್ಟರೆ, ಅದರಲ್ಲಿ ಬೆಳೆಯುವ ಹುಳಗಳ ಮೊಟ್ಟೆಗಳು ಸಾಯುತ್ತವೆ ಮತ್ತು ಹೊಸ ಹುಳಗಳು ಕಡಲೆ ಹಿಟ್ಟಿನೊಳಗೆ ಬರುವುದಿಲ್ಲ.</p><img><p>ಕಡಲೆ ಹಿಟ್ಟನ್ನು ಇಡುವ ಪಾತ್ರೆಯು ಒದ್ದೆಯಾಗಿರಬಾರದು. ಸಂಪೂರ್ಣವಾಗಿ ಸ್ವಚ್ಛವಾಗಿದೆಯಾ ಎಂದು ನೋಡಿಕೊಳ್ಳಿ.</p><p>ಕಡಲೆ ಹಿಟ್ಟನ್ನು ಶೇಖರಿಸಿಡಲು ಗಾಳಿಯಾಡದ ಪಾತ್ರೆಯನ್ನು ಬಳಸಿ. ಗಾಳಿಯಾಡದ ಪಾತ್ರೆಯು ಕಡಲೆ ಹಿಟ್ಟಿನೊಳಗೆ ಹುಳಗಳು ಪ್ರವೇಶಿಸುವುದನ್ನು ತಡೆಯುತ್ತದೆ. ಕಡಲೆ ಹಿಟ್ಟನ್ನು ಗಾಜಿನ ಅಥವಾ ಪ್ಲಾಸ್ಟಿಕ್ ಡಬ್ಬಿಗಳಲ್ಲಿಯೂ ಸಂಗ್ರಹಿಸಬಹುದು. ಹುಳಗಳು ಇವುಗಳ ಮೇಲೆ ಸುಲಭವಾಗಿ ದಾಳಿ ಮಾಡುವುದಿಲ್ಲ.</p>
Source link
ಬೋಂಡಾ ಮಾಡೋಕೆ ಹಿಟ್ಟು ತಗೊಂಡ್ರೆ ಹುಳ ಕಾಣಿಸ್ತಾ, ಡೋಂಟ್ವರಿ..ಹೀಗ್ ಮಾಡಿ
