2 ಕೋಟಿ ಬಜೆಟ್, 11 ಕೋಟಿ ಕಲೆಕ್ಷನ್.. ಕರ್ನಾಟಕದಲ್ಲಿ ಒಡಿಶಾ ಸಿನಿಮಾ ಹವಾ, ಸ್ಯಾಂಡಲ್‌ವುಡ್‌ಗೆ ಶಾಕ್!

<p>ಒಡಿಶಾ ಸಿನಿಮಾರಂಗದಲ್ಲೇ ಅತ್ಯಧಿಕ ಕಲೆಕ್ಷನ್‌ ಮಾಡಿರುವ ಚಿತ್ರ ಎಂಬ ಹೆಗ್ಗಳಿಕೆಗೆ ಭಾಜನವಾಗಿರುವ ಈ ಸಿನಿಮಾದ ಬಜೆಟ್‌ ಕೇವಲ 2 ಕೋಟಿ ರು. ಅಷ್ಟೇ. ಆದರೆ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಇದು 11 ಕೋಟಿ ರು. ಕಲೆಕ್ಷನ್‌ ಮಾಡಿದೆ.</p><img><p>‘ಬೌ ಬುಟ್ಟು ಭೂತಾ’ ಸದ್ಯ ಬೆಂಗಳೂರಿನಲ್ಲಿ ಸದ್ದು ಮಾಡುತ್ತಿರುವ ಒಡಿಶಾ ಸಿನಿಮಾ. ದಿನೇ ದಿನೇ ಥೇಟರ್‌ಗಳ ಸಂಖ್ಯೆ ವಿಸ್ತರಿಸಿಕೊಳ್ಳುತ್ತ ಕನ್ನಡ ಸಿನಿಮಾಗಳ ಸ್ಕ್ರೀನ್‌ಗಳನ್ನೂ ಕಬಳಿಸಿ ಮುನ್ನುಗ್ಗುತ್ತಿದೆ.</p><img><p>ಒಡಿಶಾ ಸಿನಿಮಾರಂಗದಲ್ಲೇ ಅತ್ಯಧಿಕ ಕಲೆಕ್ಷನ್‌ ಮಾಡಿರುವ ಚಿತ್ರ ಎಂಬ ಹೆಗ್ಗಳಿಕೆಗೆ ಭಾಜನವಾಗಿರುವ ಈ ಸಿನಿಮಾದ ಬಜೆಟ್‌ ಕೇವಲ 2 ಕೋಟಿ ರು. ಅಷ್ಟೇ. ಆದರೆ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಇದು 11 ಕೋಟಿ ರು. ಕಲೆಕ್ಷನ್‌ ಮಾಡಿದೆ. ಸದ್ಯ ಬೆಂಗಳೂರಿನ ಹಲವು ಸ್ಕ್ರೀನ್‌ಗಳಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.</p><img><p>ಇದರ ದೆಸೆಯಿಂದ ದಿಗಂತ್‌ ನಟನೆಯ ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಸಿನಿಮಾಕ್ಕೆ ಸ್ಕ್ರೀನ್‌ ಸಿಗದೇ ಚಿತ್ರತಂಡ ಆಕ್ರೋಶ ವ್ಯಕ್ತಪಡಿಸಿದ್ದೂ ನಡೆದಿದೆ. ಕಡಿಮೆ ಬಜೆಟ್‌ನ ಸಿನಿಮಾಗಳಿಗೆ ಸೀಮಿತವಾಗಿ ಒಡಿಶಾ ಚಿತ್ರರಂಗದಲ್ಲಿ ಸ್ಥಳೀಯ ಸಿನಿಮಾಗಳಿಗಿಂತ ಇತರೆ ಭಾಷೆಗಳ ಸಿನಿಮಾಗಳಿಗೆ ಪ್ರೇಕ್ಷಕರು ಹೆಚ್ಚು.</p><img><p>ಅಲ್ಲಿ ನಮ್ಮ ‘ಕೆಜಿಎಫ್‌ ಚಾಪ್ಟರ್‌ 2’ ಸಿನಿಮಾ 15.25 ಕೋಟಿಯಷ್ಟು ಗಳಿಕೆ ಮಾಡಿ ಅತೀ ಹೆಚ್ಚು ಕಲೆಕ್ಷನ್‌ ಮಾಡಿರುವ ಸಿನಿಮಾಗಳಲ್ಲೊಂದಾಗಿ ಗುರುತಿಸಿಕೊಂಡಿದೆ. ಇದೀಗ ‘ಬೌ ಬುಟ್ಟು ಭೂತಾ’ ಆ ಗಳಿಕೆಯನ್ನೂ ಹಿಂದಿಕ್ಕುವ ಸೂಚನೆ ಇದೆ.</p><img><p>ತಜ್ಞರ ಪ್ರಕಾರ ಬೆಂಗಳೂರಿನಲ್ಲಿ ಒಡಿಶಾ ಸಿನಿಮಾವೊಂದು ಈ ಮಟ್ಟಿಗೆ ಜನಪ್ರೀತಿ ಗಳಿಸಿರುವುದು ಇದೇ ಮೊದಲು. ಇದು ಕಾಮಿಡಿ ಹಾರರ್‌ ಡ್ರಾಮಾವಾಗಿದ್ದು ಬಾಬೂಶಾನ್‌ ಮೊಹಂತಿ ಮುಖ್ಯಪಾತ್ರದಲ್ಲಿದ್ದಾರೆ.</p>



Source link