<p><strong>ಪ್ರಿಯಾ ಕೆರ್ವಾಶೆ</strong></p><p><strong>* ಕಾಟೇರ ನಂತರ ತುಂಬ ಗ್ಯಾಪ್ ಆಯ್ತಲ್ಲಾ?</strong>ಸಾಕಷ್ಟು ಸ್ಕ್ರಿಪ್ಟ್ಗಳು ಬರುತ್ತಿದ್ದವು. ಕೆಲವದರಲ್ಲಿ ಕಥೆ ಚೆನ್ನಾಗಿತ್ತು, ಟೀಮ್ ಸೆಟ್ ಆಗುತ್ತಿರಲಿಲ್ಲ. ಇನ್ನೂ ಕೆಲವು ಪಾತ್ರಗಳೇ ನನಗೆ ಇಷ್ಟ ಆಗಲಿಲ್ಲ. ಎಲ್ಲಕ್ಕಿಂತ ಮುಖ್ಯವಾಗಿ ‘ಕಾಟೇರ’ ಯಶಸ್ಸು ನನ್ನ ಮೇಲೆ ಒಂದಿಷ್ಟು ಜವಾಬ್ದಾರಿಯನ್ನೂ ಹೊರಿಸಿತ್ತು. ಪಾತ್ರಗಳ ಆಯ್ಕೆಯಲ್ಲಿ ನಾನು ಚ್ಯೂಸಿ ಆಗೋದು ಅನಿವಾರ್ಯವಾಗಿತ್ತು.</p><p><strong>* ಈ ಸಿನಿಮಾದಲ್ಲಿ ನಿಮ್ಮ ಪಾತ್ರ?</strong>ಕಾಟೇರ ಸಿನಿಮಾಕ್ಕೆ ಕಂಪ್ಲೀಟ್ ವಿರುದ್ಧ ಬಗೆಯ ಪಾತ್ರ. ಮುಖ್ಯಮಂತ್ರಿಗಳ ಮಗಳಾಗಿ ಬೋಲ್ಡ್ ಆ್ಯಂಡ್ ಬಿಂದಾಸ್ ಆಗಿ ಕಾಣಿಸಿಕೊಳ್ಳುತ್ತಿದ್ದೇನೆ. ಔಟ್ ಆ್ಯಂಡ್ ಔಟ್ ಮಾಡರ್ನ್ ಹುಡುಗಿ. ಸಾಕಷ್ಟು ತೂಕ ಇರುವ ಪಾತ್ರ. ಆದರೆ ಅದಕ್ಕೆ ನಾನೀಗ ತೂಕ ಇಳಿಸಿಕೊಳ್ಳಬೇಕಿದೆ.</p><p><strong>* ಬಾಡಿ ಟ್ರಾನ್ಸ್ಫಾರ್ಮೇಶನ್ ಮಾಡ್ತಿದ್ದೀರ?</strong>ಖಂಡಿತಾ. ‘ಕಾಟೇರ’ದಲ್ಲಿ ಛಬ್ಬಿ ಛಬ್ಬಿ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದೆ. ಆದರೆ ಈ ಪಾತ್ರಕ್ಕೆ ತೆಳ್ಳಗಾಗೋದು ಅನಿವಾರ್ಯ. ಆ ಪ್ರೊಸೆಸ್ ಶುರುವಾಗಿದೆ. ನಿತ್ಯ ಜಿಮ್ನಲ್ಲಿ ವರ್ಕೌಟ್ ಮಾಡ್ತಿದ್ದೀನಿ. ನವೆಂಬರ್ನಿಂದ ಶೂಟಿಂಗ್ ಶುರುವಾಗಲಿದೆ. ಅಷ್ಟೊತ್ತಿಗೆ ರೆಡಿ ಆಗಬೇಕಿದೆ.</p><p><strong>* ಉಪೇಂದ್ರ ಜೊತೆ ವಯಸ್ಸಿನ ಅಂತರ ಜಾಸ್ತಿ ಆಗಿದೆ ಅನಿಸಲಿಲ್ವಾ?</strong>ಈ ಪ್ರಶ್ನೆಗೆ ಉತ್ತರ ಸ್ಕ್ರೀನ್ ಮೇಲೇ ಸಿಗುತ್ತೆ. ನಮ್ಮಿಬ್ಬರ ಪಾತ್ರಗಳೇ ಆ ರೀತಿ ಇವೆ. ಹಾಗೆಂದು ನಾವಿಬ್ಬರೂ ಜೋಡಿಯಾಗಿಯೇ ಇರ್ತೀವಿ. ಆದರೆ ವಯಸ್ಸಿನ ಅಂತರ ಅನ್ನೋದು ಕೌಂಟ್ ಆಗೋದಿಲ್ಲ.</p><p><strong>* ಉಪೇಂದ್ರ ಸಿನಿಮಾಗಳನ್ನು ನೋಡಿದ್ದೀರ?</strong>ಖಂಡಿತಾ. ನಾನವರ ದೊಡ್ಡ ಫ್ಯಾನ್. ನಾನು ಈ ಸಿನಿಮಾ ಒಪ್ಪಿಕೊಳ್ಳೋದಕ್ಕೆ ಅವರೂ ಮುಖ್ಯ ಕಾರಣ. ಕ್ರಿಯೇಟಿವಿಟಿಗೆ ಇನ್ನೊಂದು ಹೆಸರಿನಂತಿರುವ ‘ಉಪೇಂದ್ರ ಸ್ಟೈಲ್’ನ ಸಿನಿಮಾಕ್ಕೆ ನಾಯಕಿ ಆಗ್ತಿದ್ದೀನಿ ಅನ್ನೋದೇ ನನಗೆ ಹೆಮ್ಮೆ. ಆದರೆ ಇಂಥಾ ಕಥೆಯಲ್ಲಿ, ಪಾತ್ರದಲ್ಲಿ ಅವರು ಈ ಹಿಂದೆ ಕಾಣಿಸಿಕೊಂಡಿಲ್ಲ. ನನ್ನ ಪಾತ್ರವೂ ಅವರ ಈ ಹಿಂದಿನ ಸಿನಿಮಾಗಳ ಯಾವ ನಾಯಕಿ ಪಾತ್ರವನ್ನೂ ಹೋಲುವುದಿಲ್ಲ.</p><p><strong>* ಬೇರೆ ಭಾಷೆ ಸಿನಿಮಾಗಳಿಂದ ಆಫರ್ ಬರ್ತಿಲ್ವಾ?</strong>ಬರ್ತಿದೆ. ಶೀಘ್ರ ಬೇರೆ ಭಾಷೆಯಲ್ಲಿ ನನ್ನ ಹೊಸ ಸಿನಿಮಾ ಘೋಷಣೆಯಾಗಲಿದೆ. ಆದರೆ ಆ ಬಗ್ಗೆ ಈಗಲೇ ಗುಟ್ಟು ಬಿಟ್ಟುಕೊಡುವಂತಿಲ್ಲ.</p>
Source link
ರಿಯಲ್ ಸ್ಟಾರ್ ಉಪೇಂದ್ರಗೆ ಮಾಲಾಶ್ರೀ ಡಾಟರ್ ಜೋಡಿ.. ನೆಕ್ಸ್ಟ್ ಲೆವೆಲ್ನಲ್ಲಿ ಆರಾಧನಾ ರಾಮ್
