<p>ಬಿಗ್ ಬಾಸ್ ಕನ್ನಡ ಸೀಸನ್ 11 ಶೋನಲ್ಲಿ ಸ್ನೇಹಿತರಾಗಿದ್ದ ಐಶ್ವರ್ಯ ಶಿಂಧೋಗಿ, ಶಿಶಿರ್ ಶಾಸ್ತ್ರೀ ಅವರ ಸ್ನೇಹ ಇನ್ನಷ್ಟು ಸ್ಟ್ರಾಂಗ್ ಆಗುತ್ತಿದೆ. ಹೌದು, ಇವರಿಬ್ಬರು ಒಟ್ಟಿಗೆ ಸಿನಿಮಾ, ಬ್ಯುಸಿನೆಸ್ ಮಾಡುತ್ತಿದ್ದಾರೆ. ಇವರೀಗ ಮದುವೆ ಆಗ್ತಾರಾ ಎಂಬ ಪ್ರಶ್ನೆ ಎದ್ದಿದೆ. </p><img><p>ಐಶ್ವರ್ಯಾ ಶಿಂಧೋಗಿ ಅವರ ಜನ್ಮದಿನವನ್ನು ಶಿಶಿರ್ ಶಾಸ್ತ್ರೀ ಅವರು ಗ್ರ್ಯಾಂಡ್ ಆಗಿ ಆಚರಿಸಿದ್ದಾರೆ. ಈ ವಿಡಿಯೋವನ್ನು ಐಶ್ವರ್ಯಾ ಶೇರ್ ಮಾಡಿಕೊಂಡಿದ್ದರು. ಐಶ್ವರ್ಯಾ ಅವರ ಆಪ್ತರನ್ನು ಗುಟ್ಟಾಗಿ ಕರೆದು ಶಿಶಿರ್ ಅವರು ಜನ್ಮದಿನ ಆಚರಿಸಿದ್ದರು.</p><img><p>ಪ್ರತಿ ವರ್ಷ ನಾನು ನನ್ನ ಜನ್ಮದಿನ ಆಚರಿಸಿಕೊಳ್ತಿದ್ದೆ. ಆದರೆ ಈ ಬಾರಿ ನನ್ನ ಡ್ರೆಸ್, ಡೆಕೋರೇಶನ್, ಗೆಸ್ಟ್ ಕರೆದಿದ್ದು ಹೀಗೆ ಎಲ್ಲವನ್ನು ಶಿಶಿರ್ ಅವರೇ ಅರೇಂಜ್ ಮಾಡಿದ್ದರು. ಇದೇ ಮೊದಲ ಬಾರಿಗೆ ನನ್ನ ಬರ್ತಡೇಯನ್ನು ಶಿಶಿರ್ ಅವರು ಗ್ರ್ಯಾಂಡ್ ಆಗಿ ಆಚರಿಸಿದ್ದಾರೆ. ಅಷ್ಟೇ ಅಲ್ಲದೆ ಪ್ರೊಫೆಶನಲ್ ಆಗಿ ಹಾಡು ರೆಕಾರ್ಡ್ ಕೂಡ ಮಾಡಿದ್ದರು.</p><img><p>ಅಂದಹಾಗೆ ಯುಟ್ಯೂಬರ್ಸ್ ಜೊತೆ ಮಾತನಾಡುವಾಗ ಐಶ್ವರ್ಯಾ ಶಿಂಧೋಗಿ, ಶಿಶಿರ್ ಶಾಸ್ತ್ರೀ ಅವರು ಮುಂದೆ ಜೋಡಿಯಾಗ್ತಾರಾ ಎಂಬ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ.</p><img><p>ಶಿಶಿರ್ ಶಾಸ್ತ್ರೀ ಅವರು, “ನಾವು ಹೀಗೆ ಆಗತ್ತೆ ಅಂತ ಹೇಳೋಕಾಗಲ್ಲ, ಮ್ಯಾನಿಫೆಸ್ಟ್ ಮಾಡಬಹುದು ಅಷ್ಟೇ. ಯಾವ ಸಮಯಕ್ಕೆ ಏನಾಗಬೇಕೋ ಅದೇ ಆಗೋದು. ಮುಂಚಿತವಾಗಿ ಹೇಳೋದು ಬೇಡ. ಆದಾಗ ಅಥವಾ ಆಗದೆ ಇದ್ದಾಗಲೂ ಕೂಡ ನಿಮಗೆ ಗೊತ್ತಾಗತ್ತೆ” ಎಂದು ಹೇಳಿದ್ದಾರೆ.</p><img><p>ಐಶ್ವರ್ಯಾ ಶಿಂಧೋಗಿ, ಶಿಶಿರ್ ಶಾಸ್ತ್ರೀ ಅವರು ಒಟ್ಟಿಗೆ ಮೈಕ್ರೋ ಸಿರೀಸ್ನಲ್ಲಿ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಐಶ್ವರ್ಯಾ ಅವರು ತುಳು ಸಿನಿಮಾದ ಜೊತೆಗೆ ಕನ್ನಡದಲ್ಲಿ ನಿನ್ನ ಜೊತೆ ನನ್ನ ಕಥೆ ಧಾರಾವಾಹಿಯಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. </p>
Source link
‘ಮುಂದೆ ನೀವು ಜೋಡಿಯಾಗ್ತೀರಾ?’ ಎಂದಿದ್ದಕ್ಕೆ ‘ಮ್ಯಾನಿಫೆಸ್ಟ್ ಮಾಡ್ತಿದೀವಿ’ ಎಂದ ಶಿಶಿರ್ ಶಾಸ್ತ್ರೀ, ಐಶ್ವರ್ಯಾ ಶಿಂಧೋಗಿ!
