ರಶ್ಮಿಕಾ ಮಂದಣ್ಣ ಅದೆಂತಾ ಲಕ್ಕಿ ಬ್ಯೂಟಿ ಅನ್ನೋದು ಮತ್ತೆ ಪ್ರೂವ್ ಆಗಿದೆ. ರಶ್ಮಿಕಾ ನಾಯಕಿಯಾಗಿ ನಟಿಸಿದ ಕುಬೇರ ಸಿನಿಮಾ ಶತಕೋಟಿ ಕ್ಲಬ್ ಸೇರಿದೆ. ಈ ಸಕ್ಸಸ್ ಬೆನ್ನಲ್ಲೇ ರಶ್ಮಿಕಾ ನಟನೆಯ ಹೊಸ ಸಿನಿಮಾದ ಅನೌನ್ಸ್ಮೆಂಟ್ ಆಗಿದೆ. ಕಿರಿಕ್ ಬ್ಯೂಟಿ ವೀರನಾರಿಯಾಗಿ ಪೋಸ್ ಕೊಟ್ಟಿದ್ದಾರೆ. ರಶ್ಮಿಕಾ ಅಕೌಂಟ್ಗೆ ಮತ್ತೊಂದು ನೂರು ಕೋಟಿಯ ಸಿನಿಮಾ ಸೇರ್ಪಡೆಯಾಗಿದೆ. ಧನುಷ್, ನಾಗಾರ್ಜುನ, ರಶ್ಮಿಕಾ ನಟನೆಯ ಕುಬೇರ ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ಅನ್ನಿಸಿಕೊಂಡಿದೆ. ತೆರೆಕಂಡು ಮೂರೇ ದಿನಕ್ಕೆ 50 ಕೋಟಿ ಬಾಚಿದ್ದ ಈ ಸಿನಿಮಾ ಈಗ ನೂರು ಕೋಟಿ ಗಳಿಸಿ ಮುನ್ನುಗ್ತಾ ಇದೆ. ಕುಬೇರ ಮೂವಿಯಲ್ಲಿ ಧನುಷ್ ಬಿಕ್ಷುಕನ ಪಾತ್ರ ಮಾಡಿದ್ದಾರೆ. ರಶ್ಮಿಕಾ ಕೂಡ ಸಾದಾ ಸೀದಾ ಮಿಡ್ಲ್ ಕ್ಲಾಸ್ ಹುಡುಗಿ ಪಾತ್ರ ಮಾಡಿದ್ದಾರೆ.
ಸಿನಿಮಾದಲ್ಲಿ ಡ್ಯುಯೆಟ್ ಸಾಂಗ್ ಇಲ್ಲ, ಲವ್ ಸೀನ್ ಇಲ್ಲ. ಇದೊಂದು ಪಕ್ಕಾ ಕಂಟೆಂಟ್ ಸಿನಿಮಾ. ಸೀಟಿನ್ ತುದಿಗೆ ತಂದು ಕೂರಿಸೋ ಈ ಥ್ರಿಲ್ಲರ್ ಈಗ ಬಿಗ್ ಹಿಟ್ ಅನ್ನಿಸಿಕೊಂಡಿದೆ. ರಶ್ಮಿಕಾ ನಾಯಕಿಯಾಗಿದ್ರೆ ಆ ಸಿನಿಮಾ ಕೋಟಿ ಕೋಟಿ ಬಾಚುತ್ತೆ ಅನ್ನೋದು ಮತ್ತೆ ಪ್ರೂವ್ ಆಗಿದೆ. ಅನಿಮಲ್, ಪುಷ್ಪ-2, ಛಾವಾ ಚಿತ್ರಗಳ ಹ್ಯಾಟ್ರಿಕ್ ಸಕ್ಸಸ್ನಿಂದ ಇಂಡಿಯನ್ ಇಂಡಸ್ಟ್ರಿಯಲ್ಲಿ ನಂ.1 ಪಟ್ಟಕ್ಕೇರಿದ್ದ ರಶ್ಮಿಕಾ, ಸಿಕಂದರ್ ಸೋಲಿನಿಂದ ಕೊಂಚ ಡಲ್ ಆಗಿದ್ರು. ಆದ್ರೆ ಈಗ ಮತ್ತೆ ಕುಬೇರ ಸಕ್ಸಸ್ನಿಂದ ಮತ್ತೆ ಯಶಸ್ಸಿನ ಸವಿ ಸವಿದಿದ್ದಾರೆ ರಶ್ಮಿಕಾ. ಕುಬೇರ ಸಕ್ಸಸ್ ಬೆನ್ನಲ್ಲೇ ರಶ್ಮಿಕಾ ನಟನೆಯ ಹೊಸ ಚಿತ್ರ ಅನೌನ್ಸ್ ಆಗಿದೆ.
ಅನ್ಫಾರ್ಮುಲಾ ಫಿಲ್ಮ್ಸ್ ನಿರ್ಮಾಣ ಮಾಡ್ತಾ ಇರೋ ಹೊಸ ಚಿತ್ರ ಪೋಸ್ಟರ್ ಹಂಚಿಕೊಂಡಿರೋ ರಶ್ಮಿಕಾ ಹೊಸ ಚಿತ್ರದಲ್ಲಿ ರಗಡ್ ಲುಕ್ನಲ್ಲಿ ಮಿಂಚಲಿದ್ದೀನಿ ಅನ್ನೋ ಸೂಚನೆ ಕೊಟ್ಟಿದ್ದಾರೆ. ಈ ಪೋಸ್ಟರ್ನಲ್ಲಿ ಕಾಡಿನ ಮಧ್ಯೆ ರಶ್ಮಿಕಾ ನಿಂತಿದ್ದಾರೆ. ವಾರಿಯರ್ ರೀತಿ ಕಾಣಿಸಿಕೊಂಡಿದ್ದಾರೆ. ರಶ್ ಕೈಯಲ್ಲಿ ಆಯುಧ ರೀತಿಯ ವಸ್ತುವಿದೆ. ‘ಬೇಟೆಗೊಳಗಾಗಿ ಗಾಯಗೊಂಡರೂ ಅಚಲವಾಗಿ ನಿಂತಿದ್ದಾಳೆ’ಎಂಬ ಸಂದೇಶವನ್ನ ಪೋಸ್ಟರ್ ಮೇಲೆ ಬರೆಯಲಾಗಿದೆ. ಈ ಸಿನಿಮಾದ ಪೋಸ್ಟರ್ ಹಾಗೂ ಟೈಟಲ್ ಜೂನ್ 27ರ ಮುಂಜಾನೆ 10:08ಕ್ಕೆ ರಿಲೀಸ್ ಆಗಲಿದೆ. ಒಟ್ಟಾರೆ ಯಶಸ್ಸಿನ ಉತ್ತುಂಗದಲ್ಲಿರೋ ರಶ್ಮಿಕಾ ಹೊಸತೊಂದು ಪಾತ್ರದ ಮೂಲಕ ರಂಜಿಸೋಕೆ ಸಿದ್ದವಾಗಿದ್ದಾರೆ. ಕಿರಿಕ್ ಬ್ಯೂಟಿಯ ಹೊಸ ಅವತಾರ ನೋಡ್ಲಿಕ್ಕೆ ನೀವು ಕೂಡ ಸಜ್ಜಾಗಿ.
