ಕುಪ್ಪಂಡಾಸ್ ಜ್ಯುವೆಲ್ಲರಿ ಯಾರ್ ಅಪ್ಪನ ಮನೆ ಆಸ್ತೀನೂ ಅಲ್ಲ… ವರ್ತೂರ್ ಹೆಸರು ಕೇಳಿ ಯಾಕೆ ಹೀಗಂದಿದ್ದು ತನಿಷಾ?

<p>ಬಿಗ್ ಬಾಸ್ ಸ್ಪರ್ಧಿ ತನಿಷಾ ಕುಪ್ಪಂಡಾ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ, ಕುಪ್ಪಂಡಾಸ್ ಜ್ಯುವೆಲ್ಲರಿ ಯಾರ್ ಅಪ್ಪನ ಮನೆ ಆಸ್ತೀನೂ ಅಲ್ಲ ಎಂದು ಖಡಕ್ ಆಗಿ ಹೇಳಿದ್ದಾರೆ.</p><img><p>ಕನ್ನಡ ಕಿರುತೆರೆಯಲ್ಲಿ ನಟಿಯಾಗಿ ಗುರುತಿಸಿಕೊಂಡರೂ <strong>ಬಿಗ್ ಬಾಸ್ ಸೀಸನ್ 10ರ</strong> ಮೂಲಕ ಸದ್ದು ಮಾಡಿದ ಬೆಡಗಿ ತನಿಷಾ ಕುಪ್ಪಂಡಾ. ತಮ್ಮ ನೇರ ಮಾತು, ಆಟಗಳ ಮೂಲಕ ಬೆಂಕಿ ಅಂತಾನೇ ಫೇಮಸ್ ಆದವರು.</p><img><p>ಬಿಗ್ ಬಾಸ್ ಮನೆಯಲ್ಲಿರುವಾಗ <strong>ವರ್ತೂರ್ ಸಂತೋಷ್ </strong>ಮತ್ತು ತನಿಷಾ ಕುಪ್ಪಂಡಾ ಜೋಡಿ ತುಂಬಾನೆ ಫೇಮಸ್ ಆಗಿತ್ತು. ಅಲ್ಲಿಂದ ಹೊರ ಬಂದ ಮೇಲೆ ಸಹ ಇಬ್ಬರು ಹಲವಾರು ಕಡೆಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಇಬ್ಬರ ನಡುವೆ ಏನೋ ನಡೆಯುತ್ತಿದೆ ಎನ್ನುವ ಗುಸುಗುಸು ಸಹ ಕೇಳಿ ಬಂದಿತ್ತು.</p><img><p>ಬಿಗ್ ಬಾಸ್ ನಿಂದ ಹೊರ ಬಂದ ಮೇಲೆ <strong>ತನಿಷಾ ಕುಪ್ಪಂಡ &nbsp;(Tanisha Kuppanda) </strong>ತಮ್ಮದೇ ಆದ ಕುಪ್ಪಂಡಾಸ್ ಜ್ಯುವೆಲ್ಲರಿ ತೆರೆದರು. ಅದರಲ್ಲೂ ಯಶಸ್ವಿಯಾಗಿ ಎರಡೆರಡು ಶೋ ರೂಮ್ ಗಳನ್ನು ಬೆಂಗಳೂರಿನಲ್ಲಿ ತೆರೆದಿದ್ದಾರೆ ತನಿಷಾ. ಈ ಜ್ಯುವೆಲ್ಲರಿ ಕುರಿತಂತೆ ಹಲವು ಊಹಾಪೋಹಗಳು ಹರಿದಾಡುತ್ತಿದ್ದವು, ಇದೀಗ ಆ ಸಂಶಯಗಳಿಗೆ ತನಿಷಾ ನೇರ ಉತ್ತರ ಕೊಟ್ಟಿದ್ದಾರೆ.</p><img><p>ಕೆಲವು ದಿನಗಳ ಹಿಂದೆ ತನಿಷಾ ಕುಪ್ಪಂಡ ಅವರ ಸಂದರ್ಶನದ ವಿಡಿಯೋ ಒಂದು ವೈರಲ್ ಆಗಿತ್ತು. ಈ ವಿಡಿಯೋದಲ್ಲಿ ಸಂದರ್ಶಕಿ, ಇದು ನನ್ನ ಪ್ರಶ್ನೆ ಅಲ್ಲ, ಯೂಟ್ಯೂಬ್ ಅಲ್ಲಿ ತುಂಬಾ ಜನ ಹೇಳ್ತಿರೋದನ್ನು ಕೇಳಿ ನಾನು ಕೇಳುತ್ತಿರೋದು. ಇದಕ್ಕೆ ನಿಮ್ಮ ಕ್ಲಾರಿಟಿ ಬೇಕು ಎಂದು ಕೇಳಿದ್ದಾರೆ.</p><img><p>ತನಿಷಾಗೆ ಪ್ರಶ್ನೆ ಕೇಳುತ್ತಾ, ಕುಪ್ಪಂಡಾಸ್ ಜ್ಯುವೆಲ್ಲರಿಗೆ ಸ್ಪಾನ್ಸರ್ ಮಾಡಿದ್ದು, ವರ್ತೂರ್ ಸಂತೋಷ್ ಅಂತೆ. ಅವರೇ ಅದರ ಪಾರ್ಟ್ನರ್, ಬೆನ್ನೆಲುಬು, ಸಪೋರ್ಟರ್ ಎಲ್ಲವೂ ಹೌದು ಎನ್ನುವ ಮಾತು ಕೇಳಿ ಬರುತ್ತಿದೆ. ಅದು ನಿಜಾನ ಎಂದು ಕೇಳಿದ್ದಾರೆ.</p><img><p>ಇದಕ್ಕೆ ಉತ್ತರಿಸಿದ ತನಿಷಾ… ಇದನ್ನು ವರ್ತೂರ್ ಸಂತೋಷ್ ಕೇಳುತ್ತಿದ್ದರೆ ಸರಿಯಾಗಿ ಉತ್ತರ ಕೊಡುತ್ತಿದ್ದರು. ಕುಪ್ಪಂಡಾಸ್ ಜ್ಯುವೆಲ್ಲರಿಯನ್ನು ನಾನು ಯಾರ ಅಪ್ಪನ ಮನೆಯ ಆಸ್ತಿಯನ್ನು ಬಳಸಿ ಮಾಡಿಲ್ಲ. ಇದು ನಾನೇ ಸ್ಥಾಪಿಸಿದ ಜ್ಯುವೆಲ್ಲರಿ, ಇದಕ್ಕಿಂತ ನೇರವಾಗಿ ಉತ್ತರ ಕೊಡಲು ನನಗೆ ಬರೋದಿಲ್ಲ ಎಂದಿದ್ದಾರೆ.</p>



Source link