ಪ್ರತಿ 26 ಸೆಕೆಂಡ್‌ಗೆ ಗಢ ಗಢ ನಡಗುತ್ತಿದೆ ಭೂಮಿ; ವಿಜ್ಞಾನಿಗಳಿಗೆ ಕಬ್ಬಿಣದ ಕಡಲೆಯಾದ ಅಚ್ಚರಿ ವಿದ್ಯಮಾನ

<p><strong>The secret of the Earth: </strong>ಪ್ರತಿ 26 ಸೆಕೆಂಡ್‌ಗಳಿಗೊಮ್ಮೆ ಭೂಮಿ ಕಂಪಿಸುತ್ತಿರುವ ಅಚ್ಚರಿಯ ವಿದ್ಯಮಾನವನ್ನು ವಿಜ್ಞಾನಿಗಳು ಗಮನಿಸುತ್ತಿದ್ದಾರೆ. ಈ ಸೂಕ್ಷ್ಮ ಕಂಪನಗಳಿಗೆ ನಿಖರವಾದ ಕಾರಣ ಇನ್ನೂ ನಿಗೂಢವಾಗಿದೆ.</p><img><p>ಜನರ ಹೃದಯಬಡಿತ ಹೆಚ್ಚಾಗುವ ಸುದ್ದಿಯೊಂದು ಹೊರಬಂದಿದ್ದು, ವಿಜ್ಞಾನಿಗಳಿಗೂ ಇದು ಕಬ್ಬಿಣದ ಕಡಲೆಯಾಗಿ ಪರಿಣಮಿಸಿದೆ. ಹಲವು ದಶಕಗಳಿಂದ ಈ ವಿದ್ಯಮಾನ ಸಂಭವಿಸುತ್ತಿದ್ದು, ಈ ಸಂಬಂಧ ವಿಜ್ಞಾನಿಗಳು ಗಂಭೀರವಾಗಿ ಸಂಶೋಧನೆ ಮಾಡುತ್ತಿದ್ದಾರೆ. ಭೂಮಿಯ ಈ ಅಚ್ಚರಿ ವಿದ್ಯಮಾನವನ್ನು 2005ರಲ್ಲಿ ಪತ್ತೆ ಮಾಡಲಾಗಿತ್ತು.</p><img><p>ಭೂಕಂಪ ಸಂಭವಿಸಿದಾಗ ಭೂಮಿ ಅಲ್ಲಾಡಿದ ಅನುಭವ ಆಗಿರುತ್ತದೆ. 2005ರಿಂದ ಪ್ರತಿ 26 ಸೆಕೆಂಡ್‌ಗೆ ಭೂಮಿ ಕಂಪಿಸುತ್ತಿದೆ. 26 ಸೆಕೆಂಡ್‌ನ ಕಂಪನ ಅತ್ಯಂತ ಸೌಮ್ಯವಾಗಿದ್ದು, ಜನರ ಅನುಭವಕ್ಕೆ ಬರುತ್ತಿಲ್ಲ. ಈ ಸೌಮ್ಯವಾದ ಕಂಪನದಿಂದ ಭೂಮಿ ಮೇಲೆ ಯಾವುದೇ ರೀತಿಯ ಹಾನಿಯನ್ನುಂಟು ಮಾಡುತ್ತಿಲ್ಲ. ಆದ್ರೆ ಭೂಮಿಯ ಅಂತರಾಳದಲ್ಲಿ ಏನು ನಡೆಯುತ್ತಿದೆ ಎಂಬುವುದು ವಿಜ್ಞಾನಿಗಳ ತರ್ಕಕ್ಕೆ ಸಿಗುತ್ತಿಲ್ಲ. ಭೂಮಿಯೊಳಗೆ ಅಚ್ಚರಿಯ ವಿದ್ಯಮಾನ ನಡೆಯುತ್ತಿರೋದು ಮಾತ್ರ ಖಚಿತವಾಗಿದೆ.</p><img><p>ಸೂರ್ಯದ ತಾಪಮಾನ ಏರಿಕೆಯಾದ್ರೆ ತಾಪಮಾನ ಅಧಿಕವಾಗಿ ಸಮುದ್ರದಲ್ಲಿ ಚಂಡಮಾರುತ, ಬಿರುಗಾಳಿ ಉಂಟಾಗುತ್ತದೆ. ಇದರಿಂದ ದೊಡ್ಡ ಸಮುದ್ರ ಅಲೆಗಳ ಸೃಷ್ಟಿಯಾಗುತ್ತದೆ. ಸಮುದ್ರದ ಅಲೆಗಳು ದಡಕ್ಕೆ ಅಪ್ಪಳಿಸಿದಾಗ ಅವುಗಳ ಶಕ್ತಿ ಭೂಮಿಗೆ ರವಾನೆಯಾಗುತ್ತದೆ. ಈ ಶಕ್ತಿ ಭೂಮಿಯಾದ್ಯಂತ ಹರಡುತ್ತದೆ. ಈ ವಿದ್ಯಮಾನವನ್ನು ವಿಜ್ಞಾನಿಗಳು ಕಂಪನಗಳ ರೂಪದಲ್ಲಿ ದಾಖಲಿಸುತ್ತಿದ್ದಾರೆ. ಸಾಗರದಲ್ಲಿ ಉತ್ಪತ್ತಿಯಾಗುವ ಶಕ್ತಿ ಭೂಮಿಯಾದ್ಯಂತ ಹರಡುತ್ತದೆ.</p><p><strong>ಇದನ್ನೂ ಓದಿ: </strong><strong>ಐದು ತಂತ್ರಜ್ಞಾನವನ್ನು ಭಾರತೀಯ ಕಂಪನಿಗಳಿಗೆ ಹಸ್ತಾಂತರ ಮಾಡಿದ ಇಸ್ರೋ!</strong></p><img><p>ಈ ಪ್ರತಿ 26 ಸೆಕೆಂಡ್‌ಗಳ ಭೂಮಿಯ ಕಂಪನ ಯಾಕಾಗುತ್ತಿದೆ ಅನ್ನೋದು ಇನ್ನೂ ನಿಗೂಢವಾಗಿದೆ. ಕಾರಣ ತಿಳಿಯದ ಹಿನ್ನೆಲೆಯಲ್ಲಿ ಇದನ್ನು ನಿಗೂಢ ವಿದ್ಯಮಾನ ಅಂತಾನೇ ಕರೆಯಲಾಗುತ್ತದೆ. ಈ ಕಂಪನ ಭೂಮಿಯ ಆಳದಲ್ಲಿನ ಅಂದರೆ ಮ್ಯಾಂಟಲ್ ಮತ್ತು ಕೋರ್ ನಡುವಿನ ಚಲನೆ/ಘರ್ಷಣೆ/ಚಟುವಟಿಕೆಯಿಂದ ಸಂಭವಿಸುತ್ತಿರಬಹುದು ಎಂದು ಕೆಲ ಸಂಶೋಧಕರು ಅನುಮಾನ ವ್ಯಕ್ತಪಡಿಸುತ್ತಿದ್ದಾರೆ. ಇನ್ನು ಕೆಲವರು ಸಮುದ್ರದ ಶಕ್ತಿ ಎಫೆಕ್ಟ್ ಎಂದು ಹೇಳುತ್ತಾರೆ.</p><p><strong>ಇದನ್ನೂ ಓದಿ: </strong><strong>ವೇಗವಾಗಿ ತಿರುಗುತ್ತಿದೆ ಭೂಮಿ: 2029ರಲ್ಲಿ ಸಮಯದಲ್ಲಿ ಬದಲಾವಣೆ! ಏನಿದು ಕುತೂಹಲದ ವಿದ್ಯಮಾನ?</strong></p><img><p>2005ರಿಂದ ಅಂದ್ರೆ ಎರಡು ದಶಕಗಳಿಂದ ಈ ಭೂಮಿಯ ಆಂತರಿಕ ರಚನೆಯನ್ನು ಅರ್ಥಮಾಡಿಕೊಳ್ಳಲು ಭೂಕಂಪನ ಶಬ್ದ ಬಳಕೆ ಮಾಡಿಕೊಂಡು ಅಧ್ಯಯನ ನಡೆಸುತ್ತಿದ್ದಾರೆ. ಭೂಕಂಪನ ಶಬ್ದದಿಂದ ದೋಷ ರೇಖೆಗಳು ಮತ್ತು ಕ್ರಸ್ಟ್-ಮ್ಯಾಂಟಲ್ ಕುರಿತ ಮಾಹಿತಿಯನ್ನು ಸಂಗ್ರಹಿಸಲಾಗುತ್ತಿದೆ. ಈವರೆಗೂ 26 ಸೆಕೆಂಡುಗಳ ಕಂಪನ ವಿಜ್ಞಾನಿಗಳಿಗೆ ಬಿಡಿಸಲಾದ ಒಗಟು ಆಗಿದೆ. ಸದ್ಯಕ್ಕೆ 26 ಸೆಕೆಂಡುಗಳಲ್ಲಿ ಭೂಮಿಯು ಕಂಪಿಸುವುದು ನಿಗೂಢವಾಗಿಯೇ ಉಳಿದಿದೆ.</p><p><strong>ಇದನ್ನೂ ಓದಿ: </strong><strong>ಕ್ಯಾನ್ಸರ್‌ಗೆ ಹೊಸ ವ್ಯಾಕ್ಸಿನ್, ರಷ್ಯಾದ ಔಷಧಿ ಮಾರಕ ರೋಗಕ್ಕೆ ಆಗುತ್ತಾ ವರ?</strong></p>



Source link