ನೇಪಾಳ ದಂಗೆಯಲ್ಲಿ ಪ್ರಮುಖ ಪಾತ್ರ
ತನಿಖೆಯಿಂದ ತಿಳಿದುಬಂದಂತೆ, ನೇಪಾಳದ ಒಬ್ಬ ಪ್ರಮುಖ ಉದ್ಯಮಿ ಚೌರಾಸಿಯಾಗೆ ನಿರ್ವಾಹಕರಾಗಿ ಕೆಲಸ ಮಾಡುತ್ತಿದ್ದ. ಆತನೇ ಐಎಸ್ಐ ಮಾರ್ಗದರ್ಶಕನಾಗಿದ್ದು, ನೇಪಾಳದಲ್ಲಿ ಹಲವಾರು ಗೂಢಚಾರರನ್ನು ನಿರ್ವಹಿಸುತ್ತಿದ್ದನೆಂದು ಮೂಲಗಳು ತಿಳಿಸಿವೆ. ಅಲ್ಲದೆ, ನೇಪಾಳದಲ್ಲಿ ನಡೆಯುತ್ತಿರುವ Gen-Z ಪ್ರತಿಭಟನೆಗೆ ಈ ಉದ್ಯಮಿ ಪ್ರಮುಖ ಪಾತ್ರವಹಿಸಿದ್ದಾನೆಂದು ಶಂಕಿಸಲಾಗಿದೆ.
2024ರಲ್ಲಿ ಮಧ್ಯವರ್ತಿಯ ಮೂಲಕ ಐಎಸ್ಐ ನಿರ್ವಾಹಕರು ಚೌರಾಸಿಯಾಗೆ ಅಮೆರಿಕ ವೀಸಾ ಹಾಗೂ ವಿದೇಶದಲ್ಲಿ ಪತ್ರಿಕೋದ್ಯಮದಲ್ಲಿ ಅವಕಾಶದ ಆಸೆ ಹುಟ್ಟಿಸಿ ಬಲೆಗೆ ಬೀಳಿಸಿದ್ದರು. ಪ್ರತಿಯಾಗಿ ಅವನಿಗೆ ಡಿಆರ್ಡಿಒ ಮತ್ತು ಸೇನೆಗೆ ಸಂಬಂಧಿಸಿದ ಮಾಹಿತಿಯನ್ನು ಸಂಗ್ರಹಿಸುವುದು ಹಾಗೂ ಸಿಮ್ ಕಾರ್ಡ್ ಪೂರೈಕೆ ಮಾಡುವ ಕೆಲಸ ವಹಿಸಿದ್ದರು.
