ಮೊಟ್ಟೆ ಎಷ್ಟೇ ದುಬಾರಿಯಾದ್ರೂ ಅದನ್ನ ಇಷ್ಟಪಟ್ಟು ಕೊಂಡು ತಿನ್ನುವ, ದಿನಾ ತಿನ್ನುವ ಜನರೂ ನಮ್ಮ ನಡುವೆ ಇದ್ದಾರೆ. ಆದರೆ ನಾವು ಹೀಗೆ ಪ್ರೀತಿಯಿಂದ ತಿನ್ನುವ ಮೊಟ್ಟೆಯನ್ನ ಪರೀಕ್ಷಿಸದೆ ತಿನ್ನುವುದು ಎಷ್ಟು ಅಪಾಯಕಾರಿ ಎಂದು ನಿಮಗೆ ತಿಳಿದಿದೆಯೇ?. ಅನೇಕ ಜನರು ಮೊಟ್ಟೆಗಳ ಫ್ರೆಶ್ನೆಸ್ ಬಗ್ಗೆ ಗಮನ ಹರಿಸುವುದಿಲ್ಲ. ಅಂದರೆ ಗೊತ್ತೊ, ಗೊತ್ತಿಲ್ಲದೆಯೋ ಕೆಟ್ಟ ಮೊಟ್ಟೆಗಳನ್ನು ತಿನ್ನುತ್ತಾರೆ. ಇದು ಹೊಟ್ಟೆ ನೋವು, ವಾಂತಿ, ಅತಿಸಾರ ಮತ್ತು ಗಂಭೀರ ಫುಡ್ ಪಾಯಿಸನ್ನಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು. ವಿಶೇಷವಾಗಿ ಮಕ್ಕಳು, ವೃದ್ಧರು ಮತ್ತು ಅನಾರೋಗ್ಯ ಪೀಡಿತರಿಗೆ ಈ ಅಪಾಯ ಹೆಚ್ಚಾಗುತ್ತದೆ. ಗುಡ್ ನ್ಯೂಸ್ ಅಂದ್ರೆ ಮೊಟ್ಟೆ ಫ್ರೆಶ್ ಆಗಿದೆಯಾ, ಕೆಟ್ಟಿದೆಯಾ ಎಂಬುದನ್ನು ಮನೆಯಲ್ಲಿಯೇ ಸುಲಭವಾಗಿ ಪರಿಶೀಲಿಸಬಹುದು.
