ಯಮನೊಂದಿಗೆ ಬುಧ ಗ್ರಹ ಮುಖಾಮುಖಿ; ನವಪಂಚಮ ರಾಜಯೋಗ ರಚನೆ; 3 ರಾಶಿಗಳ ಮೇಲೆ ಸಂಪತ್ತಿನ ಸುರಿಮಳೆ

ಬುಧ ಮತ್ತು ಪ್ಲುಟೊ ಗ್ರಹಗಳ ಸಂಯೋಗದಿಂದ ನವಪಂಚಮ ರಾಜಯೋಗ ಉಂಟಾಗಿದ್ದು, ಇದು ಮಿಥುನ, ಕನ್ಯಾ ಮತ್ತು ತುಲಾ ರಾಶಿಯವರಿಗೆ ಸಂಪತ್ತು, ವೃತ್ತಿ ಯಶಸ್ಸು ಮತ್ತು ಆರ್ಥಿಕ ಸುಧಾರಣೆಯಂತಹ ಶುಭ ಫಲಗಳನ್ನು ತರಲಿದೆ. ಈ ರಾಜಯೋಗದಿಂದಾಗಿ ಈ ರಾಶಿಗಳ ಜೀವನದಲ್ಲಿ ಮಹತ್ವದ ಬದಲಾವಣೆಗಳು ನಿರೀಕ್ಷಿತವಾಗಿವೆ.<img><p>ಗ್ರಹಗಳು ಪರಸ್ಪರ 120 ಡಿಗ್ರಿ ಕೋನದಲ್ಲಿದ್ದಾಗ ನವಪಂಚಮ ರಾಜಯೋಗ ರಚನೆಯಾಗುತ್ತದೆ. ಈ ರಚನೆಯನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಗ್ರಹಗಳ ಸಂಯೋಗ ಎಂದು ಕರೆಯಲಾಗುತ್ತದೆ. ಈ ಯೋಗ ಕೆಲವು ರಾಶಿಚಕ್ರಗಳಿಗೆ ಸಂಪತ್ತು, ಸಮೃದ್ಧಿ, ಗೌರವ ಮತ್ತು ಯಶಸ್ಸು ನೀಡುತ್ತದೆ. ಜ್ಞಾನ, ವ್ಯವಹಾರ, ಸಂವಹನ ಮತ್ತು ಪ್ರಯಾಣದ ಅಧಿಪತಿಯಾಗಿರುವ ಬುಧವನ್ನು ಗ್ರಹಗಳ ರಾಜಕುಮಾರ ಎಂದು ಕರೆಯಲಾಗುತ್ತದೆ.&nbsp;</p><p>ಇನ್ನು ಪ್ಲುಟೋ ಮಾನಸಿಕ ಬದಲಾವಣೆ ಮತ್ತು ಸಂಪತ್ತನ್ನು ಸೂಚಿಸುತ್ತದೆ. ಈ ಎರಡು ಗ್ರಹಗಳು ಜೊತೆಯಾಗಿ ಸೇರಿದಾಗ ಜೀವನದಲ್ಲಿ ಹಲವು ದೊಡ್ಡ ಬದಲಾವಣೆಗಳು ಉಂಟಾಗುತ್ತವೆ. ವ್ಯವಹಾರದಲ್ಲಿ ಪ್ರಗತಿ ಮತ್ತು ಉನ್ನತ ಸ್ಥಾನಕ್ಕೆ ಏರುವ ಸಾಧ್ಯತೆಗಳಿರುತ್ತವೆ.</p><img><p>ಸೆಪ್ಟೆಂಬರ್ 19 ರಂದು ಬೆಳಗ್ಗೆ 7:04 ಕ್ಕೆ 120 ಡಿಗ್ರಿಯಲ್ಲಿ ಬುಧ ಮತ್ತು ಪ್ಲುಟೋ ಪರಸ್ಪರ ಭೇಟಿಯಾಗಿದ್ದಾರೆ. ಪ್ಲುಟೋ ಸದ್ಯ ಮಕರ ರಾಶಿಯಲ್ಲಿ ಪ್ರಯಾಣಿಸುತ್ತಿದ್ರೆ , ಬುಧ ಗ್ರಹ ತನ್ನದೇ ಕನ್ಯಾರಾಶಿಯಲ್ಲಿ ಪ್ರಯಾಣಿಸುತ್ತಿದ್ದಾನೆ.&nbsp;</p><p>ಬುಧ ಗ್ರಹ ತಿಂಗಳಿಗೆ ಎರಡು ಬಾರಿ ರಾಶಿಯನ್ನು ಬದಲಾಯಿಸೋದರಿಂದ ಇತರೆ ಗ್ರಹಗಳನ್ನು ನಿರ್ದಿಷ್ಟ ದೂರದಲ್ಲಿ ಸಂಪರ್ಕಿಸುವ ಮೂಲಕ ರಾಜಯೋಗ ಸೃಷ್ಟಿಸುತ್ತಾನೆ.</p><img><p>ಬುಧ ಗ್ರಹದಿಂದ ರಚನೆಯಾಗಿರುವ ನವಪಂಚಮ ರಾಜಯೋಗ ಮಿಥುನ ರಾಶಿಯವರಿಗೆ ಲಾಭದಾಯಕವಾಗಿದೆ. ಈ ಯೋಗದಿಂದ ಹೊಸ ಅವಕಾಶ, ದೂರ ಪ್ರಯಾಣದ ಲಾಭಗಳು ಸಿಗಲಿವೆ. ಸಂವಹನ ಕೌಶಲ್ಯ ವೃದ್ಧಿಯಿಂದಾಗಿ ವೃತ್ತಿಜೀವನದಲ್ಲಿ ಉನ್ನತ ಸ್ಥಾನವನ್ನು ತಲುಪುತ್ತೀರಿ. ನಿರುದ್ಯೋಗಿಗಳಿಗೆ ಉದ್ಯೋಗವಕಾಶಗಳು ಸಿಗಲಿವೆ.&nbsp;</p><p>ವ್ಯಾಪಾರ ಕ್ಷೇತ್ರದಲ್ಲಿರೋರಿಗೆ ಲಾಭದ ಪ್ರಮಾಣ ಹೆಚ್ಚಳವಾಗುತ್ತದೆ. ಇದೆಲ್ಲದರಿಂದ ಹಣಕಾಸಿನ ಆಗಮನ ಪ್ರಮಾಣ ಹೆಚ್ಚಳವಾಗುತ್ತದೆ. ಇದರಿಂದ ಆರ್ಥಿಕ ಪರಿಸ್ಥಿತಿ ಸುಧಾರಣೆಯಾಗಿ, ಸಣ್ಣ ಪ್ರಮಾಣದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಹೂಡಿಕೆ ಮಾಡಲು ಆರಂಭಿಸುತ್ತೀರಿ.</p><p><strong>ಇದನ್ನೂ ಓದಿ:</strong><strong> ಈ 4 ತಿಂಗಳಲ್ಲಿ ಜನಿಸಿದವರಲ್ಲಿರುತ್ತೆ ಮನಸ್ಸು ಓದುವ ಶಕ್ತಿ; ತಾಳ್ಮೆಯೇ ಇದರ ಗುಟ್ಟು</strong></p><img><p>ಕನ್ಯಾ ರಾಶಿಯಲ್ಲಿ ಬುಧ ಲಗ್ನದಲ್ಲಿದ್ದು, ಪ್ಲೂಟೋ ಐದನೇ ಮನೆಯಲ್ಲಿದ್ದಾರೆ. ಹಾಗಾಗಿ ಈ ನವಪಂಚಮ ರಾಜಯೋಗದಿಂದ ಕನ್ಯಾ ರಾಶಿಚಕ್ರದವರಿಗೆ ಮಂಗಳಕರವನ್ನುಂಟು ಮಾಡಲಿದೆ. ಎಲ್ಲಾ ಕ್ಷೇತ್ರಗಳಲ್ಲಿರುವ ಕನ್ಯಾ ರಾಶಿಯವರಿಗೆ ಈ ಯೋಗ ಲಾಭವನ್ನು ತಂದುಕೊಡಲಿದೆ.&nbsp;</p><p>ಹೊಸ ಕೆಲಸ ಆರಂಭವಾಗಲಿದ್ದು, ಇದಕ್ಕಿರುವ ಎಲ್ಲಾ ಸಮಸ್ಯೆಗಳು ನಿವಾರಣೆಯಾಗಲಿವೆ. ವ್ಯವಹಾರದಲ್ಲಿ ಎದುರಾಳಿಗಳ ಸಂಖ್ಯೆ ಕಡಿಮೆಯಾಗಿ ಎರಡು ಪಟ್ಟು ಲಾಭ ಸಿಗಲಿದೆ. ಕುಟುಂಬ ಮತ್ತು ವೈವಾಹಿಕ ಜೀವನದಲ್ಲಿ ನೆಮ್ಮದಿ ಕಾಣುತ್ತೀರಿ.</p><p><strong>ಇದನ್ನೂ ಓದಿ: </strong><strong>ಸೂರ್ಯನಿಂದ ಶನಿಗೆ ದ್ವಿಗುಣ ಬಲ: ಮೂರು ರಾಶಿಯವರಿಗೆ ರಾಜಯೋಗ, ಸುರಿಯಲಿದೆ ಹಣದ ಮಳೆ</strong></p><img><p>ತುಲಾ ರಾಶಿಯಲ್ಲಿ ಬುಧ ಹನ್ನೆರಡನೇ ಮನೆಯಲ್ಲಿ ಮತ್ತು ಪ್ಲೂಟೋ ನಾಲ್ಕನೇ ಮನೆಯಲ್ಲಿ ಸಂಚರಿಸುತ್ತಾರೆ. ಈ ಕಾರಣದಿಂದ ತುಲಾ ರಾಶಿಯವರಿಗೆ ಅನಿರೀಕ್ಷಿತ ಆದಾಯದ ಮಾರ್ಗಗಳು ಹೆಚ್ಚಾಗುತ್ತವೆ. ಪೂರ್ವಜರ ಅಥವಾ ಪಿತ್ರಾರ್ಜಿತ ಆಸ್ತಿಗಳಿಗೆ ಸಂಬಂಧಿಸಿದ ವ್ಯಾಜ್ಯಗಳು ಅಚ್ಚರಿ ಎಂಬಂತೆ ಬಗೆಹರಿಯುತ್ತವೆ. ಮನೆ/ವಾಹನ ಖರೀದಿಸುವ ಅವಕಾಶಗಳು ಬರಲಿವೆ. ಉದ್ಯೋಗಿಗಳ ಸಂಬಳ ಹೆಚ್ಚಾಗಲಿದ್ದು, ಇದರಿಂದ ಮನಸ್ಸು ಶಾಂತಿಯುತವಾಗಿರುತ್ತದೆ.</p><p><strong>Disclaimer:</strong> ಇದು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇದನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ ದೃಢೀಕರಿಸುವದಿಲ್ಲ. ಬಳಕೆದಾರರು ಇವನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.</p>



Source link