ಕರ್ನಾಟಕದಲ್ಲಿದ್ದೀರಿ ಅಂದ್ರೆ ಈ ಅದ್ಭುತ ಅನುಭವಗಳನ್ನು ಪಡೆಯದೇ ಇದ್ದರೆ ಹೇಗೆ?

<p>ಕರ್ನಾಟಕದಲ್ಲಿ ಅದೆಷ್ಟೋ ಆಚರಣೆಗಳು, ಆಹಾರಗಳು, ಹಬ್ಬಗಳಿವೆ. ಅವುಗಳಲ್ಲಿ ನೀವು ಕೆಲವೊಂದು ವಿಷಯಗಳನ್ನು ಖುದ್ಧಾಗಿ ಅನುಭವಿಸಿದರೇನೇ ಚೆನ್ನ.</p><img><p>ಕರ್ನಾಟಕ ವಿವಿಧ ಜಾತಿ, ಧರ್ಮ, ಆಚರಣೆ, ಹಬ್ಬ, ಸಂಸ್ಕೃತಿಯ ತವರೂರು. ಇಲ್ಲಿ ನೀವು ಯಾವುದೇ ಮೂಲೆಗೆ ಹೋದರೂ ಒಂದೊಂದು ವಿಶಿಷ್ಟ, ವಿಭಿನ್ನ ಅನುಭವ ಆಗೋದು ಖಚಿತಾ. ನೀವು ಕರ್ನಾಟಕದಲ್ಲೇ (Karnataka) ಇರುವ ಕನ್ನಡಿಗರಾಗಿದ್ರೆ ಈ ಅನುಭವಗಳನ್ನು ನೀವು ಪಡೆಯದೇ ಇದ್ರೆ ಹೇಗೆ?</p><img><p><strong>ಮೈಸೂರು ದಸರಾ ಮೆರವಣಿಗೆ</strong></p><p>ನಾಡ ಹಬ್ಬ ದಸರಾ ಆಚರಣೆ (Mysore Dasara) ಹೇಗಿರುತ್ತೆ ಅನ್ನೋದನ್ನು ನೀವು ಟಿವಿ ಮುಂದೆ ಕುಳಿತು ನೋಡಿರುತ್ತೀರಿ. ಅಂಬಾರಿ ಹೊರುವ ಆನೆ. ಆ ರಾಜಗಾಂಭಿರ್ಯ ನಡಿಗೆ, ಮೆರವಣಿಗೆ ಇವೆಲ್ಲವೂ ರಾಜ ಮಹಾರಾಜರ ಕಾಲದ ಅನುಭವ ನೀಡುತ್ತೆ. ಇದನ್ನು ಪರದೆ ಮುಂದೆ ಕುಳಿತು ನೋಡಿದ್ರೆ ಸಾಲದು, ನಿಜವಾದ ಅನುಭವ ಪಡೆಯೋದೆ ಕಣ್ಣಿಗೆ, ಮನಸ್ಸಿಗೆ ಹಬ್ಬ.</p><img><p><strong>ಕಂಬಳ</strong></p><p>ಕರಾವಳಿಯ ಸಾಂಸ್ಕೃತಿಕ ಕ್ರೀಡೆ ಅಂದ್ರೆ ಅದು ಕಂಬಳ (Kambala buffalo racing). ಎತ್ತುಗಳ ಓಟ ಇದಾಗಿದೆ. ಕೆಸರುಗದ್ದೆಯಲ್ಲಿ ಪಳಗಿದ ಎತ್ತುಗಳು ಓಡೋದನ್ನು ನೋಡುವುದೇ ಕಣ್ಣುಗಳಿಗೆ ಹಬ್ಬ. ಇದಕ್ಕಾಗಿ ಎತ್ತುಗಳನ್ನು ಹಲವು ತಿಂಗಳುಗಳಿಂದ ತಯಾರಿ ಮಾಡುತ್ತಿರುತ್ತಾರೆ.</p><img><p><strong>ಕೊಡಗಿನ ಕಾಫಿ ಪ್ಲಾಂಟೇಶನ್ ಸ್ಟೇ</strong></p><p>ಕೊಡಗು ಅಂದ್ರೆ ಕರ್ನಾಟಕದ ಸ್ಕಾಟ್ ಲ್ಯಾಂಡ್. ಇಲ್ಲಿನ ತಂಪಾದ ವಾತಾವರಣ, ಆ ಸುಂದರ ಪ್ರಕೃತಿ ಎಲ್ಲವೂ ಮನಸ್ಸಿಗೆ ಮುದ ಕೊಡುತ್ತದೆ. ಅದರಲ್ಲೂ ಅಲ್ಲಿನ ಕಾಫಿ ಪ್ಲಾಂಟೇಶನ್ ಬಗ್ಗೆ ಹೇಳದೇ ಇರೋದಕ್ಕೆ ಸಾಧ್ಯಾನ? ಆ ಕಾಫಿ ಪ್ಲಾಂಟೇಶನ್ ಮಧ್ಯದಲ್ಲಿ ಸ್ಟೇ (stay in coffee plantation Coorg) ಮಾಡೋದು ಬೆಸ್ಟ್ ಅನುಭವ.</p><img><p><strong>ಯಕ್ಷಗಾನ ಬಯಲಾಟ</strong></p><p>ಇದು ಕೂಡ ಕರಾವಳಿಯ ಕಲೆ. ಸಾಮಾನ್ಯವಾಗಿ ರಾತ್ರಿ ಹೊತ್ತು ಶುರುವಾಗುವ ಯಕ್ಷಗಾನ ಬಯಲಾಟವನ್ನು ನೋಡುವುದೇ ಚಂದ. ಆ ವಿವಿಧ ಬಣ್ಣಗಳು, ಯಕ್ಷಗಾನ (Yakshagana) ಧಿರಿಸುಗಳು, ಮೇಕಪ್, ಪುಟ್ಟದಾದ ರಂಗಸ್ಥಳದ ಮೇಲೆ ನಡೆಯುವ ಆ ಆಟ ವಿಭಿನ್ನ ಅನುಭವ ಕೊಡುತ್ತದೆ.</p><img><p><strong>ಆಗುಂಬೆ ರಸ್ತೆಯಲ್ಲಿ ಮಾನ್ಸೂನ್ ರೈಡ್</strong></p><p>ಆಗುಂಬೆ ಅಂದರೇನೆ ಪ್ರಕೃತಿಯನ್ನು ಹೊತ್ತು ಮಲಗಿರುವ ತಾಣ. ಕರ್ನಾಟಕದ ಚಿರಾಪುಂಜಿ ಎಂದೇ ಖ್ಯಾತಿ ಪಡೆದಿರುವ ಆಗುಂಬೆಯಲ್ಲಿ ನೀವು ಮಾನ್ಸೂನ್ ರೈಡ್ (monsoon ride in Agumbe) ಮಾಡಿದ್ರೆ ವಾರೆವಾ ಸೂಪರ್ ಆಗಿರುತ್ತೆ.</p><img><p><strong>ಕಡಲೆಕಾಯಿ ಪರಿಷೆ</strong></p><p>ಬೆಂಗಳೂರಿನ ಬಸವನ ಗುಡಿಯಲ್ಲಿ ನಡೆಯುವ ಬಸವನಗುಡಿ ಪರೀಷೆಯಲ್ಲಿ ಸಹ ಒಂದು ಬಾರಿಯಾದರೂ ನೀವು ಭಾಗಿಯಾಗಿ. ಕಡ್ಲೆಕಾಯಿ (kadalekai parishe) ಸೇರಿ, ಅಲ್ಲಿನ ಆ ಬಣ್ಣದ ಜಗತ್ತನ್ನು ಎಂಜಾಯ್ ಮಾಡಬೇಕು.</p><img><p><strong>ನಂದಿ ಹಿಲ್ಸ್ ನಲ್ಲಿ ಸೂರ್ಯೋದಯ</strong></p><p>ಸೂರ್ಯೋದಯ, ಸೂರ್ಯಸ್ತಮಾನ ಏನು ನೋಡೋದು, ಪ್ರತಿದಿನ ನಡೆಯೋದೆ ಎಂದು ನೀವು ಅಂದುಕೊಂಡಿರಬಹುದು. ಆದರೆ, ಬೆಳಗ್ಗೆ ಎದ್ದು 5-6 ಗಂಟೆಯೊಳಗೆ ನಂದಿ ಹಿಲ್ಸ್ (Sun rise in Nandi Hills) ತಲುಪಿ. ಅಲ್ಲಿಂದ ಆ ಮೋಡಗಳ ನಡುವೆ ಮೂಡಿ ಬರುವ ಸೂರ್ಯೋದಯವನ್ನು ನೀವು ನೋಡಬೇಕು, ನಿಮ್ಮನ್ನ ಇದು ಬೇರೆ ಪ್ರಪಂಚಕ್ಕೆ ಕೊಂಡೊಯ್ಯುತ್ತದೆ.</p>



Source link