<p><strong>Cooking Tips: </strong>ಉಪ್ಪು, ಖಾರ ಹೆಚ್ಚಾದಾಗ ಅಡುಗೆ ರುಚಿ ಹಾಳಾಗುತ್ತದೆ. ಈ ಸಮಸ್ಯೆಗೆ ಸರಳ ಪರಿಹಾರಗಳನ್ನು ಅಜ್ಜಿ ಹೇಳಿಕೊಟ್ಟಿದ್ದಾರೆ. ಹೆಚ್ಚಿನ ರುಚಿಗಾಗಿ ಈ ಸಲಹೆ ಪಾಲಿಸಿ.</p><img><p>ಕೆಲವೊಮ್ಮೆ ಅಡುಗೆ ಮಾಡುವಾಗ ಉಪ್ಪು-ಖಾರ ಹೆಚ್ಚು ಕಡಿಮೆಯಾಗಿರುತ್ತದೆ. ಈ ಎರಡು ಪದಾರ್ಥಗಳು ಅಡುಗೆಯಲ್ಲಿ ಕಡಿಮೆಯಾದ್ರೆ ಸೇರಿಸಿಕೊಳ್ಳಬಹುದು. ಒಂದು ವೇಳೆ ಈ ಎರಡು ಪದಾರ್ಥ ಹೆಚ್ಚಾದರೆ ಏನು ಮಾಡಬೇಕು ಅಂತ ಗೊತ್ತೇ ಆಗಲ್ಲ. ಈ ಸಮಯದಲ್ಲಿ ಅಡುಗೆ ರುಚಿ ಹೆಚ್ಚಿಸಲು ಏನು ಮಾಡಬೇಕು ಎಂದು ನೋಡೋಣ ಬನ್ನಿ.</p><img><p>ಅಡುಗೆ ಮಾಡುವಾಗ ಕೆಲವೊಮ್ಮೆ ಖಾರ ಹೆಚ್ಚು ಕಡಿಮೆಯಾಗುತ್ತದೆ. ಈ ಸಂದರ್ಭದಲ್ಲಿ ಕೆಲವು ಸರಳ ಉಪಾಯಗಳಿಂದ ಖಾರ ಕಡಿಮೆಗೊಳಿಸಬಹುದು. ಈ ಸಲಹೆಗಳನ್ನು ಫಾಲೋ ಮಾಡಿದ್ರೆ ಅಡುಗೆ ಟೇಸ್ಟ್ ಹೆಚ್ಚಿಸಬಹುದು.</p><img><p>ಅಡುಗೆಯಲ್ಲಿ ಖಾರ ಹೆಚ್ಚಾದಾಗ ಕೆಲವೊಂದು ಪದಾರ್ಥಗಳನ್ನು ಸೇರಿಸಬೇಕು. ಖಾರ ಅಧಿಕವಾದಗ ಇದಕ್ಕೆ ಮನೆಯಲ್ಲಿರುವ ತರಕಾರಿಗಳನ್ನು ಸೇರಿಸಿ. ಇಲ್ಲವೇ ಸಾಂಬಾರ್ಗೆ ಒಂದಿಷ್ಟು ನೀರು ಸೇರಿಸಬಹುದು. ಇದರಿಂದ ಖಾರ ಕಡಿಮೆಯಾಗುತ್ತದೆ.</p><img><p>ಖಾರ ಕಡಿಮೆಯಾಗಿಸಲು ಸಾಂಬಾರ್ಗೆ ಹುಳಿ ಸೇರಿಸಬೇಕು. ಇದರಿಂದ ಖಾರ ಕಡಿಮೆಯಾಗೋದರ ಜೊತೆ ಹೊಸ ರುಚಿಯನ್ನು ಪಡೆದುಕೊಳ್ಳುತ್ತದೆ. ಹುಣಸೆಹಣ್ಣು ಅಥವಾ ನಿಂಬೆ ರಸ ಸೇರಿಸಿಕೊಳ್ಳಬಹುದು. ಹುಣಸೆ ಆದ್ರೆ ಸ್ವಲ್ಪ ನೀರು ಸೇರಿಸದಂತಾಗುತ್ತದೆ. ನೀರು ಸೇರ್ಪಡೆ ಮಾಡಲು ಇಷ್ಟವಿರದಿದ್ರೆ 1 ಟೀ ಸ್ಪೂನ್ ನಿಂಬೆ ಹಣ್ಣಿನ ರಸ ಸೇರಿಸಿಕೊಳ್ಳಿ.</p><img><p>ಕೆಲವೊಮ್ಮೆ ಮರೆವಿನಿಂದ ಅಡುಗೆಯಲ್ಲಿ ಉಪ್ಪು ಹೆಚ್ಚಾಗಿರುತ್ತದೆ. ಅಡುಗೆಯಲ್ಲಿ ಹೆಚ್ಚಾಗಿರುವ ಉಪ್ಪನ್ನು ಸಹ ಕೆಲವೊಂದು ಸರಳ ವಿಧಾನಗಳ ಮೂಲಕ ಕಡಿಮೆ ಮಾಡಬಹುದು. ಅಜ್ಜಿ ಅಮ್ಮನಿಗೆ ಹೇಳಿಕೊಟ್ಟ ಟಿಪ್ಸ್ ಏನು ಎಂದು ನೋಡೋಣ ಬನ್ನಿ.</p><img><p>ಸಾಂಬಾರ್ನಲ್ಲಿ ಉಪ್ಪು ಹೆಚ್ಚಾದ್ರೆ ಸಣ್ಣಗೆ ಕತ್ತರಿಸಿದ ಆಲೂಗಡ್ಡೆ ಸೇರಿಸಿ 10 ರಿಂದ 15 ನಿಮಿಷ ಬೇಯಿಸಬೇಕು. ಇದರಿಂದ ಸಾಂಬಾರ್ನಲ್ಲಿರುವ ಉಪ್ಪಿನಂಶವನ್ನು ಆಲೂಗಡ್ಡೆ ಹೀರಿಕೊಳ್ಳುತ್ತದೆ. ಆಲೂಗಡ್ಡೆ ಬದಲಾಗಿ ಸೋಯಾ ಸೇರಿಸಿಕೊಳ್ಳಬಹುದು.</p><img><p>ಸಾಂಬಾರ್ನಲ್ಲಿ ಉಪ್ಪು ಹೆಚ್ಚಾದ್ರೆ ಒಂದಿಷ್ಟು ನೀರು ಸೇರಿಸಿಕೊಂಡು ಸರಿ ಮಾಡಿಕೊಳ್ಳಬಹುದು. ಪಲ್ಯ ಅಥವಾ ತಿಂಡಿಯಾಗಿದ್ರೆ ಅದಕ್ಕೆ ಸಂಬಂಧಿಸಿದ ಇನ್ನೊಂದಿಷ್ಟು ತರಕಾರಿಗಳನ್ನು ಸೇರಿಸಿಕೊಂಡ್ರೆ ಉಪ್ಪು ಕಡಿಮೆಯಾಗುತ್ತದೆ.</p><img><p><strong>ಎಣ್ಣೆ ಅಧಿಕವಾದ್ರೆ</strong></p><p>ಕೆಲವೊಮ್ಮೆ ಸಾಂಬಾರಿನಲ್ಲಿ ಹೆಚ್ಚಾಗಿರುವ ಎಣ್ಣೆ ಅಂಶ ಮೇಲೆ ತೇಲುತ್ತಿರುತ್ತದೆ. ಈ ವೇಳೆ ಐಸ್ ಕ್ಯೂಬ್ನಿಂದ ಎಣ್ಣೆಅಂಶ ಬೇರ್ಪಡಿಸಬಹುದು. ಚಮಚದಿಂದ ನಿಧಾನವಾಗಿ ಎಣ್ಣೆ ಅಂಶ ತೆಗೆಯಬಹುದು.</p>
Source link
ಕೆಟ್ಟಿರೋ ಅಡುಗೆ ರುಚಿಯನ್ನು ಹೆಚ್ಚಿಸುವ ವಿಧಾನ: ಇದು ಅಮ್ಮನಿಗೆ ಅಜ್ಜಿ ಹೇಳಿಕೊಟ್ಟ ಟಿಪ್ಸ್!
