<p>ಇದನ್ನು ನಿರ್ಲಕ್ಷಿಸದೆ ಸರಿಯಾದ ಸಮಯದಲ್ಲಿ ಅದನ್ನು ಗುರುತಿಸಿ ವೈದ್ಯರಿಂದ ಚಿಕಿತ್ಸೆ ಪಡೆದರೆ ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಬಹುದು. ಏಕೆಂದರೆ ಲಿವರ್ ತನ್ನನ್ನು ತಾನೇ ಗುಣಪಡಿಸಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ.</p><img><p>ಎಲ್ಲಾ ಅಂಗಾಂಗಳ ಪೈಕಿ ಲಿವರ್ ಬಹಳ ಮುಖ್ಯ. ಏಕೆಂದರೆ ಅದಕ್ಕೆ ಸ್ವಲ್ಪ ಹಾನಿಯಾದರೂ ನಿಧಾನವಾಗಿ ಆಹಾರದ ಜೀರ್ಣಕ್ರಿಯೆ, ಹಾರ್ಮೋನುಗಳ ಉತ್ಪಾದನೆ, ರಕ್ತದ ಶುದ್ಧೀಕರಣದಂತಹ ಕಾರ್ಯಗಳ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸುತ್ತದೆ. ಸಾಮಾನ್ಯವಾಗಿ ಲಿವರ್‌ಗೆ ಬರುವ ಕಾಯಿಲೆಗಳಲ್ಲಿ ಸಿರೋಸಿಸ್ ಅನ್ನು ತುಂಬಾ ಗಂಭೀರವೆಂದು ಪರಿಗಣಿಸಲಾಗುತ್ತದೆ. ಸಿರೋಸಿಸ್ 7 ಲಕ್ಷಣಗಳನ್ನು ಹೊಂದಿದ್ದು, ಅವುಗಳಲ್ಲಿ ಒಂದು ಮಾತ್ರ ಕಣ್ಣುಗಳಲ್ಲಿಯೇ ಗೋಚರಿಸುತ್ತದೆ. ಇದನ್ನು ನಿರ್ಲಕ್ಷಿಸದೆ ಸರಿಯಾದ ಸಮಯದಲ್ಲಿ ಅದನ್ನು ಗುರುತಿಸಿ ವೈದ್ಯರಿಂದ ಚಿಕಿತ್ಸೆ ಪಡೆದರೆ ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಬಹುದು. ಏಕೆಂದರೆ ಲಿವರ್ ತನ್ನನ್ನು ತಾನೇ ಗುಣಪಡಿಸಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ.</p><img><p>ಲಿವರ್ ಶಕ್ತಿಯನ್ನು ಉತ್ಪಾದಿಸಲು ಕೆಲಸ ಮಾಡುತ್ತದೆ. ಅದರ ಆರೋಗ್ಯ ಹದಗೆಟ್ಟರೆ, ಶಕ್ತಿಯೂ ಕಡಿಮೆಯಾಗುತ್ತದೆ. ಸಾಮಾನ್ಯವಾಗಿ ಈ ಸಮಸ್ಯೆಯಿಂದ ಬಳಲುವವರು ಯಾವಾಗಲೂ ತೀವ್ರ ಆಯಾಸ ಮತ್ತು ದೌರ್ಬಲ್ಯದಿಂದ ಬಳಲುತ್ತಾರೆ. ಈ ಸಮಸ್ಯೆ ದೀರ್ಘಕಾಲದವರೆಗೆ ಇದ್ದರೆ ಸಅದನ್ನು ನಿರ್ಲಕ್ಷಿಸಬೇಡಿ. </p><img><p>ಲಿವರ್ ಹಾನಿಗೊಳಗಾದಾಗ ಜೀರ್ಣಕ್ರಿಯೆಯ ಮೇಲೆ ಪರಿಣಾಮ ಬೀರುತ್ತದೆ. ಹಸಿವು ಕಡಿಮೆಯಾಗಲು ಪ್ರಾರಂಭಿಸುತ್ತದೆ, ಇದರಿಂದಾಗಿ ದೇಹದಲ್ಲಿ ಪೋಷಕಾಂಶಗಳ ಕೊರತೆ ಉಂಟಾಗುತ್ತದೆ ಮತ್ತು ತೂಕವು ವೇಗವಾಗಿ ಕಡಿಮೆಯಾಗಲು ಪ್ರಾರಂಭಿಸುತ್ತದೆ.</p><img><p>ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಪ್ರಕಾರ, ಸಿರೋಸಿಸ್ ಬಂದಾಗ ಕಣ್ಣಿನ ಬಿಳಿ ಭಾಗವು ಹಳದಿ ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುತ್ತದೆ. ಇದರೊಂದಿಗೆ, ಚರ್ಮವು ಹಳದಿ ಬಣ್ಣಕ್ಕೆ ತಿರುಗಬಹುದು. ಇದನ್ನು ಕಾಮಾಲೆ ಎಂದೂ ಕರೆಯಲಾಗುತ್ತದೆ.</p><img><p>ಲಿವರ್ ಸಿರೋಸಿಸ್‌ನಿಂದಾಗಿ ಹೊಟ್ಟೆಯೊಳಗೆ ದ್ರವವು ಸಂಗ್ರಹವಾಗಲು ಪ್ರಾರಂಭಿಸುತ್ತದೆ. ಇದನ್ನು ಅಸೈಟ್ಸ್ ಎಂದು ಕರೆಯಲಾಗುತ್ತದೆ. ಇದರಲ್ಲಿ ಹೊಟ್ಟೆಯು ಉಬ್ಬಿರುವಂತೆ ಮತ್ತು ಊದಿಕೊಂಡಿರುವಂತೆ ಭಾಸವಾಗುತ್ತದೆ. ಇದರೊಂದಿಗೆ ಹೊಟ್ಟೆ ನೋವು ಕೂಡ ಸಂಭವಿಸಬಹುದು.</p><img><p>ರಕ್ತ ಹೆಪ್ಪುಗಟ್ಟುವಿಕೆಯನ್ನು ರೂಪಿಸುವ ಪ್ರೋಟೀನ್‌ಗಳನ್ನು ತಯಾರಿಸುವುದು ಲಿವರ್ ಕೆಲಸ. ಇದನ್ನು ಸರಿಯಾಗಿ ಮಾಡದಿದ್ದರೆ, ಸಣ್ಣ ಗಾಯವೂ ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಆಂತರಿಕ ರಕ್ತಸ್ರಾವದಿಂದಾಗಿ ಮೂಗೇಟುಗಳು ಸಂಭವಿಸಬಹುದು.</p><img><p>ಲಿವರ್ ತನ್ನನ್ನು ತಾನು ಸ್ವಚ್ಛಗೊಳಿಸಿಕೊಳ್ಳಲು ಸಾಧ್ಯವಾಗದಿದ್ದಾಗ ರಕ್ತದಲ್ಲಿ ವಿಷಕಾರಿ ವಸ್ತುಗಳು ಸಂಗ್ರಹವಾಗಲು ಪ್ರಾರಂಭಿಸುತ್ತವೆ. ಇದು ಮೆದುಳನ್ನು ತಲುಪಿ ಹಾನಿಯನ್ನುಂಟುಮಾಡುತ್ತದೆ. ಇದು ಕೈ ನಡುಕ, ಭ್ರಮೆಗಳು ಮತ್ತು ಕಿರಿಕಿರಿಯನ್ನು ಉಂಟುಮಾಡಬಹುದು.</p><img><p>ಚರ್ಮದ ಮೇಲೆ ಸಣ್ಣ ಕೆಂಪು ಕಲೆಗಳು ಅಥವಾ ಗೆರೆಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸಿದರೆ ಜಾಗರೂಕರಾಗಿರಿ. ಇದು ಲಿವರ್ ಸಿರೋಸಿಸ್‌ನಿಂದ ಉಂಟಾಗಬಹುದು. ಅಂತಹ ಗುರುತುಗಳು ಹೆಚ್ಚಾಗಿ ಮುಖ, ಎದೆ, ಕುತ್ತಿಗೆ ಮತ್ತು ಕೈಗಳಲ್ಲಿ ಕಾಣಿಸಿಕೊಳ್ಳುತ್ತವೆ.</p>
Source link
ಲಿವರ್‌ಗೆ ಹಾನಿಯಾದ್ರೆ ಒಂದು ಲಕ್ಷಣ ಮಾತ್ರ ಕಣ್ಣಲ್ಲೇ ಗೋಚರವಾಗುತ್ತೆ, ನಿರ್ಲಕ್ಷ್ಯ ಮಾಡದಿರಿ
