<p>ಕಣ್ಣೋಟದಲ್ಲೇ ಎಲ್ಲರ ಸೆಳೆಯಲು ಮುಂದಾದ ಇನ್ಫ್ಲುಯೆನ್ಸರ್, ಸರ್ಜರಿ ಬೆನ್ನಲ್ಲೇ ಸಾವು, ಫಾಕ್ಸ್ ಐಯ್ ಸರ್ಜರಿ ಮಾಡಿಸಿಕೊಂಡ ಈ ಇನ್ಫ್ಲುಯೆನ್ಸರ್ ತೀವ್ರ ಅನಾರೋಗ್ಯದಿಂದ ಮೃತಪಟ್ಟಿದ್ದಾರೆ. ಇದರೊಂದಿಗೆ ಮತ್ತೆ ಬ್ಯೂಟಿ ಸರ್ಜರಿ ಮಾರಕ ಅನ್ನೋದು ಸಾಬೀತಾಗಿದೆ.</p><img><h2>ಫಾಕ್ಸ್ ಐಯ್ ಸರ್ಜರಿ</h2><p>ಬ್ಯೂಟಿ ಹೆಚ್ಚಿಸಿಕೊಳ್ಳಲು ಮಾಡುವ ಸರ್ಜರಿ ಅಪಾಯಕಾರಿ ಅನ್ನೋದು ಹಲವು ಬಾರಿ ಸಾಬೀತಾಗಿದೆ. ಸೌಂದರ್ಯ ವರ್ಧಿಸಲು ಹೋಗಿ ಹಲವರು ಹಾಸಿಗೆ ಹಿಡಿದಿದ್ದರೆ, ಮತ್ತೆ ಕೆಲವರು ಇಹಲೋಕ ತ್ಯಜಿಸಿದ್ದಾರೆ. ಇದೀಗ 31 ವರ್ಷದ ಇನ್ಫ್ಲುಯೆನ್ಸರ್ ಫಾಕ್ಸ್ ಐಯ್ ( ಬೆಕ್ಕಿನ ಕಣ್ಣು) ರೀತಿಯ ಸರ್ಜರಿ ಮಾಡಿಸಿಕೊಂಡಿದ್ದಾರೆ. ಪರಿಣಾಮ ಇನ್ಫೆಕ್ಷನ್, ಊತ, ಉಸಿರಾಟ ಸಮಸ್ಯೆ ಕಾಣಿಸಿಕೊಂಡು ಮೃತಪಟ್ಟ ಘಟನೆ ನಡೆದಿದೆ.</p><img><h2>31 ವರ್ಷದ ಇನ್ಫ್ಲುಯೆನ್ಸರ್ ಸಾವು</h2><p>ಅಡೈರ್ ಮೆಂಡೆಸ್ ಡುಟ್ರಾ ಅನ್ನೋ 31 ವರ್ಷದ ಬ್ರೆಜಲ್ ಇನ್ಫ್ಲುಯೆನ್ಸರ್ ಸಾವು ಮತ್ತೆ ಬ್ಯೂಟಿ, ಕಾಸ್ಮೆಟಿಕ್ಸ್ ಸರ್ಜರಿ ಮಾಡಿಸಿಕೊಳ್ಳುವ ಮಂದಿಗೆ ಎಚ್ಚರಿಕೆ ನೀಡಿದೆ. ಜನಪ್ರಿಯ ಇನ್ಫ್ಲುಯೆನ್ಸರ್ ಬ್ರ್ಯಾಂಡ್ ಪ್ರಮೋಟರ್ ಆಗಿ ಗುರುತಿಸಿಕೊಂಡಿದ್ದ ಅಡೈರ್ ಕಣ್ಣಿನಲ್ಲೇ ಎಲ್ಲರ ಆಕರ್ಷಿಸಲು ಹೋಗಿ ಸಾವು ಕಂಡಿದ್ದಾರೆ.</p><img><h2>ಫಾಕ್ಸ್ ಐಯ್ ಸರ್ಜರಿ ಭಾರಿ ಅಪಾಯ</h2><p>ಡಾ.ದೆಬರಾಜ್ ಶೋಮ್ ಪ್ರಕರಾ, ಫಾಕ್ಸ್ ಐಯ್ಸ್ ಸರ್ಜರಿ ಅತ್ಯಂತ ಅಪಾಯಾಕಾರಿ. ನುರಿತ ತಜ್ಞ ವೈದ್ಯರು ಮಾತ್ರ ಈ ಸರ್ಜರಿ ಮಾಡುತ್ತಾರೆ. ಕಡಿಮೆ ದುಡ್ಡಿನಲ್ಲಿ ಮಾಡಿಕೊಡುತ್ತಾರೆ ಎಂದು ಮೋಸಹೋಗಬಾರದು. ಕಣ್ಣಿನ ಸರ್ಜರಿ ಇದಾಗಿರುವ ಕಾರಣ ಅತೀ ಸೂಕ್ಷ್ಮತೆ ಬೇಕು ಎಂದು ಶೋಮ್ ಹೇಳಿದ್ದಾರೆ.</p><img><h2>ಏನಿದು ಫಾಕ್ಸ್ ಐಯ್ ಸರ್ಜರಿ?</h2><p>ಇದು ಸೌಂದರ್ಯ ವರ್ಧಕ ಶಸ್ತ್ರಚಿಕಿತ್ಸೆ.. ಕಣ್ಣಿನ ಹೊರಗಿನ ಮೂಲೆಗಳನ್ನು ಎತ್ತಿ ಹಾಗೂ ಉದ್ದಗೊಳಿಸುವ ಮೂಲಕ ಬೆಕ್ಕಿನ ಕಣ್ಣಿನ ರೀತಿ ಅಥವಾ ಬಾದಾಮಿ ಆಕಾರದ ರೀತಿ ಮಾಡಲಾಗುತ್ತದೆ. ಕಣ್ಣಿನ ಮೂಲೆಗಳನ್ನು ಎತ್ತುವ ಸರ್ಜರಿ ಮಾಡಲಾಗುತ್ತದೆ. ಕಣ್ಣಿನ ತುದಿ ಚರ್ಮಗಳನ್ನು ಕತ್ತರಿಸಿ ಮೇಲಕ್ಕೆ ಎತ್ತಲಾಗುತ್ತದೆ.</p><img><h2>ಇನ್ಫೆಕ್ಷನ್ ಹೆಚ್ಚು</h2><p>ಈ ಶಸ್ತ್ರಚಿಕಿತ್ಸೆಯಲ್ಲಿ ಕಣ್ಣುಗಳು ಊದಿಕೊಳ್ಳುತ್ತದೆ, ನರಗಳಿಗೆ ಹಾನಿಯಾಗಬಹುದು. ಕಣ್ಣಿನ ಸಮಸ್ಯೆ ಕಾಣಿಸಿಕೊಳ್ಳಬಗುದು. ತಲೆನೋವು ಕಾಣಿಸಿಕೊಳ್ಳಹುದು, ಇನ್ಫೆಕ್ಷನ್ ವಿಪರೀತವಾದರೆ ಉಸಿರಾಟ ಸಮಸ್ಯೆ ಸೇರಿದಂತೆ ಹಲವು ಸಮಸ್ಯೆಗಳು ಕಾಣಿಸಿಕೊಂಡು ಪ್ರಾಣಕ್ಕೆ ಕುತ್ತು ತರಬುಹುದು ಎಂದು ಶೋಮ್ ಹೇಳಿದ್ದಾರೆ.</p><img><h2>ಅಡೈರ್ ವಿಚಾರದಲ್ಲೂ ಆಗಿದ್ದು ಇದೆ</h2><p>ಇನ್ಫ್ಲುಯೆನ್ಸರ್ ಅಡೈರ್ ವಿಚಾರದಲ್ಲೂ ಇದೇ ಸಮಸ್ಯೆಯಾಗಿರುವ ಸಾಧ್ಯತೆ ಇದೆ ಎಂದು ಶೋಮ್ ಹೇಳಿದ್ದಾರೆ. ಕಳೆದ ಕೆಲ ದಿನಗಳಿಂದ ಅಡೈರ್ ತೀವ್ರ ಆರೋಗ್ಯ ಸಮಸ್ಯೆಗಳಿಂದ ನಲುಗಿದ್ದರು. ಸತತ ಚಿಕಿತ್ಸೆ ಪಡೆದರೂ ಅಡೈರ್ ಚೇತರಿಸಿಕೊಳ್ಳಲಿಲ್ಲ.</p>
Source link
ಕಣ್ಣೋಟದಲ್ಲೇ ಎಲ್ಲರ ಸೆಳೆಯಲು ಮುಂದಾದ ಇನ್ಫ್ಲುಯೆನ್ಸರ್, ಸರ್ಜರಿ ಬೆನ್ನಲ್ಲೇ ಸಾವು
