ಬಲೂಚಿಸ್ತಾನದ ಹಿಂಗ್ಲಾಜ್ ಮಾತಾ ದೇವಾಲಯವು ಪಾಕಿಸ್ತಾನ ಸೇನೆಗೆ ಭಯ ಹುಟ್ಟಿಸುವಂತಹ ನಿಗೂಢ ಶಕ್ತಿಯನ್ನು ಹೊಂದಿದೆ. ಈ ಪ್ರದೇಶದಲ್ಲಿ ವಿಚಿತ್ರ ಘಟನೆಗಳು ಸಂಭವಿಸುತ್ತವೆ, ಸೈನಿಕರು ದೇವಾಲಯದ ಗಡಿಯನ್ನು ಮೀರಿ ಹೋಗಲು ಹೆದರುತ್ತಾರೆ.
ನವದೆಹಲಿ (ಜು.3): ಪಾಕಿಸ್ತಾನ ಸೇನೆ ತಾನು ಹಾಗೆ, ತಾನು ಹೀಗೆ ಎಂದು ಜಗತ್ತಿನ ಮುಂದೆ ಹೇಳಿಕೊಳ್ಳುತ್ತಿರಬಹುದು. ಆದರೆ, ಬಲೂಚಿಸ್ತಾನದಲ್ಲಿರುವ ಹಿಂಗ್ಲಾಜ್ ಮಾತಾ ದೇವಸ್ಥಾನವನ್ನು ಕಂಡರೆ ಮಾತ್ರ ಪಾಕಿಸ್ತಾನದ ಸೇನೆಯ ಜಂಘಾಬಲವೇ ಉಡುಗಿ ಹೋಗುತ್ತದೆ. ಇಲ್ಲಿಯವರೆಗೂ ಪಾಕಿಸ್ತಾನದ ಸೇನೆ ಹಿಂಗ್ಲಾಜ್ ಮಾತಾ ದೇವಸ್ಥಾನವನ್ನು ಮುಟ್ಟಲೂ ಕೂಡ ಹೋಗಿಲ್ಲ. ಅದಕ್ಕೆ ಕಾರಣ ದೇವಿಯ ಶಕ್ತಿ.
ಹಿಂಗ್ಲಾಜ್ ಮಾತಾ ದೇವಾಲಯ ಬಲೂಚಿಸ್ತಾನದ ಹಿಂಗೋಲ್ ರಾಷ್ಟ್ರೀಯ ಉದ್ಯಾನವನದ ದೂರದ ಆವರಣದಲ್ಲಿದೆ. ಭಾರತೀಯ ಉಪಖಂಡದ ಅತ್ಯಂತ ಹಳೆಯ ಮತ್ತು ಅತ್ಯಂತ ಶಕ್ತಿಶಾಲಿ ಶಕ್ತಿಪೀಠಗಳಲ್ಲಿ ಒಂದಾಗಿದೆ. ಈ ದೇವಾಲಯವನ್ನು ಹಿಂದೂಗಳು, ವಿಶೇಷವಾಗಿ ಸಿಂಧ್ ಮತ್ತು ಬಲೂಚಿಸ್ತಾನದ ಜನರು ಪೂಜಿಸುತ್ತಾರೆ. ಪಾಕಿಸ್ತಾನದ ಸೇನೆ ಕೂಡ ತನ್ನ ನಿಗೂಢ ಉಪಸ್ಥಿತಿ ಇಲ್ಲಿ ಹೊಂದಿದ್ದರೂ, ದೇವಾಲಯಕ್ಕೆ ಕೊಂಚವೂ ನಷ್ಟ ಉಂಟು ಮಾಡಲು ಅವರಿಗೆ ಸಾಧ್ಯವಾಗಿಲ್ಲ. ಈ ವಿಚಾರ ಪಾಕಿಸ್ತಾನದ ಸೇನೆಯೆ ಅಚ್ಚರಿಯಾಗುವಂತೆ ಮಾಡಿದೆ.
ನಿಗೂಢ ವಲಯ 51
ಹಿಂಗ್ಲಾಜ್ ಮಾತಾ ಪ್ರದೇಶವನ್ನು ಸೈನಿಕರಲ್ಲಿ ಸಾಮಾನ್ಯವಾಗಿ “ವಲಯ 51” ಎಂದು ಕರೆಯಲಾಗುತ್ತದೆ . ಇದು ಯಾವುದೇ ಮಿಲಿಟರಿ ಉದ್ದೇಶಕ್ಕಾಗಿ ಅಲ್ಲ, ಆದರೆ ವಿಲಕ್ಷಣ ಮತ್ತು ವಿವರಿಸಲಾಗದ ಘಟನೆಗಳ ಕಾರಣದಿಂದಾಗಿ ಇದನ್ನು ನಿಗೂಢ ವಲಯ ಎನ್ನಲಾಗುತ್ತದೆ. ಇಲ್ಲಿ ಜಿಪಿಎಸ್ ಸಿಗ್ನಲ್‌ಗಳು ಕಣ್ಮರೆಯಾಗುತ್ತವೆ, ರೇಡಿಯೋಗಳು ಹೆಚ್ಚಾಗಿ ಕಾರ್ಯನಿರ್ವಹಿಸುವುದಿಲ್ಲ ಮತ್ತು ವಾಹನಗಳು ಯಾವುದೇ ಸ್ಪಷ್ಟ ಕಾರಣವಿಲ್ಲದೆ ಸ್ಥಗಿತಗೊಳ್ಳುತ್ತವೆ. ಭಯಾನಕ ಮರಳು ಬಿರುಗಾಳಿಗಳು ಎಲ್ಲಿಂದಲೋ ಇದ್ದಕ್ಕಿದ್ದಂತೆ ಪ್ರಾರಂಭವಾಗುತ್ತವೆ. ಇನ್ನು ಕೆಲವು ಸೈನಿಕರು ಹೇಳುವಂತೆ, ನಮ್ಮನ್ನು ಯಾರೋ ಬೇಟೆ ಮಾಡುತ್ತಿರುವತೆ ಶಬ್ದಗಳು ಇಲ್ಲಿ ಕೇಳುತ್ತದೆ. ಯಾವುದೋ ಪ್ರಾಚೀನ ವಸ್ತು ನಮ್ಮನ್ನು ದೂರದಿಂದ ಎಲ್ಲೋ ನೋಡುತ್ತಿರುವಂತೆ ಇಲ್ಲಿ ಭಾಸವಾಗಿದೆ ಎಂದಿದ್ದಾರೆ.
ಒಂದು ಹಂತದಲ್ಲಿ ಪಾಕಿಸ್ತಾನದ ಗಡಿ ಕಣ್ಗಾವಲು ಪಡೆ, ಈ ದೇವಸ್ಥಾನದ ಹತ್ತಿರದಲ್ಲಿಯೇ ಅತಿಕ್ರಮಣ ಮಾಡುವ ಪ್ರಯತ್ನ ಮಾಡಿತು. ಈ ಹಂತದಲ್ಲಿ ಅವರ ದೀಪಗಳು ಆಫ್‌ ಆದವು. ವಿದ್ಯುತ್‌ ಸಂಪರ್ಕ ಕೂಡ ಕಡಿತಗೊಂಡಿತ್ತು. ಎಲ್ಲಿಂದಲೋ ಹಠಾತ್‌ ಬಿರುಗಾಳಿ ಎದ್ದಿತ್ತು. ಸ್ಥಳದಲ್ಲಿಯೇ ಕುಸಿದು ಬಿದ್ದ ಸೈನಿಕನೊಬ್ಬ, ತನ್ನ ಜೀವಮಾನದಲ್ಲಿ ಎಂದೂ ಕಲಿಯದ ಸಂಸ್ಕೃತದ ಶ್ಲೋಕಗಳನ್ನು ಪಠಿಸಲು ಆರಂಭಿಸಿದ್ದ. ಅದಾದ ಕೆಲವೇ ದಿನಗಳಲ್ಲಿ ಈ ಪ್ರದೇಶವನ್ನು, ಅಗತ್ಯವಿಲ್ಲದಿದ್ದರೆ ಈ ಪ್ರದೇಶವನ್ನು ಅತಿಕ್ರಮಣ ಮಾಡೋದು ಬೇಡ ಎಂದು ಪಾಕ್‌ ಸರ್ಕಾರ ಗುರುತಿಸಿದೆ. ಅಂದಿನಿಂದ, ಸೈನಿಕರು ಸ್ಥಳದ ಬಳಿ ಕಾರ್ಯಾಚರಣೆಗಳನ್ನು ನಿರ್ವಹಿಸಲು ಸ್ವಯಂಸೇವಕರಾಗುವುದನ್ನು ನಿಲ್ಲಿಸಿದವು.
ಇನ್ನೊಂದು ಘಟನೆಯಲ್ಲಿ, ಒಬ್ಬ ಅಧಿಕಾರಿಯು ಬ್ರೀಫಿಂಗ್ ಸಮಯದಲ್ಲಿ ದೇವಾಲಯವನ್ನು ಅಪಹಾಸ್ಯ ಮಾಡಿದ್ದ. ಕೆಲವು ದಿನಗಳ ನಂತರ, ಆತ ನಿಗೂಢ ವೈರಲ್‌ ಜ್ವರದಿಂದ ಸಾವು ಕಂಡಿದ್ದ. ಸೇನೆಗೆ ಈತನ ಸಾವು ಕುತೂಹಲವಾದರೂ, ಸ್ಥಳೀಯರು ಇದರಿಂದ ಅಚ್ಚರಿಪಡಲಿಲ್ಲ. ಅವರು “ದೇವಿಯನ್ನು ಅಪಹಾಸ್ಯ ಮಾಡಬೇಡಿ” ಎಂದು ಹೇಳಿದರು. ಅಂದಿನಿಂದ, ಈ ಪ್ರದೇಶದ ಮಿಲಿಟರಿ ನೆಲೆಗಳು ಸಹ ಈ ವಲಯವನ್ನು ಗೌರವಿಸುತ್ತಿವೆ, ಕೆಲವೊಮ್ಮೆ ಹಿಂದೂ ಪುರೋಹಿತರಿಗೆ ಶಾಂತಿಗಾಗಿ ಮೌನ ಪ್ರಾರ್ಥನೆ ಮಾಡುವಂತೆ ಸೂಚಿಸುತ್ತಿವೆ.
ವಾರ್ಷಿಕವಾಗಿ ಸಾವಿರಾರು ಹಿಂದೂ ಯಾತ್ರಿಕರು ಹಿಂಗ್ಲಾಜ್ ಗುಹಾ ದೇವಾಲಯಕ್ಕೆ ಆಗಮಿಸುತ್ತಾರೆ. ಸೈನ್ಯವು ಬಾಹ್ಯ ಭದ್ರತೆಯನ್ನು ಒದಗಿಸಬಹುದು, ಆದರೆ ಅದು ಎಂದಿಗೂ ದೇವಾಲಯದ ಗಡಿಯನ್ನು ಮೀರಿ ಹೋಗುವುದಿಲ್ಲ. ಯಾವುದೇ ಶಸ್ತ್ರಾಸ್ತ್ರಗಳನ್ನು ಇದರ ಒಳಗೆ ತೆಗೆದುಕೊಂಡು ಹೋಗುವಂತಿಲ್ಲ. ಯಾವುದೇ ಅಗೌರವವನ್ನು ತೋರಿಸುವಂತಿಲ್ಲ. ಹಿರಿಯ ಅಧಿಕಾರಿಗಳು ಮಾತ್ರವಲ್ಲ, ಪಾಕ್‌ ಸೇನೆಯ ಕಠಿಣ ಅಧಿಕಾರಿಗಳೂ ಸಹ ಇದನ್ನು ಅರ್ಥಮಾಡಿಕೊಂಡಿದ್ದಾರೆ. ಇದು ಅಧಿಕಾರಕ್ಕೆ ನಿಷೇಧಿತ ವಲಯ. ಇದು ಗೌರವದ ನೀಡಬೇಕಾದ ದೊಡ್ಡ ವಲಯ ಎಂದು ಗುರುತಿಸಿದೆ.
ಹಿಂಗ್ಲಾಜ್ ಮಾತಾ ದೇವಸ್ಥಾನ ಕಂಡರೆ ಪಾಕಿಸ್ತಾನ ಸೇನೆಗೆ ಭಯ
ದೇವಾಲಯಗಳನ್ನು ಹೆಚ್ಚಾಗಿ ನಿರ್ಲಕ್ಷಿಸಲಾಗಿರುವ ಅಥವಾ ಸಂಪೂರ್ಣವಾಗಿ ನಾಶಪಡಿಸಲಾಗಿರುವ ಈ ಭೂಮಿಯಲ್ಲಿ, ಹಿಂಗ್ಲಾಜ್ ಮಾತೆಯ ದೇವಾಲಯವು ಕಾನೂನಿನಿಂದಲ್ಲ, ಬದಲಾಗಿ ಭಕ್ತಿ ಮತ್ತು ಭಯದ ಮೂಲಕ ಹಾಗೆಯೇ ಉಳಿದಿದೆ. ಪಾಕಿಸ್ತಾನ ಸೇನೆಗೆ ಈ ದೇವಸ್ಥಾನವನ್ನು ಧ್ವಂಸ ಮಾಡುವ ಶಕ್ತಿ ಇಲ್ಲವೆಂದಲ್ಲ, ಆದರೆ, ಈ ಧೈರ್ಯ ಪಾಕಿಸ್ತಾನ ಸೇನೆಗೆ ಎಂದೂ ಬರೋದಿಲ್ಲ.
