ಭಾರತೀಯ ಮೂಲದ ಉದ್ಯಮಿ ಬಾಲಾಜಿ ಶ್ರೀನಿವಾಸನ್ ಸಿಂಗಾಪುರದ ಬಳಿ ಖಾಸಗಿ ದ್ವೀಪ ಖರೀದಿಸಿ ‘ನೆಟ್ವರ್ಕ್ ಸ್ಟೇಟ್’ ಎಂಬ ಟೆಕ್ಕಿಗಳಿಗಾಗಿನ ರಾಷ್ಟ್ರ ಸ್ಥಾಪಿಸುವ ಮಹತ್ವಾಕಾಂಕ್ಷೆಯ ಯೋಜನೆ ಹೊಂದಿದ್ದಾರೆ.
ಬೆಂಗಳೂರು (ಜು.3): ಭಾರತೀಯ ಮೂಲದ ತಂತ್ರಜ್ಞಾನ ಉದ್ಯಮಿ ಬಾಲಾಜಿ ಶ್ರೀನಿವಾಸನ್ ಅವರು ಸಿಂಗಾಪುರದ ಬಳಿ ಖಾಸಗಿ ದ್ವೀಪವನ್ನು ಖರೀದಿಸಿದ್ದು, ಇದಕ್ಕೆ ನೆಟ್ವರ್ಕ್ ಸ್ಟೇಟ್ ಎಂದು ಹೆಸರಿಟ್ಟಿದ್ದಾರೆ. ಇದು ಇದು ತಂತ್ರಜ್ಞರು, ಕ್ರಿಯೇಟರ್‌ಗಳು ಹಾಗೂ ಸ್ಟಾರ್ಟ್‌ಅಪ್‌ ಸಂಸ್ಥಾಪಕರಿಗಾಗಿ ಮಾತ್ರವೇ ಇರುವ ಏಕೈಕ ದೇಶವಾಗಿರಲಿದೆ ಎಂದಿದ್ದಾರೆ.
ಕಾಯಿನ್‌ಬೇಸ್‌ನ ಮಾಜಿ CTO ಮತ್ತು ಸಿಲಿಕಾನ್ ವ್ಯಾಲಿ ಹಲವು ಕಂಪನಿಗಳ ಸಹ-ಸಂಸ್ಥಾಪಕರಾಗಿರುವ ಶ್ರೀನಿವಾಸನ್, ಹಂಚಿಕೆಯ ಮೌಲ್ಯಗಳನ್ನು ಹೊಂದಿರುವ ಆನ್‌ಲೈನ್ ಸಮುದಾಯಗಳು ಜಾಗತಿಕವಾಗಿ ಗುರುತಿಸಲ್ಪಟ್ಟ ರಾಷ್ಟ್ರಗಳಾಗಿ ವಿಕಸನಗೊಳ್ಳುವ ಭವಿಷ್ಯವನ್ನು ಕಲ್ಪಿಸಿಕೊಂಡಿದ್ದಾರೆ. ಒಂದು ಕಾಲದಲ್ಲಿ ಭವಿಷ್ಯದ ಚಿಂತನೆಯ ಪ್ರಯೋಗದಂತೆ ಕಾಣುತ್ತಿದ್ದ ಅವರ ಯೋಜನೆಯು ಈಗ ನಿಜವಾದ ಜನರೊಂದಿಗೆ ನಿಜವಾದ ದ್ವೀಪದಲ್ಲಿ ತೆರೆದುಕೊಳ್ಳುತ್ತಿದೆ. ಅವರ ಈ ಯೋಜನೆ ಸಾಕಷ್ಟು ಕುತೂಹಲ ಮೂಡಿಸುವಂತಿದೆ ಎಂದು ಟೆಕ್‌ ಕ್ರಂಚ್‌ ವರದಿ ಮಾಡಿದೆ.
Scroll to load tweet…
ಈ ದ್ವೀಪವು ‘ದಿ ನೆಟ್ವರ್ಕ್ ಸ್ಕೂಲ್’ ಗೆ ನೆಲೆಯಾಗಿದೆ, ಇದು ಉದ್ಯಮಶೀಲತೆ, ಉದಯೋನ್ಮುಖ ತಂತ್ರಜ್ಞಾನ ಮತ್ತು ವೈಯಕ್ತಿಕ ರೂಪಾಂತರವನ್ನು ತಿಳಿಸುವ ಮೂರು ತಿಂಗಳ ವಸತಿ ಕಾರ್ಯಕ್ರಮವಾಗಿದೆ. ತಮ್ಮ ಮಹತ್ವಾಕಾಂಕ್ಷೆ ಹಾಗೂ ಅಪರೂಪದ ಚಿಂತನೆ ಹೊಂದಿರುವವರನ್ನು ಇಲ್ಲಿಗೆ ಆಯ್ಕೆ ಮಾಡಲಾಗುತ್ತದೆ. ಜಿಮ್ ಸೆಷನ್‌ನೊಂದಿಗೆ ಆರಂಭಗೊಂಡು, ಎಐ ಕುರಿದಾತ ವರ್ಕ್‌ಶಾಪ್‌ಗಳು, ಬ್ಲಾಕ್‌ಚೈನ್‌ ಹಾಗೂ ಸ್ಟಾರ್ಟ್‌ಅಪ್‌ ಇನ್ನೋವೇಶನ್‌ಗಳನ್ನು ಅವರು ಕಲಿಯುತ್ತಾರೆ.
“ನಮಗೆ ಒಂದು ದ್ವೀಪ ಸಿಕ್ಕಿತು. ಇದು ಜಿ. ಬಿಟ್‌ಕಾಯಿನ್‌ನ ಶಕ್ತಿಯ ಮೂಲಕ, ನಾವು ಈಗ ಸಿಂಗಾಪುರದ ಬಳಿ ಒಂದು ಸುಂದರವಾದ ದ್ವೀಪವನ್ನು ಹೊಂದಿದ್ದೇವೆ, ಅಲ್ಲಿ ನಾವು ನೆಟ್ವರ್ಕ್ ಶಾಲೆಯನ್ನು ನಿರ್ಮಿಸುತ್ತಿದ್ದೇವೆ” ಎಂದು ಶ್ರೀನಿವಾಸನ್ X ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಹೊಸ ಮಾದರಿಯ ದೇಶ!
ಶ್ರೀನಿವಾಸನ್ ಅವರ ದೀರ್ಘ ಕಾಲದ ಕುರಿ ಏನೆಂದರೆ, ಗಡಿಯೇ ಇಲ್ಲದ ದೇಶವನ್ನು ನಿರ್ಮಾಣ ಮಾಡುವುದು. ಟೆಕ್ಕಿಗಳಿಗಾಗಿಯೇ ಕ್ರೌಡ್‌ ಫಂಡ್‌ ಮಾಡಿ ದೇಶವನ್ನು ಕಟ್ಟುವುದಾಗಿದೆ. ಭಾರತದಲ್ಲಿ ಈಗಾಗಲೇ ಖಾಸಗಿ ದ್ವೀಪವನ್ನು ಖರೀದಿ ಮಾಡಿದ ವ್ಯಕ್ತಿಗಳು ಹಲವರಿದ್ದರೂ, ಕೊನೆಯಲ್ಲಿ ಈ ಸಾಧನೆ ಮಾಡಿದ್ದು ಬಿಡದಿಯ ಸ್ವಾಮಿ ನಿತ್ಯಾನಂದ ಮಾತ್ರ. ಆದರೆ, ಈಗ ಶ್ರೀನಿವಾಸನ್ 2022ರಲ್ಲಿ ತಮ್ಮ ಪುಸ್ತಕ ದಿ ನೆಟ್ವರ್ಕ್ ಸ್ಟೇಟ್ ಕಲ್ಪನೆಯನ್ನು ನಿಜ ಮಾಡಲು ಹೊರಿದ್ದಾರೆ. ಅವರ ಪ್ರಕಾರ, ಮೊದಲು ಆನ್‌ಲೈನ್‌ನಲ್ಲಿ ಅಸ್ತಿತ್ವದಲ್ಲಿರುವ, ನಂತರ ಭೌತಿಕ ಪ್ರದೇಶವನ್ನು ಪಡೆದುಕೊಳ್ಳುವ ಮತ್ತು ಅಂತಿಮವಾಗಿ ಜಾಗತಿಕ ಮನ್ನಣೆಗಾಗಿ ಮಾತುಕತೆ ನಡೆಸುವ ಸ್ವಯಂ-ಸುಧಾರಣಾ ಸಮುದಾಯಗಳನ್ನು ರಚಿಸುವುದು ಇದರ ಉದ್ದೇಶವಾಗಿದೆ.
ಇದರಲ್ಲಿ ಈಗಾಗಲೇ ಭಾಗವಹಿಸಿರುವ ಕಂಟೆಂಟ್‌ ಕ್ರಿಯೇಟರ್‌ ನಿಕ್ ಪೀಟರ್ಸನ್, ದ್ವೀಪದ ವರ್ಚುವಲ್ ಪ್ರವಾಸವನ್ನು ಹಂಚಿಕೊಂಡಿದ್ದು, ಅದನ್ನು “ಜಿಮ್ ರಾಟ್‌ ಮತ್ತು ನವೋದ್ಯಮ ಸಂಸ್ಥಾಪಕರ ಓಯಸಿಸ್” ಎಂದು ಬಣ್ಣಿಸಿದರು. ಅವರು ಹೇಳಿದರು, “ನಾನು ನೆಟ್ವರ್ಕ್ ಸ್ಕೂಲ್ ಎಂಬ ಈ ನಿಜ ಜೀವನದ ಪ್ರಯೋಗದಲ್ಲಿ ವಾಸಿಸುತ್ತಿದ್ದೇನೆ, ಅಲ್ಲಿ ನಾವು ಹೊಸ ರಾಷ್ಟ್ರವನ್ನು ರಚಿಸುವುದು ಹೇಗಿರುತ್ತದೆ ಎಂಬುದನ್ನು ಪರೀಕ್ಷಿಸುತ್ತಿದ್ದೇವೆ.” ಎಂದಿfದಾೆ.
ಸತ್ಯ, ಆರೋಗ್ಯ ಮತ್ತು ಸಂಪತ್ತಿನ ಮೇಲೆ ಕೇಂದ್ರೀಕರಿಸಿದ “ಗೆಲುವು-ಸಹಾಯ-ಗೆಲುವು” ಸಮಾಜಗಳನ್ನು ಬೆಳೆಸಲು ಶಾಲೆಯನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಶ್ರೀನಿವಾಸನ್ ಹೇಳುತ್ತಾರೆ. ಡಿಜಿಟಲ್ ಯುಗದಲ್ಲಿ ಆಡಳಿತವನ್ನು ಪುನರ್ವಿಮರ್ಶಿಸುವ ಅವರ ವಿಶಾಲ ಧ್ಯೇಯದಲ್ಲಿ ದ್ವೀಪ ಪಠ್ಯಕ್ರಮವು ಆಳವಾಗಿ ಬೇರೂರಿದೆ.
ಯಾರಿವರು ಬಾಲಾಜಿ ಶ್ರೀನಿವಾಸನ್?
ನ್ಯೂಯಾರ್ಕ್‌ನಲ್ಲಿ ತಮಿಳು ಮೂಲದ ವೈದ್ಯ ಪೋಷಕರಿಗೆ ಜನಿಸಿದ ಬಾಲಾಜಿ ಶ್ರೀನಿವಾಸನ್, ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಿಕಲ್ ಮತ್ತು ಕೆಮಿಕಲ್ ಎಂಜಿನಿಯರಿಂಗ್‌ನಲ್ಲಿ ಪದವಿಗಳನ್ನು ಪಡೆದಿದ್ದಾರೆ. ಕಳೆದ ಎರಡು ದಶಕಗಳಲ್ಲಿ, ಅವರು ಕೌನ್ಸಿಲ್, ಅರ್ನ್.ಕಾಮ್ ಮತ್ತು ಟೆಲಿಪೋರ್ಟ್ ಸೇರಿದಂತೆ ಹಲವಾರು ಉನ್ನತ-ಪ್ರೊಫೈಲ್ ತಂತ್ರಜ್ಞಾನ ಉದ್ಯಮಗಳನ್ನು ಸಹ-ಸ್ಥಾಪಿಸಿದ್ದಾರೆ ಮತ್ತು ಬೆಂಬಲಿಸಿದ್ದಾರೆ ಮತ್ತು ಬಿಟ್‌ಕಾಯಿನ್, ಎಥೆರಿಯಮ್, ಓಪನ್‌ಸೀ ಮತ್ತು ಆಲ್ಕೆಮಿಯಲ್ಲಿ ಆರಂಭಿಕ ಹೂಡಿಕೆ ಮಾಡಿದ್ದಾರೆ.
44 ವರ್ಷದ ಶ್ರೀನಿವಾಸನ್ ಸಿಲಿಕಾನ್ ವ್ಯಾಲಿಯ ಹೆಚ್ಚು ಪ್ರಗತಿಶೀಲ ಚಿಂತಕರಲ್ಲಿ ಒಬ್ಬರಾಗಿದ್ದಾರೆ. 2024 ರಲ್ಲಿ, ಅವರು ಈ ಆಗ್ನೇಯ ಏಷ್ಯಾದ ದ್ವೀಪದಲ್ಲಿ ಮೊದಲ ನೆಟ್ವರ್ಕ್ ಶಾಲೆಯನ್ನು ಪ್ರಾರಂಭಿಸಿದರು, ದುಬೈ, ಟೋಕಿಯೊ ಮತ್ತು ಮಿಯಾಮಿಯಲ್ಲಿ ಭವಿಷ್ಯದ ಕ್ಯಾಂಪಸ್‌ಗಳನ್ನು ಯೋಜಿಸಲಾಗಿದೆ.
