<p>ಬಾಲಿವುಡ್ ತಾರಾ ದಂಪತಿ ತಮ್ಮ ಮಗಳ ಮುಖವನ್ನು ದೀಪಾವಳಿಯಂದು ಮೊದಲ ಬಾರಿಗೆ ಬಹಿರಂಗಪಡಿಸಿದ್ದಾರೆ. ಅಮ್ಮನನ್ನೇ ಹೋಲುವ ಮಗಳ ಫೋಟೋ ವೈರಲ್ ಆಗಿದ್ದು, ನಟಿ ‘ದೀಪಾವಳಿ’ ಎಂದು ಬರೆದಿರುವುದು ಕನ್ನಡಿಗರ ಮೆಚ್ಚುಗೆಗೆ ಪಾತ್ರವಾಗಿದೆ.ಹಾಗಿದ್ದರೆ ಯಾರ ಫೋಟೋ ಇದು ಎಂದು ಹೇಳಬಲ್ಲಿರಾ? </p><img><p>ಬಾಯಲ್ಲಿ ಬೆರಳಿಟ್ಟುಕೊಂಡಿರುವ ಈ ಇಬ್ಬರು ಪುಟಾಣಿಗಳು ಅಮ್ಮ-ಮಗಳು. ಪಕ್ಕದಲ್ಲಿಯೇ ಅಪ್ಪ ಕೂಡ ಇದ್ದಾನೆ. ಇವರು ಬಾಲಿವುಡ್ ಸ್ಟಾರ್ ದಂಪತಿ. ಈಚೆಗಷ್ಟೇ ಮೊದಲ ಮಗುವಿಗೆ ಪಾಲಕರಾಗಿದೆ ಈ ಜೋಡಿ. ಹಾಗಿದ್ದರೆ ಇವರಿಬ್ಬರೂ ಯಾರೆಂದು ಗೆಸ್ ಮಾಡುವಿರಾ?</p><img><p>ಮಗಳನ್ನು ನೋಡಿದವರಿಗೆ ಅಮ್ಮ ಇವರೇ ಇದ್ದಿರಬಹುದು ಎಂದು ಅನ್ನಿಸಲಿಕ್ಕೆ ಸಾಕು. ಕನ್ನಡದ ಮೂಲ ಹೊಂದಿರೋ ಈ ಅಮ್ಮ ಯಾರು ಗೊತ್ತಾಯ್ತಾ? ಗರ್ಭಿಣಿ ಇದ್ದಾಗಿನಿಂದಲೂ ಫೇಕ್ ಗರ್ಭ ಧರಿಸಿ, ಪ್ರಚಾರ ಪಡೆಯುತ್ತಿದ್ದಾರೆ ಎಂದು ಕೊನೆಯವರೆಗೂ ಟ್ರೋಲ್ಗೆ ಒಳಗಾಗಿದ್ದ ಫೇಮಸ್ ನಟಿ. ಯಾರೆಂದು ತಿಳಿಯಿತಾ?</p><img><p>ಇವರೇ ದೀಪಿಕಾ ಪಡುಕೋಣೆ (Deepika Padukone). ಫೋಟೋದಲ್ಲಿ ಇರುವ ಅಪ್ಪ ಯಾರೆಂದು ಬೇರೆ ಹೇಳಬೇಕಾಗಿಲ್ಲ. ನಟ ರಣವೀರ್ ಸಿಂಗ್.</p><img><p>ಅಂದಹಾಗೆ, ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಅವರು 2018ರಲ್ಲಿ ವಿವಾಹವಾಗಿದ್ದಾರೆ. ಅವರಿಗೆ 2024ರ ಸೆಪ್ಟೆಂಬರ್ 8ರಂದು ಹೆಣ್ಣು ಮಗುವಾಗಿದ್ದು, ಮಗಳಿಗೆ ‘ದುವಾ ಪಡುಕೋಣೆ ಸಿಂಗ್’ ಎಂದು ಹೆಸರಿಟ್ಟಿದ್ದಾರೆ. ಅವರು ಇತ್ತೀಚೆಗೆ ದೀಪಾವಳಿಯ ಸಂದರ್ಭದಲ್ಲಿ ತಮ್ಮ ಮಗಳ ಮುಖವನ್ನು ಮೊದಲ ಬಾರಿಗೆ ಬಹಿರಂಗಪಡಿಸಿದ್ದಾರೆ.</p><img><p>ಸಾಮಾನ್ಯವಾಗಿ ಉತ್ತರ ಭಾರತದಲ್ಲಿ ‘ದಿವಾಲಿ’ ಎನ್ನುತ್ತಾರೆ. ಆದರೆ ಕನ್ನಡದ ದೀಪಿಕಾ ‘ದೀಪಾವಳಿ ಹಬ್ಬದ ಶುಭಾಶಯಗಳು’ ಎಂದು ಬರೆದಿರುವಾಗಿ ದಿವಾಲಿ ಬದಲು ದೀಪಾವಳಿ ಎಂದು ಬರೆದುಕೊಂಡಿರುವುದು ಇಲ್ಲಿಯ ಫ್ಯಾನ್ಸ್ಗೆ ಖುಷಿ ಕೊಟ್ಟಿದೆ.</p><img><p>ದೀಪಿಕಾ ಪಡುಕೋಣೆ ಹಂಚಿಕೊಂಡ ಮಗಳ ಫೋಟೋಗಳಿಗೆ ಕೆಲವೇ ನಿಮಿಷಗಳಲ್ಲಿ 1 ಮಿಲಿಯನ್ ಲೈಕ್ಸ್ ಸಿಕ್ಕಿವೆ. ಸೆಲೆಬ್ರಿಟಿಗಳಾದ ಹನ್ಸಿಕಾ, ಅನನ್ಯಾ ಪಾಂಡೆ, ಸೋನು ಸೂದ್, ಶಿಲ್ಪಾ ಶೆಟ್ಟಿ, ಅಟ್ಲೀ ಸೇರಿದಂತೆ ಹಲವರು ಕಮೆಂಟ್ಸ್ ಮಾಡಿದ್ದಾರೆ.</p>
Source link
ಅಮ್ಮನಂತೆಯೇ ಮಗಳು: ಪುತ್ರಿ ಜೊತೆ ಬಾಲಿವುಡ್ ಸ್ಟಾರ್ಸ್ ಬಾಲ್ಯದ ಫೋಟೋ- ಗೆಸ್ ಮಾಡುವಿರಾ?
