ರೈಲ್ವೆ ಹಳಿಗಳ ಮೇಲೆ ಜಲ್ಲಿ ಕಲ್ಲುಗಳನ್ನು ಏಕೆ ಹಾಕುತ್ತಾರೆ? ಸ್ವಾರಸ್ಯಕರ ಮಾಹಿತಿ ಇಲ್ಲಿದೆ

<p>ರೈಲ್ವೆ ಹಳಿಗಳ ಮೇಲಿರುವ ಜಲ್ಲಿ ಕಲ್ಲುಗಳು ರೈಲಿಗೆ ಸುಸಜ್ಜಿತ ಅಡಿಪಾಯವನ್ನು ಒದಗಿಸುತ್ತವೆ. ಇವು ರೈಲಿನ ಭಾರವನ್ನು ನಿರ್ವಹಿಸಿ, ಕಂಪನಗಳನ್ನು ಕಡಿಮೆ ಮಾಡುತ್ತವೆ ಮತ್ತು ಹಳಿಗಳ ಮೇಲೆ ನೀರು ನಿಲ್ಲದಂತೆ ಹಾಗೂ ಕಳೆಗಳು ಬೆಳೆಯದಂತೆ ತಡೆಯುತ್ತವೆ.</p><img><p>ರೈಲ್ವೆ ಹಳಿಗಳ ಮೇಲಿರುವ ಸಣ್ಣ ಜಲ್ಲಿ ಕಲ್ಲುಗಳನ್ನು (ಬ್ಯಾಲೆಸ್ಟ್) ಹಾಕಲಾಗಿರುತ್ತದೆ. ಈ ರೀತಿ ಜಲ್ಲಿ ಕಲ್ಲುಗಳನನ್ನು ಏಕೆ ಹಾಕುತ್ತಾರೆಂದು ಎಂದಾದರೂ ಯೋಚಿಸಿದ್ದೀರಾ? ಈ ರೀತಿ ಜಲ್ಲಿ ಕಲ್ಲುಗಳನ್ನು ಹಾಕಲು ಒಂದಲ್ಲ, ಹಲವು ಕಾರಣಗಳಿವೆ. ಆ ಕಾರಣಗಳೇನು ಎಂಬುದರ ಮಾಹಿತಿ ಇಲ್ಲಿದೆ.</p><img><p>ಜಲ್ಲಿ ಕಲ್ಲುಗಳು ಹಳಿಗಳಿಗೆ ಸುಸಜ್ಜಿತವಾದ ಅಡಿಪಾಯವನ್ನು ಒದಗಿಸುತ್ತವೆ. ಈ ಜಲ್ಲಿಕಲ್ಲುಗಳು ರೈಲುಗಳ ಭಾರವನ್ನು ಸಮಾನವಾಗಿ ನಿರ್ವಹಣೆ ಮಾಡಲು ಸಹಾಯ ಮಾಡುತ್ತವೆ. ಹಾಗಾಗಿ ಟ್ರ್ಯಾಕ್ ಅಳವಡಿಕೆಗೂ ಮುನ್ನ ದೊಡ್ಡ ಪ್ರಮಾಣದಲ್ಲಿ ಜಲ್ಲಿಕಲ್ಲುಗಳ ಬೇಸ್ಮೆಂಟ್ ಹಾಕುತ್ತಾರೆ. ಈ ಜಲ್ಲಿ ಕಲ್ಲುಗಳು ಟ್ರ್ಯಾಕ್ ಮೇಲೆ ಮಳೆ ನೀರು ನಿಲ್ಲದಂತೆ ತಡೆಯುತ್ತವೆ. ಈ ಕಲ್ಲುಗಳು ರೈಲು ಹಳಿಗಳು ತುಕ್ಕು ಹಿಡಿಯೋದನ್ನು ತಪ್ಪಿಸುತ್ತವೆ.</p><img><p>ಜಲ್ಲಿ ಕಲ್ಲುಗಳು ನೈಸರ್ಗಿಕ ಶಾಕ್ ಅಬ್ಸಾರ್ಬರ್ ಆಗಿ ಕಾರ್ಯನಿರ್ವಹಿಸುತ್ತವೆ. ಜಲ್ಲಿಕಲ್ಲುಗಳು ಕಂಪನಗಳನ್ನು ಕಡಿಮೆ ಮಾಡುವ ಸಾಮಾರ್ಥ್ಯವನ್ನು ಹೊಂದಿರುತ್ತವೆ. ಜಲ್ಲಿಕಲ್ಲುಗಳು ಯಾವ ತೇವಾಂಶವನ್ನು ಸಹ ಹಿಡಿದಿಟ್ಟುಕೊಳ್ಳಲ್ಲ. ಹಳಿಗಳ ಮಧ್ಯೆ ಕಳೆಗಳು ಬೆಳೆಯುವುದನ್ನು ಜಲ್ಲಿಕಲ್ಲುಗಳು ತಡೆಯುತ್ತವೆ.</p><img><p>ಜಲ್ಲಿ ಕಲ್ಲುಗಳ ನಿರ್ವಹಣೆ ಮಾಡೋದು ಸುಲಭದ ಕೆಲಸವಾಗಿದೆ. ಹಳಿಗಳನ್ನು ಸರಿಪಡಿಸುವಾಗ ಜಲ್ಲಿಕಲ್ಲುಗಳ ಸುಲಭವಾಗಿ ತೆಗೆದು ರಿಪೇರಿ ಮಾಡಬಹುದಾಗಿದೆ. ಹಾಗಾಗಿ ಇವುಗಳ ನಿರ್ವಹಣೆಗೆ ಹೆಚ್ಚಿನ ಶ್ರಮದ ಅಗತ್ಯವಾಗಿರಲ್ಲ. ಸರಳ ಸಾಧನಗಳ ಬಳಿಕ ಜಲ್ಲಿ ಕಲ್ಲುಗಳನ್ನು ನಿರ್ವಹಣೆ ಮಾಡಬಹುದಾಗಿದೆ.</p><p><strong>ಇದನ್ನೂ ಓದಿ: </strong><strong>ಭಾರತೀಯ ರೈಲಿನ ಮೂಲಕ ವಿದೇಶ ಪ್ರಯಾಣ; ಯಾವೆಲ್ಲಾ ದೇಶಗಳಿಗೆ ಹೋಗಬಹುದು?</strong></p><img><p>ಸಾಮಾನ್ಯವಾಗಿ 8 ರಿಂದ 10 ವರ್ಷಗಳಿಗೊಮ್ಮೆ ಜಲ್ಲಿಕಲ್ಲುಗಳನ್ನು ಬದಲಾವಣೆ ಮಾಡಲಾಗುತ್ತದೆ. ಜಲ್ಲಿಕಲ್ಲುಗಳನ್ನು ಸ್ವಚ್ಛಗೊಳಿಸಲಾಗುತ್ತೆ, ಕೆಲವು ಬಾರಿ ಇಡೀ ಜಲ್ಲಿಕಲ್ಲುಗಳು ತೆಗೆದು ಹೊಸದಾಗಿ ಅಳವಡಿಸಲಾಗುತ್ತದೆ. ರೈಲುಗಳ ಚಲನೆಗೆ ಜಲ್ಲಿಕಲ್ಲುಗಳು ಭದ್ರ ಬುನಾದಿಯಾಗಿವೆ.</p><p><strong>ಇದನ್ನೂ ಓದಿ: </strong><strong>ಇಲ್ಲಿ ಏಕಕಾಲದಲ್ಲಿ 2 ಜಿಲ್ಲೆಗಳಲ್ಲಿ ನಿಲುಗಡೆಯಾಗುತ್ತೆ ರೈಲು: ಭಾರತೀಯ ರೈಲ್ವೆಯ ವಿಶೇಷ ನಿಲ್ದಾಣ</strong></p>



Source link