ಬೆಂಗಳೂರಿಗೆ ಹೋಗಿ ಬಂದಾಗೆಲ್ಲಾ ಉತ್ಸಾಹ ಇಮ್ಮಡಿಸುತ್ತೆ: ಮರ್ಸಿಡಸ್ ಬೆಂಜ್ ಸಿಇಒ ಒಲಾ ಕ್ಯಾಲೆನಿಯಸ್

ಬೆಂಗಳೂರು, ಅಕ್ಟೋಬರ್ 26: ಭಾರತದ ಸಿಲಿಕಾನ್ ಸಿಟಿ ಎನಿಸಿದ ಬೆಂಗಳೂರು ಟ್ರಾಫಿಕ್ ಕಿರಿಕಿರಿ, ಮಾಲಿನ್ಯಕ್ಕೆ ಅಪಖ್ಯಾತಿ ಇದೆ. ಕೆಲ ಜನರು ಮತ್ತು ಉದ್ಯಮಿಗಳು ಬೆಂಗಳೂರನ್ನು ದೂಷಿಸುವುದು ಟ್ರೆಂಡಿಂಗ್ ಆಗುತ್ತಿದೆ. ಇಂಥ ಹೊತ್ತಲ್ಲಿ ಮರ್ಸಿಡಸ್ ಬೆಂಜ್ ಸಂಸ್ಥೆಯ ಸಿಐಒ ಓಲಾ ಕ್ಯಾಲೆನಿಯಸ್ (ಮರ್ಸಿಡಿಸ್ ಬೆಂಜ್ ಸಿಇಒ ಓಲಾ ಕಲ್ಲೇನಿಯಸ್) ಅವರು ಬೆಂಗಳೂರನ್ನು ಹಾಡಿ ಹೊಗಳಿದ್ದಾರೆ. ಬರ್ಲಿನ್ ಗ್ಲೋಬಲ್ ಡೈಲಾಗ್ (ಬರ್ಲಿನ್ ಗ್ಲೋಬಲ್ ಡೈಲಾಗ್) ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದ ಓಲಾ ಕ್ಯಾಲೆನಿಯಸ್ ಅವರು, ತಾನು ಬೆಂಗಳೂರಿಗೆ ಹೋಗಿ ಬಂದಾಗೆಲ್ಲಾ ಉತ್ಸಾಹ ಇಮ್ಮಡಿ ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ.

‘ನೀವು ಜಗತ್ತಿನೆಲ್ಲೆಡೆ ಹೊಸ ಪ್ರತಿಭೆಗಳನ್ನು ಸ್ವಾಗತಿಸಬೇಕು. ನಾನು ಬೆಂಗಳೂರಿಗೆ ಹೋದಾಗೆಲ್ಲಾ, ಎರಡು ಪಟ್ಟು ಉತ್ಸಾಹದಿಂದ ಮರಳಿ ಬರುತ್ತೇನೆ. ಈ ನಗರದಲ್ಲಿರುವ ಸಾಫ್ಟ್ವೇರ್ ಪ್ರತಿಭಾ ಸಮೂಹವು ಬಹಳ ಅದ್ಭುತವಾಗಿದೆ’ ಎಂದು ಮರ್ಸಿಡಸ್ ಬೆಂಜ್ ಸಿಇಒ ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ: ಕರೆನ್ಸಿ ಇಲ್ಲ, ದೊಡ್ಡ ಸೇನೆ ಇಲ್ಲ, ಕಳ್ಳಕಾಕರಿಲ್ಲ; ರಾತ್ರಿ ಮನೆಗಳಿಗೆ ಬೀಗ ಹಾಕಲ್ಲ; ಎಲ್ಲೆಡೆ ಇಂಥದ್ದೂ ಒಂದು ದೇಶ

‘ಬೆಂಗಳೂರಿನಲ್ಲಿ ಬಹಳ ಚೆನ್ನಾಗಿ ಜರ್ಮನ್ ಭಾಷೆ ಮಾತನಾಡುವವರನ್ನು ಕಂಡಿದ್ದೇನೆ. ಅಂಥವರು ಸಿಕ್ಕಾಗ, ತಾವು ಜರ್ಮನಿಯಲ್ಲಿ ಎಲ್ಲಿ ಓದಿದ್ದು ಅಂತ ಕೇಳುತ್ತೇನೆ. ಆದರೆ ಅವರು ತಾನು ಜರ್ಮನಿಗೆ ಯಾವತ್ತೂ ಹೋಗೇ ಇಲ್ಲ ಎನ್ನುತ್ತಾರೆ. ನನಗೆ ಇಂಥ ಸ್ಫೂರ್ತಿಗಳೇ ಬೇಕು. ಇಂಥ ಪ್ರತಿಭೆಗಳು ಇರುವ ಕಡೆ ನಾವು ಹೋಗುತ್ತೇವೆ’ ಎಂದು ಓಲಾ ಕ್ಯಾಲೆನಿಯಸ್ ಹೇಳಿದ್ದಾರೆ.

ಮರ್ಸಿಡೆಸ್ ಬೆಂಜ್ ಸಿಐಒ ಅವರ ಈ ಹೇಳಿಕೆಗೆ ಆನ್‌ಲೈನ್‌ನಲ್ಲಿ ಸಾಕಷ್ಟು ಮಾಹಿತಿ ಇದೆ. ಬೆಂಗಳೂರು ಸಾಕಷ್ಟು ಪ್ರತಿಭೆಗಳ ಸಮೂಹವೇ ಬೆಂಗಳೂರಿನಲ್ಲಿ. ವಿಶ್ವದ ಪ್ರಮುಖ ಟೆಕ್ ನೆಲೆಯಾಗಿ ಬೆಂಗಳೂರು ಬೆಳೆದಿದೆ ಎಂದು ಕಾಮೆಂಟಿಸಿದ್ದಾರೆ.

ಮರ್ಸಿಡೆಸ್ ಸಿಇಒ ಮಾತನಾಡಿರುವ ವಿಡಿಯೋ

“ಪ್ರತಿ ಬಾರಿ ನಾನು ಬೆಂಗಳೂರಿಗೆ ಹೋದಾಗ, ನಾನು ಎರಡು ಬಾರಿ ಚೈತನ್ಯದಿಂದ ಹಿಂತಿರುಗುತ್ತೇನೆ. ನಾನು ನಿರರ್ಗಳವಾಗಿ ಜರ್ಮನ್ ಮಾತನಾಡುವ ಮತ್ತು ಜರ್ಮನಿಗೆ ಹೋಗದ ಜನರನ್ನು ಭೇಟಿಯಾಗುತ್ತೇನೆ. ಅಂತಹ ಪ್ರತಿಭೆ ಇರುವ ಸ್ಥಳಕ್ಕೆ ನಾವು ಹೋಗುತ್ತೇವೆ” ಎಂದು Mercedes-Benz CEO ಹೇಳುತ್ತಾರೆ pic.twitter.com/T9DhqDddot

— ಶಶಾಂಕ್ ಮಟ್ಟೂ (@MattooShashank) ಅಕ್ಟೋಬರ್ 25, 2025

ಇದನ್ನೂ ಓದಿ: ಭಾರತದಿಂದ 7nm ಚಿಪ್ ಯೋಜನೆ; ಇದಲಿದೆ ಗೇಮ್ ಚೇಂಜರ್; ಯಾಕೆ ಈ ಚಿಪ್ ಮಹತ್ವದ್ದು ಗೊತ್ತಾ?

‘ಬೆಂಗಳೂರಿನಲ್ಲಿ 400ಕ್ಕೂ ಅಧಿಕ ಜರ್ಮನ್ ಕಂಪನಿಗಳು ಕಾರ್ಯನಿರ್ವಹಿಸುತ್ತಿವೆ. ಭಾರತದ ಶೇ. 38ರಷ್ಟು ಟೆಕ್ ರಫ್ತು ಬೆಂಗಳೂರಿನಿಂದ ಹೋಗುತ್ತಿದೆ. ಎಂಜಿನಿಯರುಗಳು, ಸ್ಟಾರ್ಟಪ್ಗಳು, ಗ್ಲೋಬಲ್ ಆರ್ ಅಂಡ್ ಡಿಗಳು ಹೀಗೆ ಒಳ್ಳೆಯ ಮಿಶ್ರಣವಿದೆ. ಮರ್ಸಿಡೆಸ್ ಗೂ ಬೆಂಗಳೂರು ಹಿಡಿಸಿದ್ದರೆ ಅಚ್ಚರಿ ಏನಿಲ್ಲ’ ಎಂದು ಒಬ್ಬರು ಎಕ್ಸ್ ಪ್ರೆಸ್ ನಲ್ಲಿ ಹೇಳಿದ್ದಾರೆ.

ಮರ್ಸಿಡೆಸ್ ಬೆಂಜ್ ಸಿಇಒ ಬೆಂಗಳೂರನ್ನು ಹೊಗಳಿರುವ ರೀತಿ ಬಗ್ಗೆ ಋಣಾತ್ಮಕ ಸ್ಪಂದನೆಯೂ ಸಿಕ್ಕಿದೆ. ವಿದೇಶೀ ಭಾಷೆಯನ್ನು ಕಲಿತವರನ್ನು ವಿಶ್ವ ದರ್ಜೆ ಪ್ರತಿಭೆ ಎಂದು ಪರಿಗಣಿಸುವುದು ಎಷ್ಟು ಸರಿ ಎಂದು ಪ್ರಶ್ನಿಸಿದ್ದಾರೆ.

ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ರಂದು ಪ್ರಕಟಿಸಲಾಗಿದೆ – 9:31 pm, ಭಾನುವಾರ, 26 ಅಕ್ಟೋಬರ್ 25