ರಿಷಬ್ ಶೆಟ್ಟಿ (ರಿಷಬ್ ಶೆಟ್ಟಿ) ನಟಿಸಿರುವ ‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ಬಿಡುಗಡೆ ಆಗಿರುವ ಈ ಸಿನಿಮಾ ಜನಪ್ರೀತಿ ಗಳಿಸಿಕೊಂಡಿದೆ. ಸಿನಿಮಾ ಇನ್ನೂ ಚಿತ್ರಮಂದಿರದಲ್ಲಿ ಅದ್ಧೂರಿ ಪ್ರದರ್ಶನ ಕಾಣುತ್ತಿರುವಾಗಲೇ ಒಟಿಟಿಗೆ ಬಂದಿದೆ. ಅಕ್ಟೋಬರ್ 31 ರಿಂದ ‘ಕಾಂತಾರ: ಅಧ್ಯಾಯ 1’ ಸಿನಿಮಾದ ಒಟಿಟಿ ಪ್ರದರ್ಶನ ಶುರುವಾಗಿದೆ. ಸಿನಿಮಾವನ್ನು ಒಟಿಟಿಯಲ್ಲಿ ನೋಡಿದವರು ಸಿನಿಮಾವನ್ನು ಮೆಚ್ಚಿಕೊಂಡಿದ್ದಾರಾದರೂ ಒಂದು ವಿಷಯದ ಬಗ್ಗೆ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.
‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಒಟಿಟಿಗೆ ಬಂದಿದ್ದು ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ಸಿನಿಮಾ ವೀಕ್ಷಣೆಗೆ ಲಭ್ಯವಾಗಿದೆ. ಹಲವು ಭಾಷೆಗಳ ಆಯ್ಕೆ ಇರುವಂತೆಯೇ ಸಿನಿಮಾದ ಶೀರ್ಷಿಕೆಯೂ ಸಹ ಇಂಗ್ಲಿಷ್ ಮತ್ತು ಕನ್ನಡ ಭಾಷೆಯ ಆಯ್ಕೆಯಾಗಿದೆ. ಆದರೆ ಸಿನಿಮಾದಲ್ಲಿ ಬಳಸಲಾಗಿಲ್ಲ ಕನ್ನಡ ಸಬ್ ಟೈಟಲ್ ನ ಗುಣಮಟ್ಟ ತುಂಬಾ ಕಳಪೆಯಾಗಿದೆ ಎಂದು ಸಿನಿಮಾವನ್ನು ಒಟಿನಲ್ಲಿ ವೀಕ್ಷಿಸುತ್ತಿರುವ ನೆಟ್ಟಿಗರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಸಿನಿಮಾದ ಕನ್ನಡ ಟೈಟಲ್ಗಳನ್ನು ಇಂಗ್ಲಿಷ್ನಿಂದ ಯಥಾವತ್ತು ಶಬ್ದಸಹ ತರ್ಜುಮೆ ಮಾಡಲಾಗಿದೆ. ಹೀಗಾಗಿ ಹಲವು ಕಡೆ ಅರ್ಥ ವ್ಯತ್ಯಾಸಗಳು ಉಂಟಾಗಿವೆ. ಇದೆ ಕೆಲವೆಡೆ ಬಹಳ ಸರಳವಾದ ಕನ್ನಡ ಪದಗಳ ವ್ಯಾಕರಣ, ಕಾಗುಣಿತಗಳು ತಪ್ಪಾಗಿದೆ. ಅರ್ಥ ವ್ಯತ್ಯಾಸವುಂಟಾಗಿರುವ ಹಲವು ವಾಕ್ಯಗಳನ್ನು ನೆಟ್ಟಿಗರು ಗುರುತಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ‘ಸಂತಾನೋತ್ಪತ್ತಿ ಸಂಗೀತ’, `ಗಾಂಗ್ ಶಬ್ಧಗಳ ಎಚ್ಚರ’, `ಸಿನಿಸ್ಟರ್’ ನುಡಿಸುತ್ತಿದೆ’, `ಶಂಖದ ಹೊಡೆತಗಳು’, `ಸುಡುವ ಲಾಗ್ ತುಣುಕುಗಳು’, `ಬೆರ್ಮೆ ಸೈನ್ಯವು ಕೋಪದಿಂದ ರೊಚ್ಚಿಗೆದ್ದ’, `ರಾಜಶೇಖರ ಸಂಗೀತದ ಗುಜುಗುಡುಗಳು’, ಗುರುಗಳು’ ಗುರುಗಳು ಅನೇಕ ತಪ್ಪುಗಳನ್ನು ಗುರುತಿಸಿದ್ದಾರೆ.
ಇದನ್ನೂ ಓದಿ:’ಕಾಂತಾರ 1′ ಇನ್ನೂ ಹಲವು, ಈ ವಾರ ಒಟಿಟಿಯಲ್ಲಿ ಭರ್ಜರಿ ಸಿನಿಮಾಗಳು
‘ನೂರಾರು ಕೋಟಿ ಹಾಕಿ ಸಿನಿಮಾ ಮಾಡಿದ್ದೀರ ಆದರೆ ಕನ್ನಡ ಸಬ್ ಟೈಟಲ್ ನ ಬಗ್ಗೆ ಗಮನವನ್ನೇ ಹರಿಸಿಲ್ಲ’ ಎಂದು ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಹಲವು ಸಿನಿಮಾಗಳು ಹೀಗೆಯೇ ಕನ್ನಡ ಸಬ್ ಟೈಟಲ್ ಬಗ್ಗೆ ಉಡಾಫೆ ನಿಲುವು ತಳೆದಿವೆ ಎಂದು ಕೆಲವರು ಆರೋಪಿಸಿದ್ದಾರೆ.
‘ಕಾಂತಾರ: ಅಧ್ಯಾಯ 1’ ವಿಷಯದಲ್ಲಿ ಸಿನಿಮಾದಲ್ಲಿ ಪಾತ್ರಗಳು ಹೇಳುವ ಸಂಭಾಷಣೆಗಳು, ಸಬ್ ಟೈಟಲ್ನಲ್ಲಿ ಸರಿಯಾಗಿವೆ, ಅದರಲ್ಲಿ ಯಾವುದೇ ತಪ್ಪುಗಳಿಲ್ಲ. ಆದರೆ ಸಂಭಾಷಣೆಗಳು ಅಲ್ಲದೆ ದೃಶ್ಯಗಳ ವಿವರಣೆ ಸಮಯದಲ್ಲಿ ಮಾತ್ರವೇ ಇಂಥಹ ತಪ್ಪುಗಳು ಆಗಿವೆ. ದೃಶ್ಯಗಳ ಇಂಗ್ಲಿಷ್ ವಿವರಣೆಯನ್ನು ಯಥಾವತ್ತು ಕನ್ನಡಕ್ಕೆ ತರ್ಜುಮೆ ಮಾಡುವುದರಿಂದ ಈ ಸಮಸ್ಯೆ ಉಂಟಾಗಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
