ಇದು ಸೋಶಿಯಲ್ ಮೀಡಿಯಾ ಯುಗ. ಒಟಿಟಿ ವ್ಯಾಪ್ತಿ ಹಿರಿದಾಗಿದೆ. ಹೀಗಾಗಿ, ವಿಶ್ವದ ಯಾವ ಮೂಲೆಯಲ್ಲಿ ಏನು ನಡೆಯುತ್ತಿದೆ ಎಂಬುದನ್ನು ಸುಲಭವಾಗಿ ತಿಳಿದುಕೊಳ್ಳಬಹುದು. ಸಿನಿಮಾ ವಿಚಾರದಲ್ಲಂತೂ ವಿಶ್ವದ ಎಲ್ಲಾ ಚಿತ್ರರಂಗವೂ ತಪ್ಪಾಗಲಾರದು.. ಹೀಗಾಗಿ ಯಾವುದೇ ಪೋಸ್, ಕಥೆ ಕಾಪಿ ಮಾಡಿದರೂ ಅದನ್ನು ನೆಟ್ಟಿಗರು ಪತ್ತೆ ಹಚ್ಚುತ್ತಾರೆ. ಈಗ ಶಾರುಖ್ ಖಾನ್ ಅವರ 60ನೇ ವರ್ಷದ ಬರ್ತ್ತೇ ಪ್ರಯುಕ್ತ ‘ಕಿಂಗ್’ ಚಿತ್ರದ ಲುಕ್ ರಿವೀಲ್ ಆಗಿದೆ. ಇದು ಹಾಲಿವುಡ್ನ ‘ಎಫ್ 1’ ಚಿತ್ರದ ಬ್ರಾಡ್ ಪಿಟ್ ಲುಕ್ ಹೋಲುತ್ತಿದೆ.
2023ರಲ್ಲಿ ರಿಲೀಸ್ ಆದ ‘ಪಠಾಣ’, ‘ಜವಾನ್’ ಹಾಗೂ ‘ಡಂಕಿ’ ಸಿನಿಮಾಗಳ ಮೂಲಕ ಗೆಲುವು ಕಂಡ ಶಾರುಖ್ ಖಾನ್ , ನಂತರ ಬ್ರೇಕ್ ಪಡೆದರು. ಈಗ ಎರಡು ವರ್ಷಗಳ ಬಳಿಕ ಕಿಂಗ್’ ಚಿತ್ರ ಕೈಗೆತ್ತಿಕೊಂಡಿದೆ. ಅವರ ಒಡೆತನದ ರೆಡ್ ಚಿಲ್ಲೀಸ್ ಎಂಟರ್ಟೇನ್ಮೆಂಟ್ಗೆ ಬಂಡವಾಳ ಹೂಡುತ್ತಿದೆ. ಈ ಸಿನಿಮಾದಲ್ಲಿ ಶಾರುಖ್ ಖಾನ್ ಮಗಳು ಸುಹಾನಾ ಕೂಡ ನಟಿಸುತ್ತಿದ್ದಾರೆ. ನವೆಂಬರ್ 2 ಶಾರುಖ್ ಖಾನ್ ಜನ್ಮದಿನ. ಈ ಪ್ರಯುಕ್ತ ‘ಕಿಂಗ್’ ಚಿತ್ರದ ಪೋಸ್ಟರ್ ರಿಲೀಸ್ ಆಗಿದೆ.
ಕಿಂಗ್ ಚಿತ್ರದ ಪೋಸ್ಟರ್
ಇದು ಉದ್ದೇಶಪೂರ್ವಕ ಎಂದು ನಾನು ಭಾವಿಸುತ್ತೇನೆ; ಬ್ರಾಡ್ ಪಿಟ್ಗೆ ಗೌರವ #F1 ನೋಡಿ 🔥🤌#ರಾಜ pic.twitter.com/X7G0Ugiulu
— ಶುಭರಾಯನ್ (@outroygeous) ನವೆಂಬರ್ 2, 2025
ಇದನ್ನು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಮಾಡಲಾಗುತ್ತಿದೆ. ಅನೇಕರು ಬ್ರಾಡ್ ಪಿಟ್ ಲುಕ್ಗೆ ಇದನ್ನು ಹೋಲಿಕೆ ಮಾಡಲಾಗಿದೆ. ಜಾಕೆಟ್ ಬಣ್ಣ, ಶರ್ಟ್ ಬಣ್ಣ, ಹೇರ್ ಸ್ಟೈಲ್ ನಡುವೆ ಹೋಲಿಕೆ ಇದೆ. ಬ್ರಾಡ್ ಪಿಟ್ ಬ್ಯಾಗ್ ಹಿಡಿದು ಬರುವಂತೆ, ಶಾರುಖ್ ಕೈಯಲ್ಲೂ ಒಂದು ಬ್ಯಾಗ್ ಇದೆ. ಈ ಲುಕ್ನ ಚೀಪ್ ಕಾಪಿ ಎಂದು ಕೆಲವರು ಕರೆದಿದ್ದಾರೆ.
ಇದನ್ನೂ ಓದಿ: ಹೊಸ ಅವತಾರದಲ್ಲಿ ಬಂದ ಶಾರುಖ್ ಖಾನ್: ಹುಟ್ಟುಹಬ್ಬಕ್ಕೆ ‘ಕಿಂಗ್’ ಟೀಸರ್ ರಿಲೀಸ್
2017ರಲ್ಲಿ ಶಾರುಖ್ ಖಾನ್ ನಟನೆಯ ‘ಜಬ್ ಹ್ಯಾರಿ ಮೆಟ್ ಸೇಜಲ್’ ಸಿನಿಮಾ ರಿಲೀಸ್ ಆಗಿದೆ. ಈ ಚಿತ್ರದಲ್ಲಿ ಶಾರುಖ್ ಖಾನ್ ಅವರ ಲುಕ್ ಇದೆ ರೀತಿ ಇತ್ತು. ಈಗ ಅದೇ ಲುಕ್ನ ಮತ್ತೆ ಅನುಕರಿಸಿದರೇ ಎಂಬ ಪ್ರಶ್ನೆಯೂ ಮೂಡಿದೆ. ‘ಕಿಂಗ್’ ಚಿತ್ರದ ಕಥೆ ಏನು ಎಂಬುದು ಇನ್ನೂ ರಿವೀಲ್ ಆಗಿಲ್ಲ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
