ನವೆಂಬರ್ 3: ಉದ್ಯಮಿ ಅನಿಲ್ ಅಂಬಾನಿ (ಅನಿಲ್ ಅಂಬಾನಿ) ಅವರಿಗೆ ಬ್ಯಾಂಕ್ ಸಾಲ ವಂಚನೆ ಪ್ರಕರಣ ಉರುಳಿದಂತಾಗಿದೆ. 20,000 ಕೋಟಿ ರೂ ಮೊತ್ತದ ಈ ಪ್ರಕರಣ ಸಂಬಂಧ ಜಾರಿ ನಿರ್ದೇಶನಾಲಯವು ಅನಿಲ್ ಅಂಬಾನಿ ಅವರ ಕೆಲ ಆಸ್ತಿಗಳನ್ನು ಮುಟ್ಟುಗೋಲು (ED ಲಗತ್ತು) ಹಾಕಿದೆ. ವರದಿ ಪ್ರಕಾರ, ಮುಂಬೈನ ಪಾಲಿ ಹಿಲ್ನಲ್ಲಿರುವ (ಪಾಲಿ ಹಿಲ್) ಅನಿಲ್ ಅಂಬಾನಿ ಅವರ ನಿವಾಸ ಸೇರಿದಂತೆ 3,084 ಕೋಟಿ ರೂ ಮೌಲ್ಯದ ಆಸ್ತಿಗಳನ್ನು ಇಡಿ ಜಫ್ತಿ ಮಾಡಿದೆ.
ಮುಂಬೈ, ದೆಹಲಿ, ನೋಯ್ಡಾ, ಗೋವಾ, ಪುಣೆ, ಹೈದರಾಬಾದ್, ಚೆನ್ನೈ ಮೊದಲಾದ ನಗರಗಳಲ್ಲಿ, ರಿಲಯನ್ಸ್ ಕಮ್ಯೂನಿಕೇಶನ್ಸ್ ಮತ್ತು ರಿಲಯನ್ಸ್ ಇನ್ ಫ್ರಾಸ್ಟ್ರಕ್ಚರ್ ಸಂಸ್ಥೆಗಳಿಗೆ ಸೇರಿರುವ ಫ್ಲ್ಯಾಟ್, ನಿವೇಶನ, ಕಚೇರಿ ಸ್ಥಳಗಳು ಇತ್ಯಾದಿಗಳ ಇಡಿ ಅಟ್ಯಾಚ್ಮೆಂಟ್ಗಳ ಮೇಲಿವೆ. ಸೆಂಟ್ರಲ್ ಡೆಲ್ಲಿಯಲ್ಲಿರುವ ಹೋಟೆಲ್ ರಂಜಜಿತ್ನಲ್ಲಿರುವ ಅನಿಲ್ ಅಂಬಾನಿ ಅವರ ರಿಲಯನ್ಸ್ ಸೆಂಟರ್ ಆಫೀಸ್ ಮತ್ತು ಇಡಿ ಮುಟ್ಟುಗೋಲು ಹಾಕಿರುವುದು.
ಇದನ್ನೂ ಓದಿ: ಮತ್ತಷ್ಟು ಗಣಿಗಾರಿಕೆಯಿಂದ ಭಾರತಕ್ಕೆ ತಗ್ಗುತ್ತೆ 100 ಬಿಲಿಯನ್ ಡಾಲರ್ ಹೊರೆ: ಸಿಎಸ್ ಐಪಿ ವರದಿ
ಅನಿಲ್ ಅಂಬಾನಿ ವಿರುದ್ಧದ ಪ್ರಕರಣವೇನು?
ಬ್ಯಾಂಕ್ ಪಡೆದ ಕಾರ್ಪೊರೇಟ್ ಸಾಲದ ಹಣವನ್ನು ವಿವಿಧ ಶೆಲ್ ಕಂಪನಿಗಳಿಗೆ ಹಾಗೂ ತನ್ನ ಅಂಗ ಸಂಸ್ಥೆಗಳಿಗೆ ಅಕ್ರಮವಾಗಿ ವರ್ಗಾಯಿಸಿ, ಲಪಟಾಯಿಸಲು ಯತ್ನಿಸಿರುವುದು ಅನಿಲ್ ಅಂಬಾನಿ ವಿರುದ್ಧ ಕೇಳಿಬಂದಿರುವ ಪ್ರಮುಖ ಆರೋಪವಾಗಿದೆ.
2017 ರಿಂದ 2019 ರ ಅವಧಿಯಲ್ಲಿ ಅನಿಲ್ ಅಂಬಾನಿ ಅವರಿಗೆ ಸೇರಿದ ರಿಲಯನ್ಸ್ ಹೋಮ್ ಫೈನಾನ್ಸ್ ಲಿಮಿಟೆಡ್ (ಆರ್ಎಚ್ಎಫ್ಎಲ್) ಮತ್ತು ರಿಲಯನ್ಸ್ ಕಮರ್ಷಿಯಲ್ ಫೈನಾನ್ಸ್ ಲಿಮಿಟೆಡ್ (ಆರ್ಸಿಎಫ್ಎಲ್) ಸಂಸ್ಥೆಗಳಿಗೆ ಯೆಸ್ ಬ್ಯಾಂಕ್ ಫಂಡ್ಗಳನ್ನು ಒದಗಿಸಿದೆ. ಆರ್ಎಚ್ಎಫ್ಎಲ್ನ ಯೋಜನೆಗಳಲ್ಲಿ 2,965 ಕೋಟಿ ರೂ, ಆರ್ಸಿಎಫ್ಎಲ್ ಯೋಜನೆಗಳಲ್ಲಿ 2,045 ಕೋಟಿ ರೂ ಹೂಡಿಕೆ ಮಾಡಿತ್ತು ಯೆಸ್ ಬ್ಯಾಂಕ್.
ಇದನ್ನೂ ಓದಿ: ಟ್ಯಾರಿಫ್ ಹುಚ್ಚಾಟ, ಭಾರತಕ್ಕೆ ಸಂಕಟ; ಮೇನಿಂದ ಸೆಪ್ಟೆಂಬರ್ ವರೆಗೆ ಅಮೆರಿಕಕ್ಕೆ ಭಾರತದ ರಫ್ತು ಶೇ. 37ರಷ್ಟು ಕುಸಿತ
ಆದರೆ, 2019ರ ಡಿಸೆಂಬರ್ನಲ್ಲಿ ಯೆಸ್ ಬ್ಯಾಂಕ್ನ ಆ ಹೂಡಿಕೆಗಳು ಅನುತ್ಪಾದಕವೆನಿಸಿದ್ದವು. ಅಂದರೆ, ಆ ಹಣ ಮರಳಿ ಬರುವುದು ಕಷ್ಟವಾಗಿತ್ತು. ಆರ್ಎಚ್ಎಫ್ಎಲ್ನಿಂದ 1,353.50 ಕೋಟಿ ರೂ, ಆರ್ಸಿಎಫ್ಎಲ್ನಿಂದ 1,984 ಕೋಟಿ ರೂ ಹಣ ಬಾಕಿ ಉಳಿದಿತ್ತು. ರಿಲಯನ್ಸ್ ಕಂಪನಿಗಳು ಈ ಹಣವನ್ನು ಅಕ್ರಮವಾಗಿ ಬೇರೆಡೆ ಸಾಗಿಸುತ್ತಿದ್ದವು. ರಿಲಯನ್ಸ್ ಗ್ರೂಪ್ಗೆ ಸೇರಿದ ವಿವಿಧ ಕಂಪನಿಗಳು ಈ ರೀತಿ ಸಾಲಗಳನ್ನು ಅಕ್ರಮವಾಗಿ ವರ್ಗಾಯಿಸಿದ್ದು ಒಟ್ಟು ಮೌಲ್ಯ 20,000 ಕೋಟಿ ರೂ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
