ಕುಟುಂಬದ ಜೊತೆ ಮುದ್ದಿನ ನಾಯಿ ಮರಿ COCO Birthday ಆಚರಿಸಿದ ರಾಧಿಕಾ ಪಂಡಿತ್

<p>ರಾಕಿಂಗ್ ಸ್ಟಾರ್ ಯಶ್ ಕುಟುಂಬ ತಮ್ಮ ಮನೆಯ ಮುದ್ದಿನ ನಾಯಿಮರಿ ಕೊಕೊ ಹುಟ್ಟುಹಬ್ಬವನ್ನು ಪೂರ್ತಿ ಫ್ಯಾಮಿಲಿ ಸೇರಿ ಅದ್ಧೂರಿಯಾಗಿ ಸೆಲೆಬ್ರೇಟ್ ಮಾಡಿದ್ದು, ಫೋಟೊಗಳನ್ನು ನಟಿ ರಾಧಿಕಾ ಪಂಡಿತ್ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.</p><img><p>ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ನಟಿ ರಾಧಿಕಾ ಪಂಡಿತ್ ಇದೀಗ ಬರ್ತ್ ಡೇ ಸಂಭ್ರಮದ ಫೋಟೊಗಳನ್ನು ಶೇರ್ ಮಾಡಿದ್ದು, ಈ ಫೋಟೊಗಳು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.</p><img><p>ಇತ್ತೀಚೆಗಷ್ಟೇ ರಾಕಿಂಗ್ ಸ್ಟಾರ್ ಯಶ್ ಮತ್ತು ಫ್ಯಾಮಿಲಿ ಮಗ ಯಥರ್ವ್ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದರು. ನಿಜವಾದ ಪ್ರಾಣಿ ಪಕ್ಷಿಗಳನ್ನೆಲ್ಲಾ ಪಾರ್ಟಿಗೆ ತಂದಿದ್ದರು, ರಾಕಿಂಗ್ ಸ್ಟಾರ್. ಇದೀಗ ತಮ್ಮ ಮನೆಯ ಮತ್ತೊಬ್ಬ ಸದಸ್ಯರ ಹುಟ್ಟುಹಬ್ಬ ಆಚರಿಸಿದ್ದಾರೆ.</p><img><p>ಯಶ್ ಹಾಗೂ ರಾಧಿಕಾ ಪಂಡಿತ್ ಪ್ರಾಣಿ ಪ್ರಿಯರಾಗಿದ್ದು, ಈ ಜೋಡಿ ತಮ್ಮ ಮನೆಯಲ್ಲಿ ಮುದ್ದಾದ ಶ್ವಾನವನ್ನು ಸಾಕಿದೆ. ಅದಕ್ಕೆ ಮುದ್ದಾಗಿ ಕೊಕೋ ಎಂದು ಹೆಸರಿಟ್ಟಿದ್ದಾರೆ. ಈ ಕೊಕೊ ಹುಟ್ಟುಹಬ್ಬವನ್ನು ಇದೀಗ ಸೆಲೆಬ್ರೇಟ್ ಮಾಡಲಾಗಿದೆ.</p><img><p>ಕೊಕೊ ಜೊತೆಗಿನ ಮುದ್ದಾದ ಫೋಟೊಗಳನ್ನು ಹಂಚಿಕೊಂಡಿರುವ ರಾಧಿಕಾ ಪಂಡಿತ್ ಕಂಡೀಶನ್ ಗಳಿಂದ ತುಂಬಿರುವ ಈ ಜಗತ್ತಿನಲ್ಲಿ, ಅಚಲವಾದ ವಾತ್ಸಲ್ಯ ಹೇಗಿರುತ್ತದೆ ಎಂಬುದನ್ನು ಅವಳು ನಮಗೆ ನೆನಪಿಸುತ್ತಾಳೆ. ಹುಟ್ಟುಹಬ್ಬದ ಶುಭಾಶಯಗಳು, ಕೊಕೊ ಎಂದು ಬೆರೆದುಕೊಂಡಿದ್ದಾರೆ.</p><img><p>ಕೊಕೊ ಯಶ್ ಕುಟುಂಬದ ಒಂದು ಭಾಗವೇ ಆಗಿ ಹೋಗಿದೆ. ಅವರು ಎಲ್ಲೇ ಹೋದರೂ ಕೊಕೊ ಕೂಡ ಜೊತೆಯಲ್ಲಿಯೇ ಇರುತ್ತೆ. ಇದೀಗ ಕೊಕೊಗೆ ಎರಡು ವರ್ಷ ತುಂಬಿರುವ ಹಿನ್ನೆಲೆಯಲ್ಲಿ ಅದ್ಧೂರಿಯಾಗಿ ಹುಟ್ಟುಹಬ್ಬ ಆಚರಿಸಿದ್ದಾರೆ.</p><img><p>ಕೊಕೊ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಕೊಕೊ ಮುಖವನ್ನು ಹೊಂದಿರುವ ಪುಟ್ಟದಾದ ಮುದ್ದಾದ ಕೇಕ್ ತಯಾರಿಸಿದ್ದು, ಕೇಕ್ ಮೇಲೆ ಹ್ಯಾಪಿ ಬರ್ತ್ ಡೇ ಕೊಕೊ 2 ಎಂದು ಬರೆಯಲಾಗಿದೆ.</p><img><p>ಕೊಕೊ ಹುಟ್ಟುಹಬ್ಬವನ್ನು ರಾಧಿಕಾ ಪಂಡಿತ್, ಮಕ್ಕಳಾದ ಯಥರ್ವ್ ಮತ್ತು ಆಯ್ರ, ರಾಧಿಕಾ ತಂದೆ, ತಾಯಿ, ಮನೆಯಲ್ಲಿರುವ ಸ್ಟಾಪ್ ಜೊತೆ ಸೆಲೆಬ್ರೇಟ್ ಮಾಡಲಾಗಿದೆ.</p><img><p>ಇತ್ತೀಚೆಗೆ ಮಗನ ಹುಟ್ಟುಹಬ್ಬಕ್ಕೆ ಕಾಣಿಸಿಕೊಂಡಿದ್ದ ಯಶ್ ಕೊಕೊ ಹುಟ್ಟುಹಬ್ಬದಲ್ಲಿ ಮಿಸ್ಸಿಂಗ್ ಆಗಿದ್ದಾರೆ. ಟಾಕ್ಸಿಕ್ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿರೋದರಿಂದ ಕ್ಕೊ ಬರ್ತ್ ಡೇಗೆ ಬಂದಿಲ್ಲ.</p><img><p>ರಾಧಿಕಾ ಕೊಕೊ ಜೊತೆಗಿನ ಫೋಟೊಗಳನ್ನು ಶೇರ್ ಮಾಡಿದ್ದು, ತಮ್ಮ ಬಾಳಲ್ಲಿ ಕೊಕೊ ಎಷ್ಟು ಮುಖ್ಯ ಅನ್ನೋದನ್ನು ತಿಳಿಸಿದ್ದಾರೆ. ಕೊಕೊ ಜೊತೆಗೆ ಕೇಕ್ ಕತ್ತರಿಸುವ ಫೋಟೊ ಸಹ ಶೇರ್ ಮಾಡಿದ್ದಾರೆ.</p><img><p>ಕೊಕೊ ಜೊತೆಗೆ ಯಶ್ ಮತ್ತು ರಾಧಿಕಾ ಸೆಲ್ಫಿ ನೋಡಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಹಲವು ದಿನಗಳ ಬಳಿಕ ಈ ಜೋಡಿ ಜೊತೆಯಾಗಿ ಸೆಲ್ಫಿಗೆ ಪೋಸ್ ಕೊಟ್ಟಿದೆ ಎಂದು ಸಂಭ್ರಮಿಸಿದ್ದಾರೆ ಫ್ಯಾನ್ಸ್.</p>



Source link