ಪತ್ನಿ ಜೊತೆ ದೈಹಿಕ ಸಂಪರ್ಕ ಇಲ್ವಾ? ಫುಲ್‌ ಟೈಟಾಗಿ I Love You ಹೇಳಿ- ಸೀರಿಯಲ್‌ಗಳಿಂದ ಇದೆಂಥ ಪಾಠ?

<p>ಕನ್ನಡದ ಜನಪ್ರಿಯ ಧಾರಾವಾಹಿಗಳಾದ ‘ಅಮೃತಧಾರೆ’, ‘ಲಕ್ಷ್ಮೀ ಬಾರಮ್ಮ’ ದಿಂದ ಹಿಡಿದು ‘ನಾ ನಿನ್ನ ಬಿಡಲಾರೆ’ಯವರೆಗೂ, ಪಾತ್ರಗಳು ಪ್ರೀತಿ ನಿವೇದನೆ ಮಾಡಿಕೊಳ್ಳಲು ಮದ್ಯ ಸೇವನೆಯ ಮೊರೆ ಹೋಗುತ್ತಿವೆ. ಪತಿ ಅಥವಾ ಪತ್ನಿಯ ನಿಜವಾದ ಪ್ರೀತಿಯನ್ನು ತಿಳಿಯಲು ಕುಡಿತದ ದೃಶ್ಯ ಸೀರಿಯಲ್‌ಗಳಲ್ಲಿ ಸಾಮಾನ್ಯ ತಂತ್ರವಾಗಿದೆ</p><img><p>ಈಗಿನ ಸೀರಿಯಲ್​ಗಳಲ್ಲಿ ಗಂಡ-ಹೆಂಡತಿ ನಡುವೆ ದೈಹಿಕ ಸಂಬಂಧ ಇಲ್ಲದೇ ದಾಂಪತ್ಯ ಜೀವನ ಶುರುವಾಗುವುದನ್ನು ತೋರಿಸುವುದು ಮಾಮೂಲಾಗಿದೆ. ಆದರೆ, ಪತಿ-ಪತ್ನಿ ನಡುವೆ ಪ್ರೀತಿಯ ನಿವೇದನೆ ಮಾಡಿಕೊಳ್ಳಲು ನಿರ್ದೇಶಕರು ಆಯ್ಕೆ ಮಾಡಿಕೊಳ್ತಿರೋ ಮಾರ್ಗ ಮಾತ್ರ ಎಣ್ಣೆ ಪಾರ್ಟಿ!</p><img><p>ಈ ಹಿಂದೆ ಅಮೃತಧಾರೆ ಸೀರಿಯಲ್​ನಲ್ಲಿ ಭೂಮಿಕಾ ಮತ್ತು ಗೌತಮ್​ ನಡುವೆ ಲವ್​ ಶುರುವಾದದ್ದು, ಮದ್ಯ ಸೇವನೆಯಿಂದಲೇ. ಭೂಮಿಕಾಗೆ ಗೊತ್ತಿಲ್ಲದೇ 2-3 ಸಲ ಡ್ರಿಂಕ್ಸ್​ ಕೊಟ್ಟಾಗ ಆಕೆ ಪ್ರೀತಿ ನಿವೇದನೆ ಮಾಡಿಕೊಂಡಿದ್ದಳು.</p><img><p>ಇದೇ ತಂತ್ರವನ್ನು ಕಲರ್ಸ್​ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗ್ತಿರೋ ಲಕ್ಷ್ಮೀ ಬಾರಮ್ಮ ಸೀರಿಯಲ್​ನಲ್ಲಿಯೂ ತೋರಿಸಲಾಗಿತ್ತು. ಈ ಸೀರಿಯಲ್​ನಲ್ಲಿ ಲಕ್ಷ್ಮೀ ಕೂಡ ಕೂಲ್​ಡ್ರಿಂಕ್ಸ್​ನಲ್ಲಿ ಮದ್ಯ ಸೇವಿಸಿದ್ದು ಗೊತ್ತಾಗದೇ ಕುಡಿದಿದ್ದಳು. ಆಮೇಲೆ ತನ್ನ ಗಂಡ ವೈಷ್ಣವ್​ಗೆ ಪ್ರೀತಿಯ ಕುರಿತು ಹೇಳಿದ್ದಳು. ತನ್ನ ಪತ್ನಿ ತನ್ನನ್ನು ಇಷ್ಟೆಲ್ಲಾ ಲವ್​ ಮಾಡ್ತಾ ಇದ್ದಾಳೆ ಎಂದು ಗಂಡನಿಗೆ ತಿಳಿದದ್ದು ಅವಳು ಡ್ರಿಂಕ್ಸ್​ ಮಾಡಿ ಮಾತನಾಡಿದ ಮೇಲೆ. ಪತ್ನಿ ಎಷ್ಟು ಲವ್​ ಮಾಡ್ತಾಳೆ ಎಂದು ತಿಳಿಯಲು ಈ ರೀತಿ ಹೆಣ್ಣುಮಕ್ಕಳಿಗೆ ಡ್ರಿಂಕ್ಸ್​ ಕುಡಿಸುವುದು ಅನಿವಾರ್ಯನಾ ಎನ್ನುವ ಪ್ರಶ್ನೆ ಎದುರಾಗಿತ್ತು.</p><img><p>ಕೊನೆಗೆ ಬ್ರಹ್ಮಗಂಟು (Brahmagantu) ಸೀರಿಯಲ್​ನಲ್ಲಿಯೂ ಇದೇ ಡ್ರಿಂಕ್ಸ್​ ದೃಶ್ಯ ತುರುಕಲಾಗಿತ್ತು. ಗಂಡ ಚಿರುಗೆ ಕುಡಿಸಲಾಗಿತ್ತು. ಚಿರು ಇಂದಿಗೂ ದೀಪಾಳನ್ನು ಪತ್ನಿ ಎಂದು ಒಪ್ಪಿಕೊಳ್ಳದಿದ್ದ ಕಾರಣ, ಪಾರ್ಟಿ ಹೆಸರಿನಲ್ಲಿ ಚಿರುಗೆ ಕುಡಿಸಲಾಗಿತ್ತು. ಆಗ ಆತ ದೀಪಾಳನ್ನು ಹತ್ತಿರ ಕರೆದು ತಬ್ಬಿಕೊಂಡಿದ್ದ.</p><img><p>ಇದೀಗ ಮತ್ತದೇ ತಂತ್ರವನ್ನು ನಾ ನಿನ್ನ ಬಿಡಲಾರೆ (Naa Ninna Bidalaare) ಮತ್ತು ಬ್ರಹ್ಮಗಂಟು ಸೀರಿಯಲ್‌ ಮಹಾಸಂಗಮದಲ್ಲಿ ಮಾಡಲಾಗಿದೆ. ಇಲ್ಲಿ ಚಿರು ಮತ್ತು ಶರತ್‌ ಇಬ್ಬರೂ ಮಜ್ಜಿಗೆ ಎಂದು ತಿಳಿದು ಡ್ರಿಂಕ್ಸ್‌ ಮಾಡಿದ್ದಾರೆ.</p><img><p>ಕೊನೆಗೆ, ಪಾರ್ಟಿ ನಡೆಸಲಾಗಿದೆ. ಇದರಲ್ಲಿ acting ಮಾಡುವ ಮೂಲಕ ಹಾಡಿನ ಬಗ್ಗೆ ಹೇಳುವ ಟಾಸ್ಕ್‌ ನೀಡಲಾಗಿದೆ. ದುರ್ಗಾ ಲವ್‌ ಹಾರ್ಟ್ ಎನ್ನುವಂತೆ ಆಕ್ಷನ್‌ ಮಾಡಿದಾಗ, ಶರತ್‌ ತನ್ನ ಮನಸ್ಸಿನಲ್ಲಿ ಇದ್ದದ್ದನ್ನು ಹೇಳಿಕೊಂಡಿದ್ದಾನೆ. I Love You I Love You ಎಂದಿದ್ದಾನೆ. ಚಿರುನೂ ದೀಪಾಗೆ &nbsp;ಪ್ರೀತಿಯ ನಿವೇದನೆ ಮಾಡಿಕೊಂಡಿದ್ದಾನೆ.&nbsp;</p><img><p>ಇದನ್ನು ಕೇಳಿ ದುರ್ಗಾ ಶಾಕ್‌ ಆದರೂ ನಾಚಿಕೊಂಡಿದ್ದಾಳೆ. &nbsp;ಮಾಯಾ ಬಿಟ್ಟರೆ ಮತ್ತೆ ಎಲ್ಲರೂ ಖುಷಿಪಟ್ಟುಕೊಂಡಿದ್ದಾರೆ. ದೀಪಾಳನ್ನು ಚಿರು ಎತ್ತಿಕೊಂಡಿದ್ದಾನೆ. ಒಟ್ಟಿನಲ್ಲಿ ಪತ್ನಿಗೆ ಇಲ್ಲವೇ ಪತಿಯ ಮೇಲೆ ಪ್ರೀತಿ ನಿವೇದಿಸಿಕೊಳ್ಳಲು ಕುಡಿಯೋದು ಅನಿವಾರ್ಯ ಎನ್ನೋದನ್ನು ಸೀರಿಯಲ್‌ಗಳು ತೋರಿಸುತ್ತಿವೆ ಎನ್ನುವ ಕಮೆಂಟ್ಸ್‌ ಮಾತ್ರ ಹರಿದಾಡುತ್ತಿದೆ.</p><p>ಪ್ರೊಮೋ ನೋಡಲು ಇದರ ಮೇಲೆ ಕ್ಲಿಕ್​ ಮಾಡಿ</p>



Source link