ಕ್ಲೌಡ್ ಕಿಚನ್ ಐಡಿಯಾ; ಹೋಟೆಲ್ ಬೇಕಿಲ್ಲ, ಇದು ಟ್ರೆಂಡಿ ಬ್ಯುಸಿನೆಸ್

ಬಿಡುವಿಲ್ಲದ ಜೀವನಶೈಲಿಯ ಇವತ್ತಿನ ದಿನಗಳಲ್ಲಿ ಸಿದ್ಧ ಆಹಾರಕ್ಕೆ ವಿಪರೀತ ಬೇಡಿಕೆ ಇದೆ. ಹೋಟೆಲ್, ರೆಸ್ಟೋರೆಂಟ್‌ಗಳು ಸಖತ್ ಬ್ಯೂಸಿನೆಸ್ ಮಾಡುತ್ತಿವೆ. ಆದರೆ, ಹೋಟೆಲ್‌ಗಳನ್ನು ನಡೆಸುವುದು ಬಹಳ ಅಪಾಯ ಇರುವ ಕಾರ್ಯ. ಬಾಡಿಗೆ, ಸಿಬ್ಬಂದಿ ಸಂಬಳ ಇತ್ಯಾದಿ ವೆಚ್ಚಗಳು. ಈ ನಡುವೆ ಕ್ಲೌಡ್ ಕಿಚನ್ಗಳು (ಕ್ಲೌಡ್ ಕಿಚನ್) ಜನಪ್ರಿಯವಾಗಿವೆ. ನೀವು ಅಡುಗೆ ಮಾಡಬಲ್ಲಿರಾದರೆ ಕ್ಲೌಡ್ ಕಿಚನ್ ಹೇಳಿ ಮಾಡಿಸಿದ ಬ್ಯೂಸಿನೆಸ್ ಮಾಡಲ್ ಆಗಬಹುದು.

ಮನೆಯಿಂದ ದೂರ ಇರುವ ಬಹಳ ಜನರು ನಿರಂತರವಾಗಿ ಹೋಟೆಲ್ ಊಟ ತಿನ್ನುತ್ತಾರೆ. ಅವರಿಗೆ ಮನೆಯೂಟ ಸೇವಿಸಲು ಆಸೆ ಇರುತ್ತದೆ. ಕ್ಲೌಡ್ ಕಿಚನ್ ಮೂಲಕ ಅಂಥವರಿಗೆ ಮನೆಯೂಟದ ಅವಕಾಶ ಕೊಡಬಹುದು. ಕ್ಲೌಡ್ ಕಿಚನ್ ನಿಂದ ತಿಂಗಳಿಗೆ 50,000 ರೂವರೆಗೆ ಆದಾಯ ಗಳಿಸಬಹುದು.

ಫುಡ್ ಡೆಲಿವರಿ ಆಯಪ್ಗಳಲ್ಲಿ ನೊಂದಾಯಿಸಿ…

ಕ್ಲೌಡ್ ಕಿಚನ್‌ಗೆ ಬ್ಯುಸಿನೆಸ್ ಬರಬೇಕೆಂದರೆ ಫುಡ್ ಆಯಪ್‌ಗಳಲ್ಲಿ ನೊಂದಾಯಿಸಬೇಕು. ಜೊಮಾಟೊದಲ್ಲಿ ಪಾರ್ಟ್ನರ್ ಆಗಿ ರಿಜಿಸ್ಟರ್ ಮಾಡಿಸಿ. ಇದನ್ನು ಆನ್‌ಲೈನ್‌ನಲ್ಲೇ ಮಾಡಬಹುದು. ರೆಸ್ಟೋರೆಂಟ್ ಅನ್ನು ನೊಂದಾಯಿಸುವ ರೀತಿಯಲ್ಲೇ ಕ್ಲೌಡ್ ಕಿಚನ್ ಅನ್ನು ರಿಜಿಸ್ಟರ್ ಚಾಲನೆ. ಹೆಸರು, ಇಮೇಲ್, ಕಿಚನ್ ಹೆಸರು, ವಿಳಾಸ ಎಲ್ಲವನ್ನೂ ಹಾಕಬೇಕು.

ಇದನ್ನೂ ಓದಿ: ಬುಲ್ಸ್ ಐ, ಯುಪಿಸಿ ಬಾರ್ಕೋಡ್ನಿಂದ ಕ್ಯುಆರ್ ಕೋಡ್ವರೆಗೆ, ಕುತೂಹಲಕಾರಿ ಕಥೆ

ನಿಮ್ಮ ಫುಡ್ ಬ್ಯುಸಿನೆಸ್‌ಗೆ ಎಫ್‌ಎಸ್‌ಎಸ್‌ಎಐ ಲೈಸೆನ್ಸ್ ಪಡೆಯಬೇಕು. ಇದಕ್ಕೆ ಆನ್‌ಲೈನ್‌ನಲ್ಲಿಯೇ ಅರ್ಜಿ ಹಾಕಬಹುದು. ಜೊತೆಗೆ ಜಿಎಸ್ಟಿ ನೊಂದಣಿ ಕೂಡ ಮಾಡಿಸಿ. ಅಂಗಡಿಯ ಲೈಸೆನ್ಸ್ ಕೂಡ ಪಡೆಯಬೇಕು.

ಪ್ಯಾನ್ ಕಾರ್ಡ್, ಕ್ಯಾನ್ಸಲ್ ಚೆಕ್ ಬ್ಯಾಂಕ್ ಅಥವಾ ಪಾಸ್ ಬುಕ್, ಆಧಾರ್ ದಾಖಲೆ ನೀಡಿ ಪ್ರಮಾಣೀಕರಿಸಬೇಕು.

ಊಟದ ಮೆನು ಆಕರ್ಷಕವಾಗಿ…

ಜೊಮಾಟೋದ ನಿಮ್ಮ ಕ್ಲೌಡ್ ಕಿಚನ್ ಪೇಜ್‌ನಲ್ಲಿ ನೀವು ತಯಾರಿಸುವ ಆಹಾರದ ಹೆಸರು, ಫೋಟೋ ಆಕರ್ಷಕವಾಗಿರಲಿ. ಸರಿಯಾದ ಬೆಲೆಯನ್ನು ನಿಗದಿಪಡಿಸಿ. ವಿವಿಧ ಕಾಂಬೋಗಳು, ಡಿಸ್ಕೌಂಟ್‌ಗಳ ಮೂಲಕ ಗ್ರಾಹಕರ ಗಮನ ಸೆಳೆಯಿರಿ.

ಇದನ್ನೂ ಓದಿ: ಟೆಸ್ಲಾ ಸಿಐಒ ಆಗಿ ಇಲಾನ್ ಮಾಸ್ಕ್ 8900000000000 ರೂ ಸಂಭಾವನೆ; ಬೇರೆ ಸಿಇಒ ಸಾವಿರ ಪಟ್ಟು ಹೆಚ್ಚು ಹಣ

ಜೊಮಾಟೊಗೆ ಕಮಿಷನ್ ಎಷ್ಟು ಕೊಡಬೇಕು?

ತಮ್ಮ ರೆಸ್ಟೋರೆಂಟ್ ಪಾರ್ಟ್ನರ್ಗಳಿಗೆ ಜೊಮಾಟೊ ವಿವಿಧ ಯೋಜನೆಗಳನ್ನು ನೀಡಲಾಗುತ್ತಿದೆ. ಬೇಸಿಕ್ ಪ್ಲಾನ್‌ನಲ್ಲಿ ಅದರ ಕಮಿಷನ್ ಶೇ. 10-15ರಷ್ಟು ಇರುತ್ತದೆ. ಸ್ಟ್ಯಾಂಡರ್ಡ್ ಯೋಜನೆಯಲ್ಲಿ ಜೊಮಾಟೊ ಶೇ. 18-25ರಷ್ಟು ಕಮಿಷನ್ ಪಡೆಯುತ್ತದೆ. ಪ್ರೀಮಿಯಂ ಯೋಜನೆಯಲ್ಲಿ ಶೇ. 25-30ರಷ್ಟು ಕಮಿಷನ್ ಇರುತ್ತದೆ.

ಪ್ರೀಮಿಯಂ ಪ್ಲಾನ್ ಅಗತ್ಯವಿರುವವರ ಉತ್ಪನ್ನಗಳು ಜೊಮಾಟೋ ಪ್ಲಾಟ್‌ಫಾರ್ಮ್‌ನಲ್ಲಿ ಹೆಚ್ಚು ಪ್ರದರ್ಶಿತವಾಗಿವೆ. ಆಯಪ್ನ ಮೊದಲ ಪುಟದಲ್ಲೇ ಕಾಣುತ್ತಿದೆ. ಗ್ರಾಹಕರು ಯಾವುದಾದರೂ ಆಹಾರಕ್ಕೆ ಸರ್ಚ್ ಮಾಡಿದಾಗ ಅದು ಕಂಡುಬಂದಿದೆ. ಹೀಗೆ ವಿಶೇಷ ಅನುಕೂಲಗಳು ಇರುತ್ತವೆ.

ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ರಂದು ಪ್ರಕಟಿಸಲಾಗಿದೆ – 6:28 pm, ಶುಕ್ರ, 7 ನವೆಂಬರ್ 25