ಖ್ಯಾತ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗ ಅವರ ಸಿನಿಮಾ ಮೇಕಿಂಗ್ ಭಿನ್ನ. ಅವರು ಎಲ್ಲ ವಿಷಯಗಳನ್ನು ತುಂಬಾನೇ ರಾ ಆಗಿ ತೋರಿಸುತ್ತಾರೆ. ಅವರು ನಿರ್ದೇಶನ ಮಾಡಿದ್ದು ಮೂರು ಸಿನಿಮಾಗಳನ್ನು ಮಾತ್ರ. ಈ ಮೂರು ಚಿತ್ರಗಳು ಹಿಟ್ ಆಗಿವೆ. ಈಗ ಅವರ ಖ್ಯಾತ ನಿರ್ದೇಶಕ ಎಸ್ ಎಸ್ ಎಸ್ ರಾಜಮೌಳಿ ಬಾಯ್ತುಂಬ ಹೊಗಳಿದ್ದಾರೆ. ‘ಸಿನಿಮಾ ವಿಚಾರದಲ್ಲಿ ಸಂದೀಪ್ ಅವರು ಆರ್ಜೀವಿ ಅಪ್ಪ’ ಎಂದು ಕರೆದಿದ್ದಾರೆ.
ಆರ್ಜಿವಿ ಅವರು ರಾ ಸಿನಿಮಾಗಳನ್ನು ಹೆಚ್ಚು ತಿಳಿಸಿದ್ದಾರೆ. ಅವರು ಯಾವುದೇ ವಿಚಾರಗಳನ್ನು ಹೇಳಬೇಕು ಎಂದರೆ ನೇರ ಮಾತುಗಳಲ್ಲಿ ಹೇಳುತ್ತಾರೆ. ಸಂದೀಪ್ ಅವರಲ್ಲೂ ಇದೆ ಗುಣ ಎಂಬುದು ರಾಜಮೌಳಿಯ ಅಭಿಪ್ರಾಯ. ಹೀಗಾಗಿ, ಸಂದೀಪ್ ಅವರನ್ನು ಆರ್ ಜಿವಿಗೆ ಹೋಲಿಕೆ ಮಾಡಿ ಹೊಗಳಿದ್ದಾರೆ ಸಂದೀಪ್.
ಇತ್ತೀಚೆಗೆ ಸಿನಿಮಾ ಈವೆಂಟ್ ಒಂದರಲ್ಲಿ ರಾಜಮೌಳಿ ಅವರು ಮಾತನಾಡಿದ್ದಾರೆ. ‘ಆರ್ಜೀವಿ, ಸಂದೀಪ್ ರೆಡ್ಡಿ ವಂಗ ಇವರೆಲ್ಲ ಖ್ಯಾತ ನಿರ್ದೇಶಕರು. ಅಪರೂಪಕ್ಕೆ ಒಮ್ಮೆ ಈ ರೀತಿಯ ನಿರ್ದೇಶಕರು ಸಿಗುತ್ತಾರೆ’ ಎಂದು ರಾಜಮೌಳಿ ಹೇಳಿದ್ದಾರಂತೆ. ಜೊತೆಗೆ, ರಾಜಮೌಳಿಯ ಹೊಗಳಿಕೆಯಿಂದ ಸಂದೀಪ್ಗೆ ಹೊಸ ಹುಮ್ಮಸ್ಸು ಸಿಕ್ಕಂತೆ ಆಗಿದೆ.
ಸಂದೀಪ್ ಅವರು ಇತ್ತೀಚೆಗೆ ಸುದ್ದಿಯಲ್ಲಿದ್ದಾರೆ. ಅವರು ‘ಸ್ಪಿರಿಟ್’ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ದೀಪಿಕಾ ಪಡುಕೋಣೆ ನಾಯಕಿ ಆಗಿರಬೇಕಿತ್ತು. ಆದರೆ, ಚಿತ್ರದಿಂದ ಅವರು ಹೊರ ನಡೆದರು. ಇದಕ್ಕೆ ಸಂದೀಪ್ ಕಾರಣ ಎಂದು ನೇರವಾಗಿಯೇ ಹೇಳಿದ್ದರು. ಇದರಿಂದ ಸಂದೀಪ್ ಅವರ ಚಾರ್ಮ್ಗೆ ಧಕ್ಕೆ ಬಂದಿತ್ತು. ಆದರೆ, ರಾಜಮೌಳಿ ಅವರಂಥ ನಿರ್ದೇಶಕರು ಅವರ ಬಗ್ಗೆ ಮೆಚ್ಚುಗೆ ಸೂಚಿಸಿದಾಗ ಖಂಡಿತವಾಗಿಯೂ ಅವರಿಗೆ ಖುಷಿಯಾಗುತ್ತದೆ.
ಇದನ್ನೂ ಓದಿ: ಸಂದೀಪ್ ರೆಡ್ಡಿ ವಂಗ ಯಾವಾಗಲೂ ಕುರ್ತಾ ಧರಿಸೋದು ಏಕೆ? ಆ ಘಟನೆಯೇ ಕಾರಣ
ಸಂದೀಪ್ ರೆಡ್ಡಿ ಅವರು ಆಲ್ಫಾ ಮೇಲ್ ಸಿನಿಮಾಗಳನ್ನು ತೆಗೆಯುತ್ತಾರೆ. ಅವರ ಸಿನಿಮಾಗಳಲ್ಲಿ ಮಹಿಳೆಯರನ್ನು ಕೀಳಾಗಿ ತೋರಿಸಲಾಗಿಲ್ಲ ಎಂಬ ಆರೋಪವಿದೆ. ಆದರೆ, ಈ ವಿಚಾರದಲ್ಲಿ ಸಂದೀಪ್ ಅವರಿಗೆ ಯಾವುದೇ ಬೇಸರವಿಲ್ಲ. ಅವರು ತಮ್ಮ ಸಿನಿಮಾಗಳನ್ನು ಸಮರ್ಥಿಸಿಕೊಂಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
