10 ವರ್ಷದ ಹಳೆ ಫ್ರಿಡ್ಜ್‌ಗೆ ಹೊಸ ಲುಕ್ ಕೊಡಲು ಅನುಸರಿಸಿ 7 ಸೂಪರ್ ಟಿಪ್ಸ್

<p><strong>How to Make Old Refrigerator Look New:</strong> ಹಳೆಯದಾದ ರೆಫ್ರಿಜರೇಟರ್‌ ಅನ್ನು ಹೊಸದಾಗಿ ಕಾಣುವಂತೆ ಮಾಡಲು ಮತ್ತು ಅದರ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು 7 ಸರಳ ವಿಧಾನಗಳನ್ನು ಈ ಲೇಖನ ಒಳಗೊಂಡಿದೆ. ವೃತ್ತಿಪರ ತಂತ್ರಜ್ಞರು ನೀಡಿರುವ ಈ ಸಲಹೆಗಳು ಇಲ್ಲಿವೆ</p><img><p>ಬೇಸಿಗೆ, ಚಳಿ, ಮಳೆಗಾಲವಿರಲಿ ಮನೆಯಲ್ಲಿ ರೆಫ್ರಿಜರೇಟರ್‌ ಬಳಕೆಯಾಗುತ್ತದೆ. ನಿಮ್ಮ ಮನೆಯ ಫ್ರಿಡ್ಜ್ 10 ವರ್ಷಗಳಷ್ಟು ಹಳೆಯದಾಗಿದ್ದರೆ ಕೆಲವು ವಿಧಾನಗಳ ಮೂಲಕ ಹೊಸದಾಗಿ ಮಾಡಬಹುದಾಗಿದೆ. ವೃತ್ತಿಪರ ತಂತ್ರಜ್ಞರು ನೀಡಿದ ಕೆಲವು ಸೂಪರ್ ಸಲಹೆಗಳು ಇಲ್ಲಿವೆ.</p><img><p>ಈ ಸುಲಭ ಮತ್ತು ಸರಳ ವಿಧಾನಗಳಿಂದ ನಿಮ್ಮ ಹಳೆಯ ರೆಫ್ರಿಜರೇಟರ್ ಅನ್ನು ಹೊಸದಾಗಿ ಕಾಣುವಂತೆ ಮಾಡಬಹುದು ಮತ್ತು ಅದರ ಕಾರ್ಯಕ್ಷಮತೆಯನ್ನು ಹೆಚ್ಚಿಸಬಹುದು. ವೃತ್ತಿಪರ ತಂತ್ರಜ್ಞರು ನೀಡಿರುವ ಸಲಹೆಗಳು ಏನು ಅಂತ ನೋಡೋಣ ಬನ್ನಿ.</p><img><p><strong>ಸಲಹೆ 1: ವಾರ್ಷಿಕ ನಿರ್ವಹಣೆ</strong></p><p>ರೆಫ್ರಿಜರೇಟರ್‌ನ್ನು ನಿಯಮಿತವಾಗಿ ಸರ್ವಿಸಿಂಗ್ ಮಾಡಿಸುತ್ತಿರಬೇಕು. ರಿಪೇರಿ ಇಲ್ಲದಿದ್ದರೂ ನಿರ್ದಿಷ್ಟ ಸಮಯಕ್ಕೆ ತಂತ್ರಜ್ಞರಿಂದ ತಪಾಸಣೆಗೆ ಒಳಪಡಿಸಬೇಕು. ಹೀಗೆ ಮಾಡೋದರಿಂದ ಫ್ರಿಡ್ಕ್ ಹಲವು ವರ್ಷ ಬಾಳಿಕೆ ಬರುತ್ತದೆ.</p><img><p><strong>ಸಲಹೆ 2: ರಬ್ಬರ್ ಗ್ಯಾಸ್ಕೆಟ್</strong></p><p>ರೆಫ್ರಿಜರೇಟರ್‌ ಬಾಗಿಲನ್ನು ಸರಿಯಾಗಿ ಮುಚ್ಚಬೇಕು. ಇಲ್ಲದಿದ್ರೆ ತಂಪಾಗಿಸುವಿಕೆ ಮೇಲೆ ಪರಿಣಾಮ ಬೀರುತ್ತದೆ. ಬಾಗಿಲು ಸರಿಯಾಗಿ ಮುಚ್ಚಿಕೊಳ್ಳದಿದ್ದರೆ ರಬ್ಬರ್ ಗ್ಯಾಸ್ಕೆಟ್ ತೆಗೆದು ಬಿಸಿನೀರಿನಿಂದ ತೊಳೆದು ಪುನಃ ಅಳವಡಿಸಿ.</p><img><p><strong>ಸಲಹೆ 3: ಧೂಳಿನಿಂದ ಮುಕ್ತಿ</strong></p><p>ರೆಫ್ರಿಜರೇಟರ್‌ನ ಹಿಂದಿರುವ ಸುರುಳಿಗಳಲ್ಲಿ ಧೂಳು ಸಂಗ್ರಹವವಾದ್ರೆ ತಂಪಾಗಿಸುವ ಸಾಮರ್ಥ್ಯ ಕಡಿಮೆಯಾಗುತ್ತದೆ. ಪ್ರತಿ 6 ತಿಂಗಳಿಗೊಮ್ಮೆ ಬ್ರಷ್ ಅಥವಾ ವ್ಯಾಕ್ಯೂಮ್ ಕ್ಲೀನರ್‌ನಿಂದ ಸುರುಳಿಗಳನ್ನು ಸ್ವಚ್ಛಗೊಳಿಸಬೇಕು.</p><img><p><strong>ಸಲಹೆ 4: ಒಳಭಾಗದ ಸ್ವಚ್ಛತೆ</strong></p><p>ಹೊರ ಭಾಗದಂತೆ ಫ್ರಿಡ್ಜ್ ಒಳಭಾಗವನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವ ಅಭ್ಯಾಸವನ್ನು ರೂಢಿಸಿಕೊಳ್ಳಬೇಕು. ಇದರಿಂದ ಒಳಭಾಗದ ಕೆಟ್ಟ ವಾಸನೆ ಹೋಗುತ್ತದೆ ಮತ್ತು ಗ್ಲಾಸ್‌ಗಳು ಹೊಳೆಯುತ್ತದೆ. ಅಡುಗೆ ಸೋಡಾದ ದ್ರಾವಣ ಬಳಸಿ ಒಳಭಾಗವನ್ನು ಕ್ಲೀನ್ ಮಾಡಿ.</p><img><p><strong>ಸಲಹೆ 5: ಪಾಲಿಶಿಂಗ್ ಕ್ರೀಮ್‌</strong></p><p>ಫ್ರಿಡ್ಜ್ ಮೇಲ್ಭಾಗದಲ್ಲಿ ಗೀರುಗಳು ಬಂದಿದ್ರೆ, ಅಲ್ಲಲ್ಲಿ ಬಣ್ಣ ಮಾಸಿದ್ದರೆ ಕಾರ್ ವ್ಯಾಕ್ಸ್ ಅಥವಾ ಪಾಲಿಶಿಂಗ್ ಕ್ರೀಮ್‌ ಬಳಸಬಹುದು. ಈ ಮೂಲಕ ನಿಮ್ಮ ಫ್ರಿಡ್ಜ್ ಸಂಪೂರ್ಣವಾಗಿ ಹೊಸದಂತೆ ಕಾಣಿಸುತ್ತದೆ. ಇಲ್ಲವಾದ್ರೆ ಬಣ್ಣ ಹೋಗಿರುವ ಜಾಗದ ಮೇಲೆ ಸ್ಟಿಕ್ಕರ್ ಅಂಟಿಸಿ.</p><img><p><strong>ಸಲಹೆ 6: ಎಲ್ಇಡಿ ದೀಪ</strong></p><p>ಹಳೆಯ ಫ್ರಿಡ್ಜ್ ಆಗಿದ್ರೆ ಒಳಭಾಗದ ದೀಪಗಳ ಪ್ರಖರತೆ ಕಡಿಮೆಯಾಗಿರುತ್ತದೆ. ಹಾಗಾಗಿ ಹೊಸ ಎಲ್‌ಇಡಿ ದೀಪ ಅಳವಡಿಸುವ ಮೂಲಕ ಫ್ರಿಡ್ಜ್ ಹೊಸದಾಗಿ ಕಾಣುವಂತೆ ಮಾಡಬಹುದಾಗಿದೆ.</p><img><p><strong>ಸಲಹೆ 7: ಡಿಫ್ರಾಸ್ಟ್</strong></p><p>ನಿಮ್ಮ ರೆಫ್ರಿಜರೇಟರ್‌ನಲ್ಲಿ ಹಸ್ತಚಾಲಿತ ಡಿಫ್ರಾಸ್ಟ್ ವ್ಯವಸ್ಥೆ ಇದ್ದರೆ, ವಾರಕ್ಕೊಮ್ಮೆಯಾದರೂ ಅದನ್ನು ಡಿಫ್ರಾಸ್ಟ್ ಮಾಡಿ.</p><img><p>ರೆಫ್ರಿಜರೇಟರ್ ಮೇಲೆ ಯಾವುದೇ ವಸ್ತುಗಳನ್ನು ಇರಿಸಬೇಡಿ. ಇದು ಫ್ರಿಡ್ಜ್ ಮೇಲೆ ಒತ್ತಡವವನ್ನು ಹೆಚ್ಚಳ ಮಾಡೋದರಿಂದ ಬೇಗ ಹಾಳಾಗುತ್ತದೆ. ಈ ಎಲ್ಲಾ ವಿಧಾನಗಳನ್ನು ಬಳಸುವ ಮೂಲಕ ಫ್ರಿಡ್ಜ್‌ ನ್ನು ಹೊಸದರಂತೆಯೇ ಇಟ್ಟುಕೊಳ್ಳಬಹುದು.</p>



Source link