<p>ತಾನಾ ವೇದಿಕೆಯಲ್ಲಿ ಸಮಂತಾ ಮಾತನಾಡುತ್ತಾ ಕಣ್ಣೀರು ಹಾಕಿದರು. ಅಲ್ಲಿನ ಅಭಿಮಾನಿಗಳನ್ನೂ ಭಾವುಕರನ್ನಾಗಿಸಿದರು.</p><img><p>ಅಮೆರಿಕದಲ್ಲಿ ನಡೆದ ತಾನಾ 2025 ಕಾರ್ಯಕ್ರಮದಲ್ಲಿ ನಟಿ ಸಮಂತಾ ಭಾಗವಹಿಸಿದ್ದರು. ವೇದಿಕೆಯಲ್ಲಿ ಮಾತನಾಡುತ್ತಾ ಕಣ್ಣೀರಿಟ್ಟರು. ಅಭಿಮಾನಿಗಳನ್ನು ಭಾವುಕರನ್ನಾಗಿಸಿದರು. ತಮ್ಮ ಮೇಲಿನ ಪ್ರೀತಿಗೆ ಅಮೆರಿಕದಲ್ಲಿರುವ ತೆಲುಗು ಜನರಿಗೆ ಧನ್ಯವಾದ ತಿಳಿಸಿದರು.</p><img><p>‘ಇಲ್ಲಿ ನಿಂತು ಧನ್ಯವಾದ ಹೇಳೋಕೆ 15 ವರ್ಷ ಬೇಕಾಯ್ತು’ ಎಂದ ಸಮಂತಾ, ತಮ್ಮ ಮೊದಲ ಸಿನಿಮಾ ‘ಯೇ ಮಾಯ ಚೇಸಾವೆ’ಯಿಂದಲೂ ತೆಲುಗು ಪ್ರೇಕ್ಷಕರು ಪ್ರೀತಿ ತೋರಿಸಿದ್ದಾರೆ ಎಂದರು. ‘ನೀವು ನನ್ನನ್ನು ಮನೆಯ ಹುಡುಗಿಯಂತೆ ನೋಡಿಕೊಂಡಿದ್ದೀರಿ’ ಎಂದು ಭಾವುಕರಾದರು.</p><img><p>ನಿರ್ಮಾಪಕಿಯಾಗಿ ‘ಶುಭಂ’ ಚಿತ್ರ ನಿರ್ಮಿಸಿರುವ ಸಮಂತಾ, ಅಮೆರಿಕದಲ್ಲಿ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದರು. ‘ನನ್ನ ವೃತ್ತಿಜೀವನದ ಪ್ರತಿ ಹೆಜ್ಜೆಯಲ್ಲೂ ತೆಲುಗು ಪ್ರೇಕ್ಷಕರನ್ನು ಮೊದಲು ನೆನಪಿಸಿಕೊಳ್ಳುತ್ತೇನೆ’ ಎಂದರು.</p><img><p>’ಓ ಬೇಬಿ’ ಚಿತ್ರ ಅಮೆರಿಕದಲ್ಲಿ ಮಿಲಿಯನ್ ಡಾಲರ್ ಸಂಗ್ರಹಿಸಿರುವುದು ಅಚ್ಚರಿ ಮೂಡಿಸಿದೆ ಎಂದ ಸಮಂತಾ, ‘ನೀವು ಎಷ್ಟೇ ದೂರದಲ್ಲಿದ್ದರೂ ನನ್ನ ಹೃದಯಕ್ಕೆ ಹತ್ತಿರವಾಗಿದ್ದೀರಿ’ ಎಂದು ಭಾವುಕರಾದರು.</p><img><p>ಈ ಮಾತನ್ನು ಹೇಳುತ್ತಲೇ ನಟಿ ಸಮಂತಾ ವೇದಿಕೆಯಲ್ಲೇ ಕಣ್ಣೀರಿಟ್ಟರು. ಅಮೆರಿಕದ ತೆಲುಗರಿಂದ ಸಿಗುತ್ತಿರುವ ಪ್ರೀತಿಗೆ ಧನ್ಯವಾದ ತಿಳಿಸಿದರು. ಕಾರ್ಯಕ್ರಮ ನಿರೂಪಕಿ ಸುಮಾ ಅವರು ತಮ್ಮ ಸೀರೆ ಸೆರಗಿನಿಂದಲೇ ಸಮಂತಾಳ ಕಣ್ಣೀರು ಒರೆಸಿದರು. ಈ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.</p>
Source link
ತನಾ ವೇದಿಕೆಯಲ್ಲಿ ಕಣ್ಣೀರಿಟ್ಟ ಸಮಂತಾ; ಸೀರೆಯಲ್ಲಿ ಕಣ್ಣೀರೊರೆಸಿದ ನಿರೂಪಕಿ!
