ಬಿಹಾರದ ಮಾಜಿ ಮುಖ್ಯಮಂತ್ರಿ ಲಾಲೂ ಪ್ರಸಾದ್ ಯಾದವ್ ಕುಟುಂಬದ ಜಗಳ (ಲಾಲು ಪ್ರಸಾದ್ ಯಾದವ್ ಕುಟುಂಬ) ಮತ್ತಷ್ಟು ಬಟಾಬಯಲಾಗಿದೆ. ಲಾಲೂ ಅವರ ಏಳು ಪುತ್ರಿಯರಲ್ಲಿ ಒಬ್ಬರಾದ ರೋಹಿಣಿ ಆಚಾರ್ಯ (ರೋಹಿಣಿ ಆಚಾರ್ಯ) ಅವರು ತಮ್ಮ ತಂದೆಯ ಮನೆಯಿಂದ ಹೊರಬಿದ್ದಿದ್ದಾರೆ. ಆರ್ಜೆಡಿ ಪಕ್ಷ ಹಾಗೂ ತವರಿನ ಸಂಬಂಧವನ್ನು ಕಡಿದುಕೊಂಡ ಅವರು ಹೇಳಿದ್ದಾರೆ. ತಮ್ಮ ಈ ನಿರ್ಧಾರಕ್ಕೆ ಅವರು ಸಹೋದರ ತೇಜಸ್ವಿ ಯಾದವ್ ಅವರಿಗೆ ದೂರಿದ್ದಾರೆ. ಜೊತೆಗೆ, ಸಂಜಯ್ ಯಾದವ್ ಮತ್ತು ರಮೀಜ್ ಖಾನ್ (ರಮೀಜ್ ನೆಮತ್ ಖಾನ್) ಎಂಬಿಬ್ಬರ ಹೆಸರನ್ನೂ ಪ್ರಸ್ತಾಪಿಸಿದ್ದಾರೆ. ರೋಹಿಣಿ ಅವರು ಮನೆಯಿಂದ ಹೊರ ಹೋಗಲು ಕಾರಣರಾದರೆನ್ನಲಾದ ರಮೀಜ್ ಯಾರು?
ರಮೀಜ್ ಖಾನ್ ಯಾರು?
ರಮೀಜ್ ನೇಮತ್ ಖಾನ್ ಅವರು ತೇಜಸ್ವಿ ಯಾದವ್ ಅವರ ಆಪ್ತ ಸ್ನೇಹಿತ. ತೇಜಸ್ವಿ ಅವರ ಪರಮಾಪ್ತ ವಲಯದಲ್ಲಿರುವ ವ್ಯಕ್ತಿ. ಕ್ರಿಕೆಟ್ ಮೈದಾನದಿಂದ ಶುರುವಾದ ಅವರ ಗೆಳತಿ ಈಗ ರಾಜಕೀಯ ಪಡಸಾಲೆಯವರೆಗೂ ಛಾಪು ಮೂಡಿಸಿದೆ. ತೇಜಸ್ವಿ ಯಾದವ್ ಹಾಗೂ ಆರ್ಜೆಡಿ ಪಕ್ಷದ ಸೋಶಿಯಲ್ ಮೀಡಿಯಾ ಪ್ರಚಾರ ಹಾಗೂ ತಂಡಗಳ ಉಸ್ತುವಾರಿಯನ್ನು 39 ವರ್ಷದ ರಮೀಜ್ ನಿಭಾಯಿಸುತ್ತಾರೆ. ರಮೀಜ್ ತಂದೆ ನೇಮತುಲ್ಲಾ ಖಾನ್ ಅವರು ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ವಿವಿಯಲ್ಲಿ ಪ್ರೊಫೆಸರ್ ಆಗಿದ್ದಾರೆ.
ಇದನ್ನೂ ಓದಿ: ಬಿಹಾರದಲ್ಲಿ ಸಿಎಂ ಗಾದಿಗೆ ಟಿಕೆಟ್ ವಿತರಣೆ ಸೂತ್ರ? ಜೆಡಿಯುಗೆ ಸಿಎಂ; ಬಿಜೆಪಿ, ಎಲ್ಜೆಪಿಗೆ ಡಿಸಿಎಂ ಸ್ಥಾನ?
ಮಾಜಿ ಸಂಸದನ ಅಳಿಯ ರಮೀಜ್ ವಿರುದ್ಧ ಹಲವು ಪ್ರಕರಣಗಳು
ಉತ್ತರಪ್ರದೇಶದಲ್ಲಿ ಎರಡು ಬಾರಿ ಸಂಸದರಾಗಿದ್ದಾರೆ ಮತ್ತು ಈಗ ಮಾಜಿ ಸಂಸದರಾದ ರಿಜ್ವಾನ್ ಜಹೀರ್ ಅವರ ಮಗಳಾದ ಝೀಬಾ ರಿಜ್ವಾನ್ ಅವರನ್ನು ರಮೀಜ್ ನೇಮತ್ ಖಾನ್ ವಿವಾಹವಾಗಿದ್ದಾರೆ. ಝೀಬಾ ಕೂಡ ರಾಜಕೀಯದಲ್ಲಿದ್ದಾರೆ. ರಮೀಜ್ ನೇಮತ್ ಖಾನ್ ವಿರುದ್ಧ ಹಲ್ಲೆ ಪ್ರಕರಣ ನಡೆದಿದೆ. ಅಷ್ಟೇ ಅಲ್ಲ, ಇವರ ಪತ್ನಿ ಝೀಬಾ ಮತ್ತು ಮಾವ ರಿಜ್ವಾನ್, ಈ ಮೂವರ ವಿರುದ್ಧ ತುಳಸಿಪುರ್ ನಗರ ಪಂಚಾಯತ್ ಮಾಜಿ ಅಧ್ಯಕ್ಷ ಫಿರೋಜ್ ಪಪ್ಪು ಹತ್ಯೆ ಪ್ರಕರಣದಲ್ಲಿ ಆರೋಪವಿದೆ. ರಮೀಜ್ ಖಾನ್ ವಿರುದ್ಧ 9ಕ್ಕೂ ಹೆಚ್ಚು ಪ್ರಕರಣಗಳಿವೆ. ಕೊಲೆ, ಹಲ್ಲೆ, ಕೊಲೆಯತ್ನ ಪ್ರಕರಣಗಳಲ್ಲಿ ಅವರು ಆರೋಪಿಯಾಗಿದ್ದಾರೆ. ಆದರೆ, ರೋಹಿಣಿ ಆಚಾರ್ಯ ಅವರು ಮನೆ ಬಿಟ್ಟುಹೋಗಲು ರಮೀಜ್ ಖಾನ್ ಹೇಗೆ ಕಾರಣರಾದರು ಎಂಬ ಮಾಹಿತಿ ಬೆಳಕಿಗೆ ಬಂದಿಲ್ಲ.
ಲಾಲೂ ಕುಟುಂಬದಲ್ಲಿ ಯಾರ ವಿರುದ್ಧ?
ಲಾಲೂ ಪ್ರಸಾದ್ ಯಾದವ್ ಅವರದ್ದು ತುಂಬಿದ ಕುಟುಂಬ. ಇಬ್ಬರು ಗಂಡು ಮಕ್ಕಳು ಮತ್ತು ಏಳು ಹೆಣ್ಮಕ್ಕಳು. ಮೀಸಾ ಭಾರತಿ, ರೋಹಿಣಿ ಆಚಾರ್ಯ, ಚಂದಾ ಸಿಂಗ್, ರಾಗಿಣಿ ಯಾದವ್, ಹೇಮಾ ಯಾದವ್, ಅನುಷ್ಕಾ ರಾವ್, ತೇಜ್ ಪ್ರತಾಪ್ ಯಾದವ್, ರಾಜಲಕ್ಷ್ಮೀ ಸಿಂಗ್ ಯಾದವ್ ಮತ್ತು ತೇಜಸ್ವಿ ಯಾದವ್ ಅವರು ಲಾಲೂ ಅವರ ಮಕ್ಕಳು. ಈ ಮೇಲಕ್ಕೆ ತೇಜ್ ಪ್ರತಾಪ್ ಯಾದವ್ 7ನೆಯವರಾದರೆ, ತೇಜಸ್ವಿ ಯಾದವ್ ಕಿರಿಯ ಪುತ್ರ.
ಇದನ್ನೂ ಓದಿ: ಕೊಳಕು ಮೂತ್ರಪಿಂಡಕ್ಕೆ ಬದಲಾಗಿ ಚುನಾವಣಾ ಟಿಕೆಟ್, ಆರೋಪಗಳ ಬಗ್ಗೆ ರೋಹಿಣಿ ಆಚಾರ್ಯ ಬೇಸರ
ಪಾಟ್ನಾದಲ್ಲಿರುವ ಕುಟುಂಬದ ಮನೆಯಿಂದ ರೋಹಿಣಿ ಆಚಾರ್ಯ ಅವರು ಹೊರಬಿದ್ದ ಬೆನ್ನಲ್ಲೇ ರಾಜಲಕ್ಷ್ಮೀ, ರಾಗಿಣಿ ಮತ್ತು ಚಾಂದ ಅವರು ಕೂಡ ಹೊರನಡೆದಿದ್ದಾರೆ. ಇವರಿಂದ ಯಾವುದೇ ಹೇಳಿಕೆ ಬಂದಿಲ್ಲ. ಈ ಹಿಂದೆ ಪಕ್ಷ ಹಾಗೂ ಕುಟುಂಬದಿಂದ ಉಚ್ಛಾಟಿತರಾಗಿದ್ದ ತೇಜ್ ಪ್ರತಾಪ್ ಯಾದವ್ ಅವರು ಹೇಳಿದ್ದಾರೆ. ತನಗೂ ಕೂಡ ಅನ್ಯಾಯವಾಗಿದೆ. ಆದರೆ, ಅಕ್ಕಳಾದ ರೋಹಿಣಿ ವಿಚಾರ ಕೇಳಿ ತುಂಬಾ ಬೇಸರವಾಯಿತು ಎಂದು ಅವರು ಹೇಳಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
