ಚಂಡಿಗಡ್, ನವೆಂಬರ್ 23: ಚಂಡೀಗಡವನ್ನು ಸಂವಿಧಾನದ 240ನೇ ಪರಿಚ್ಛೇದಕ್ಕೆ (ಸಂವಿಧಾನದ ಪರಿಚ್ಛೇದ 240) ತರಲು ಪ್ರಯತ್ನಿಸುವ ಪ್ರಯತ್ನಕ್ಕೆ ಕೇಂದ್ರ ಕೈಹಾಕಿದೆ. ಅದಕ್ಕಾಗಿ 131ನೇ ತಿದ್ದುಪಡಿ ಮಸೂದೆಯನ್ನು (131ನೇ ತಿದ್ದುಪಡಿ ಮಸೂದೆ) ಸಂಸತ್ತಿನಲ್ಲಿ ಪ್ರಸ್ತುತಪಡಿಸಲಾಗಿದೆ. ಕೇಂದ್ರದ ಈ ನಡೆಗೆ ಪಂಜಾಬ್ ರಾಜಕೀಯ ಪಕ್ಷಗಳು ತೀವ್ರವಾಗಿ ವಿರೋಧ ವ್ಯಕ್ತಪಡಿಸಿವೆ. ಚಂಡೀಗಡವನ್ನು ಪಂಜಾಬ್ ನಿಂದ ಸಂಪೂರ್ಣವಾಗಿ ಕಿತ್ತುಕೊಳ್ಳುವ ಪ್ರಯತ್ನ ಎಂದು ಪಂಜಾಬ್ನ ಎಪಿ, ಅಕಾಲಿ ದಳ ಹಾಗೂ ಕಾಂಗ್ರೆಸ್ ಪಕ್ಷಗಳು ಆಕ್ರೋಶ ವ್ಯಕ್ತಪಡಿಸಿವೆ. ಬಿಜೆಪಿ ಪಕ್ಷದ ನಾಯಕರು ಈ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.
ಏನಿದು ಆರ್ಟಿಕಲ್ 240?
ಸಂವಿಧಾನದಲ್ಲಿ ಆರ್ಟಿಕಲ್ 240 ಅಡಿಯಲ್ಲಿ ಕೇಂದ್ರಾಡಳಿತ ಪ್ರದೇಶಗಳ ಆಡಳಿತ ವ್ಯವಹಾರ ನೇರವಾಗಿ ರಾಷ್ಟ್ರಪತಿಗಳ ನಿಯಂತ್ರಣದಲ್ಲಿರುತ್ತದೆ. ಇಲ್ಲಿ ರಾಷ್ಟ್ರಪತಿಗಳು ನೇರವಾಗಿ ಕಾನೂನುಗಳನ್ನು ರೂಪಿಸಿ ಜಾರಿಗೊಳಿಸಬಹುದು.
ಕೇಂದ್ರಾಡಳಿತ ಪ್ರದೇಶಗಳಾದ ಅಂಡಮಾನ್ ನಿಕೋಬಾರ್, ಲಕ್ಷದ್ವೀಪ್, ಪುದುಚೇರಿ, ದಾದ್ರ ಮತ್ತು ನಾಗರ್ ಹವೇಲಿ, ದಮನ್ ಮತ್ತು ದಿಯು ಇವು ಆರ್ಟಿಕಲ್ 240 ಅಡಿಗೆ ಬರುತ್ತವೆ. ಆದರೆ, ಚಂಡೀಗಡವು ಕೇಂದ್ರಾಡಳಿತ ಪ್ರದೇಶವಾದರೂ ಆರ್ಟಿಕಲ್ 240 ಅಡಿಗೆ ಬರುವುದಿಲ್ಲ.
ಇದನ್ನೂ ಓದಿ: ಉತ್ತರಾಖಂಡ ಶಾಲೆಯ ಬಳಿ ಭಾರೀ ಸ್ಫೋಟಕಗಳ ಪತ್ತೆ; ಹೆಚ್ಚಿದ ಉಗ್ರತಂಕ
ಆರ್ಟಿಕಲ್ 240ಗೆ ಚಂಡೀಗಡವನ್ನು ಒಳಪಡಿಸಲು ಪಂಜಾಬ್ನಿಂದ ಯಾಕೆ ವಿರೋಧ?
ಹರಿಯಾಣ ರಾಜ್ಯವು 1966ರಲ್ಲಿ ಪಂಜಾಬ್ ನಿಂದ ಪ್ರತ್ಯೇಕಗೊಂಡಿತು. ಈ ವೇಳೆ ಎರಡೂ ರಾಜ್ಯಗಳು ಚಂಡೀಗಡವೇ ರಾಜಧಾನಿಯಾಗಬೇಕೆಂದು ಪಟ್ಟು ಹಿಡಿದವು. ನಂತರ, ಇದು ಜಂಟಿ ರಾಜಧಾನಿಯಾಯಿತು. ಸದ್ಯ, ಪಂಜಾಬ್ ನ ರಾಜ್ಯಪಾಲರೇ ಚಂಡೀಗಡದ ಆಡಳಿತ ನಿರ್ವಹಣೆ ಮಾಡುತ್ತಿದ್ದಾರೆ. ಈಗ ಕೇಂದ್ರವು ಚಂಡೀಗಡವನ್ನು ಆರ್ಟಿಕಲ್ 240 ಗೆ ಒಳಪಡಿಸಿದರೆ ಅದು ಪಂಜಾಬ್ನ ನಿಯಂತ್ರಣದಿಂದ ಪೂರ್ಣ ಕೈತಪ್ಪಿ ಹೋಗಬಹುದು. ಹೀಗಾಗಿ, ಪಂಜಾಬ್ ರಾಜಕೀಯ ನಾಯಕರು ವಿರೋಧಿಸುತ್ತಿದ್ದಾರೆ.
ಚಂಡೀಗಡವು ಪಂಜಾಬ್ನ ಅವಿಭಾಜ್ಯ ಅಂಗವಾಗಿ ಪಂಜಾಬ್ ಮೊದಲಿನಿಂದಲೂ ಒತ್ತಿ ಹೇಳುತ್ತಾ ಬಂದಿದೆ. ಪಂಜಾಬ್ನ ಆಡಳಿತಾರೂಢ ಎಪಿ ಸರ್ಕಾರದ ಮುಖ್ಯಮಂತ್ರಿ ಭಗವಂತ್ ಸಿಂಗ್ ಮಾನ್ ಅವರು ಕೇಂದ್ರ ಸರ್ಕಾರದ ನಡೆಯನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ. ಪಂಜಾಬ್ನಿಂದ ಚಂಡೀಗಡವನ್ನು ಕಿತ್ತುಕೊಳ್ಳಲು ತಾವು ಬಿಡುವುದಿಲ್ಲ.
ಇದನ್ನೂ ಓದಿ: ಉಗ್ರರು ನೆತ್ತರು ಹರಿಸಿದ್ದ ಪಹಲ್ಗಾಮ್ ಕಣಿವೆಯಲ್ಲಿ ಮೊಳಗಿದ ಕನ್ನಡ ಡಿಂಡಿಮ
ವಿರೋಧ ಪಕ್ಷವಾದ ಶಿರೋಮಣಿ ಅಕಾಲಿ ದಳ, ಕಾಂಗ್ರೆಸ್ ಪಕ್ಷಗಳೂ ಕೂಡ ಆಕ್ರೋಶ ವ್ಯಕ್ತಪಡಿಸಿವೆ. ಮಾಜಿ ಅಮರೀಂದರ್ ಸಿಂಗ್ ಅವರೂ ಕೇಂದ್ರದ ನಡೆಯನ್ನು ವಿರೋಧಿಸಿದ್ದಾರೆ ಸಿಎಂ.
ಇನ್ನೊಂದೆಡೆ, ಬಿಜೆಪಿ ನಾಯಕರು ಕೇಂದ್ರದ ನಡೆಯನ್ನು ಸ್ವಾಗತಿಸಿದ್ದಾರೆ. ಚಂಡೀಗಡವನ್ನು ಆರ್ಟಿಕಲ್ 240 ಅಡಿಗೆ ತಂದಲ್ಲಿ, ಅಭಿವೃದ್ಧಿ ಕಾರ್ಯ ಸುಲಭವಾಗುತ್ತದೆ. ಆಡಳಿತದ ಹಿತದೃಷ್ಟಿಯಿಂದಷ್ಟೇ ಕೇಂದ್ರ ಸರ್ಕಾರ ಈ ನಡೆ ತಂದಿದೆ ಎಂದು ಬಿಜೆಪಿ ವಾದಿಸಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
