15
Image Credit : RCB\Instagram
ಟಿಮ್ ಡೇವಿಡ್ ವಿಸ್ಪೋಟಕ ಬ್ಯಾಟಿಂಗ್
ಟಿಮ್ ಡೇವಿಡ್ ಅಂದರೆ ಸ್ಫೋಟಕ ಬ್ಯಾಟಿಂಗ್ಗೆ ಹೆಸರುವಾಸಿ. ಅಬುಧಾಬಿ ಟಿ10 ಲೀಗ್ನಲ್ಲಿ ಈ ಆಸ್ಟ್ರೇಲಿಯಾದ ಬ್ಯಾಟರ್ ಅಬ್ಬರಿಸಿದ್ದಾರೆ. ಎದುರಾಳಿ ಬೌಲರ್ಗಳ ಮೇಲೆ ಮುಗಿಬಿದ್ದರು. ಫೈನಲ್ನಲ್ಲಿ ಯುಎಇ ಬುಲ್ಸ್ ಪರ ಆಡಿದ ಟಿಮ್ ಡೇವಿಡ್ ಕೇವಲ 30 ಎಸೆತಗಳಲ್ಲಿ ಅಜೇಯ 98 ರನ್ ಗಳಿಸಿದರು.
25
Image Credit : RCB\Instagram
ಮತ್ತೊಂದು ಟ್ರೋಫಿ ಗೆದ್ದ ಆರ್ಸಿಬಿ ಆಟಗಾರರು
ಟಿಮ್ ಡೇವಿಡ್ ಅವರ ಬಿರುಸಿನ ಬ್ಯಾಟಿಂಗ್ನಿಂದ ಯುಎಇ ಬುಲ್ಸ್ ತಂಡ 10 ಓವರ್ಗಳಲ್ಲಿ 150 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಆಸ್ಪಿನ್ ಸ್ಟಾಲಿಯನ್ಸ್ ತಂಡ ಕೇವಲ 70 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಯುಎಇ ಬುಲ್ಸ್ ಟಿ10 ಲೀಗ್ ಟ್ರೋಫಿ ಗೆದ್ದುಕೊಂಡಿತು. ಈ ತಂಡದಲ್ಲಿ ಆರ್ಸಿಬಿಯ ಮೂವರು ಪ್ರಮುಖ ಆಟಗಾರರಿದ್ದರು.
35
Image Credit : RCB\Instagram
ಟಿಮ್ ಡೇವಿಡ್ ವಿಸ್ಪೋಟಕ ಬ್ಯಾಟಿಂಗ್
ಯುಎಇ ಬುಲ್ಸ್ ತಂಡಕ್ಕೆ ಕಳಪೆ ಆರಂಭ ಸಿಕ್ಕಿತ್ತು. ಜೇಮ್ಸ್ ವಿನ್ಸ್ ಕೇವಲ ಎರಡು ಎಸೆತಗಳ ನಂತರ ರಿಟೈರ್ಡ್ ಹರ್ಟ್ ಆದರು. ಆರ್ಸಿಬಿ ಆರಂಭಿಕ ಬ್ಯಾಟರ್ ಆಗಿರುವ ಫಿಲ್ ಸಾಲ್ಟ್ 8 ಎಸೆತಗಳಲ್ಲಿ 18 ರನ್ ಗಳಿಸಿ ಔಟಾದರು. ನಂತರ ಬಂದ ಟಿಮ್ ಡೇವಿಡ್ ಅಬ್ಬರಿಸಿದರು. ಮೊದಲ 13 ಎಸೆತಗಳ ನಂತರ ಗೇರ್ ಬದಲಾಯಿಸಿ, ಜೋಹರ್ ಇಕ್ಬಾಲ್ ಓವರ್ನಲ್ಲಿ ಸತತ ನಾಲ್ಕು ಸಿಕ್ಸರ್ ಬಾರಿಸಿದರು.
45
Image Credit : RCB\Instagram
ಕೊನೆಯ ಓವರ್ನಲ್ಲಿ 32 ರನ್ ಚಚ್ಚಿದ ಟಿಮ್ ಡೇವಿಡ್
ಕೊನೆಯ ಓವರ್ನಲ್ಲಿ ಟಿಮ್ ಡೇವಿಡ್ ತಮ್ಮ ಮ್ಯಾಜಿಕ್ ತೋರಿಸಿದರು. ಅಶ್ಮೀದ್ ನೆಡ್ ಅವರ ಓವರ್ನಲ್ಲಿ 32 ರನ್ ಕಲೆಹಾಕಿದರು. ಇದರಲ್ಲಿ ಐದು ಸಿಕ್ಸರ್ಗಳಿದ್ದವು. ಮೊದಲ ಎಸೆತಕ್ಕೆ ಸಿಕ್ಸರ್, ಎರಡನೇ ಎಸೆತಕ್ಕೆ ಎರಡು ರನ್, ನಂತರದ ನಾಲ್ಕು ಎಸೆತಗಳಲ್ಲಿ ನಾಲ್ಕು ಸಿಕ್ಸರ್ಗಳನ್ನು ಬಾರಿಸಿದರು.
55
Image Credit : RCB\Instagram
10 ಓವರ್ನಲ್ಲಿ ಕೇವಲ 70 ರನ್ ಬಾರಿಸಿದ ಸ್ಟಾಲಿಯನ್ಸ್
ಟಿಮ್ ಡೇವಿಡ್ ಅವರ ಇನ್ನಿಂಗ್ಸ್ನ ಹತ್ತಿರಕ್ಕೂ ಆಸ್ಪಿನ್ ಸ್ಟಾಲಿಯನ್ಸ್ ತಂಡ ಬರಲು ಸಾಧ್ಯವಾಗಲಿಲ್ಲ. ಸ್ಟಾಲಿಯನ್ಸ್ 10 ಓವರ್ಗಳಲ್ಲಿ ಕೇವಲ 70 ರನ್ ಗಳಿಸಲಷ್ಟೇ ಶಕ್ತವಾಯಿತು. ಸುನಿಲ್ ನರೈನ್ ಎರಡು ಓವರ್ಗಳಲ್ಲಿ ಕೇವಲ 10 ರನ್ ನೀಡಿದರು. ಫಜಲ್ಹಕ್ ಫಾರೂಕಿ ಒಂದು ಓವರ್ನಲ್ಲಿ ಕೇವಲ ಎರಡು ರನ್ ನೀಡಿದರು.
ಆರ್ಸಿಬಿ ತಂಡದ ಟಿಮ್ ಡೇವಿಡ್, ಫಿಲ್ ಸಾಲ್ಟ್ ಹಾಗೂ ರೊಮ್ಯಾರಿಯೊ ಶೆಫರ್ಡ್ ಚಾಂಪಿಯನ್ ತಂಡದ ಭಾಗವಾಗಿ ಕಪ್ ಗೆದ್ದಿದ್ದು ವಿಶೇಷ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
