ಬೆಂಗಳೂರು, ಡಿ.2: ಬೆಂಗಳೂರು ಮಹಾನಗರದಲ್ಲಿ (ನಮ್ಮ ಮೆಟ್ರೋ) ಹೊಸ ಯೋಜನೆಯೊಂದು ಬರಲಿದೆ. ನಮ್ಮ ಮೆಟ್ರೋ ಮೊದಲ ಬಾರಿಗೆ ಪ್ಲಾಟ್ಫಾರ್ಮ್ ತೆರೆಯುವ ಬಾಗಿಲುಗಳನ್ನು (ಪಿಎಸ್ಡಿ) ಪರಿಚಯಿಸಲು ಸಿದ್ಧತೆ ನಡೆಸಲಿದೆ, ಈ ಯೋಜನೆಯು ಮುಂಬರುವ ಪಿಂಕ್ಲೈನ್ನಲ್ಲಿ ನಿಲ್ದಾಣಗಳಿಂದ ಪ್ರಾರಂಭವಾಗಿದೆ. ಪೂರ್ಣ ಪ್ರಮಾಣದ ಮೂಲ ಮಾದರಿಯನ್ನು ನಿರ್ಮಿಸಲಾಗಿದೆ ಎಂದು ವರದಿಯೊಂದು ಹೇಳಿದೆ. 21.26 ಕಿ.ಮೀ. ಕಲೇನಾ ಅಗ್ರಹಾರ-ನಾಗವಾರ ಕಾರಿಡಾರ್ನಲ್ಲಿ ಸಿವಿಲ್ ಕಾಮಗಾರಿಗಳು ಪೂರ್ಣಗೊಳ್ಳುವ ಹಂತಕ್ಕೆ ಬಂದಿದೆ. ಬಿಎಂಆರ್ಸಿಎಲ್ ಪಿಎಸ್ಡಿಗಳು ಸೇರಿದಂತೆ ಪ್ರಮುಖ ವ್ಯವಸ್ಥೆಗಳ ಹಳಿಗಳ ಜೋಡಣೆ ಕಾರ್ಯವನ್ನು ಆರಂಭಿಸಿದೆ ಎಂದು ಡೆಕ್ಕನ್ ಹೆರಾಲ್ಡ್ ವರದಿ ಮಾಡಿದೆ.
ಈ ಬಾಗಿಲುಗಳು ಎಷ್ಟು ಉಪಯುಕ್ತವಾಗಿವೆ ಎಂದರೆ, ಮೆಟ್ರೋ ಅದರ ಗಮ್ಯಸ್ಥಾನದಲ್ಲಿ ಸರಿಯಾಗಿ ಬಂದು ನಿಂತಾಗ ಮಾತ್ರ ಈ ಬಾಗಿಲು ತೆರೆಯುತ್ತದೆ. ಜೊತೆಗೆ ಇದು ಜನ ಮೆಟ್ರೋ ಹತ್ತುವಾಗ ಆಸ್ಮಿಕವಾಗಿ ಬಾಗಿಲು ಬೀಳುವುದನ್ನು ಕೂಡ ತಡೆಯುತ್ತದೆ. ಇತ್ತೀಚಿನ ದಿನಗಳಲ್ಲಿ ಪವರ್ ಹಳಿಗಳ ಮೇಲೆ ಬಿದ್ದು ಆತ್ಮಹತ್ಯೆ ಮಾಡಿಕೊಳ್ಳುವ ಪ್ರಕರಣಗಳು ಹೆಚ್ಚಾಗಿವೆ. ಆದರೆ ಪಿಎಸ್ಡಿಗಳಿಂದ ಇಂಥಹ ಪ್ರಕರಣಗಳು ಕಡಿಮೆ ಆಗಲಿದೆ. ಇದರ ಜೊತೆಗೆ PSDಗಳು ಪ್ಲಾಟ್ಫಾರ್ಮ್ಗಳು ಸುರಂಗ ಮಾರ್ಗದಲ್ಲಿ ಉಂಟಾಗುವ ವಾಯು ವಿನಿಮಯವನ್ನು ಕಡಿಮೆ ಮಾಡುತ್ತದೆ. ದೆಹಲಿ, ಮುಂಬೈ ಮತ್ತು ಚೆನ್ನೈನಲ್ಲಿರುವ ಮೆಟ್ರೋಗಳಲ್ಲಿ, ಈ ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಆದರೆ ಬೆಂಗಳೂರಿನಲ್ಲಿರುವ 83 ನಿಲ್ದಾಣಗಳಲ್ಲಿ ಯಾವುದಕ್ಕೂ ಇದನ್ನು ಅಳವಡಿಸಿಲ್ಲ ಎಂದು ಹೇಳಲಾಗಿದೆ.
ಇದನ್ನೂ ಓದಿ: “ನಾನು ಶಿಮ್ಲಾದಲ್ಲಿ ಇಲ್ಲ, ಕೋರಮಂಗಲದಲ್ಲಿ ಇದ್ದೇನೆ”: ಮತ್ತೆ ವೈರಲ್ ಆಯಿತು ಬೆಂಗಳೂರಿನ ಹವಾಮಾನ
ಈ ಮಾದರಿಯಲ್ಲಿ ವಿದ್ಯುತ್ ಸ್ಥಾವರವನ್ನು ಹೊಂದಿರುವ ಎಂಜಿ ರಸ್ತೆಯ ಮೆಟ್ರೋ ನಿಲ್ದಾಣದಿಂದ ಈ ಪ್ರಾರಂಭದ ಸಾಧ್ಯತೆಗಳಿವೆ ಎಂದು ಒಬ್ಬ ಅಧಿಕಾರಿ ಹೇಳಿದ್ದಾರೆ. ಈ ಯೋಜನೆಗೆ ಅನುಮೋದನೆ ಸಿಕ್ಕ ನಂತರ ಆರು ತಿಂಗಳ ಅವಧಿಯಲ್ಲಿ ಪಿಂಕ್ ಲೈನ್ ಎಲ್ಲಾ 12 ಸುರಂಗ ಮಾರ್ಗಗಳಿಗೆ ಪಿಂಕ್ ಲೈನ್ ಅಳವಡಿಸಲಾಗಿದೆ ಎಂದು ಹಿರಿಯ ಬಿಎಂಆರ್ ಸಿಎಲ್ ಅಧಿಕಾರಿಯೊಬ್ಬರು. ಪ್ರತಿ ದ್ವಾರವು ಸುಮಾರು 2.15 ಮೀಟರ್ ಎತ್ತರವಿದ್ದು, ಪ್ಲಾಟ್ಫಾರ್ಮ್ ಗೇಟ್ಗಳು 1.4 ಮೀಟರ್ ಎತ್ತರವಿದೆ. ಹಾಗೂ 128 ಮೀಟರ್ ಪ್ಲಾಟ್ಫಾರ್ಮ್ ಅನ್ನು ವ್ಯಾಪಿಸಿರುತ್ತದೆ. ನಿಲ್ದಾಣದ ಪ್ರತಿ ವೆಚ್ಚ 9 ಕೋಟಿ ರೂ. ಎಂದು ವರದಿಯಲ್ಲಿ ಅಂದಾಜಿಸಲಾಗಿದೆ. ಇದು ಜೂನ್ 2024 ರಲ್ಲಿ ಆಲ್ಸ್ಟೋಮ್ ಟ್ರಾನ್ಸ್ಪೋರ್ಟ್ನೊಂದಿಗೆ ಮಾಡಿಕೊಂಡ ದೊಡ್ಡ ಒಪ್ಪಂದದ ಭಾಗವಾಗಿದೆ. ಇನ್ನು ಈ ಯೋಜನೆ ಪಿಂಕ್ ಲೈನ್ನಲ್ಲಿದೆ, ಪರ್ಪಲ್ ಲೈನ್ನಲ್ಲಿರುವ ಮೆಜೆಸ್ಟಿಕ್ ಮತ್ತು ಸೆಂಟ್ರಲ್ ಕಾಲೇಜು ನಿಲ್ದಾಣಗಳಲ್ಲಿ ಪಿಎಸ್ಡಿ ಅಳವಡಿಸಲಾಗಿದೆ ಎಂದು ಹೇಳಲಾಗಿದೆ.
ಬೆಂಗಳೂರು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
