Bigg Boss: ಪೆಟ್ಟಿಗೆಯಲ್ಲಿ ಬಂಧಿಯಾದ ಸ್ಪರ್ಧಿಗಳ ಲಾಕ್​ ತೆಗೆಯಲಾಗದೇ ಪರದಾಟ: ವೀಕ್ಷಕರಿಗೆ ವಾಹಿನಿ ವಾರ್ನಿಂಗ್! | Bigg Boss Kannada 12 Difficult Task For Contestants And Channel Warning Suc

ಬಿಗ್​ಬಾಸ್​ (Bigg Boss)ನಲ್ಲಿ ಇದೀಗ ಟಾಸ್ಕ್​ ಭರಾಟೆ ಬಹಳ ಜೋರಾಗಿಯೇ ನಡೆಯುತ್ತಿದೆ. ಬಿಗ್​ಬಾಸ್​​ನ ಅರ್ಧ ಸೀಸನ್​ ಇದಾಗಲೇ ಮುಗಿದಿರುವ ಹಿನ್ನೆಲೆಯಲ್ಲಿ, ಉಳಿದುಕೊಂಡಿರುವ ಸ್ಪರ್ಧಿಗಳು ಫೈನಲ್​ ತಲುಪಲು ಹರಸಾಹಸ ಮಾಡುವುದು ಅನಿವಾರ್ಯವಾಗಿದೆ.

ಇಷ್ಟು ದೂರದ ಪಯಣದವರೆಗೆ ಬಂದು ಬಿಗ್​ಬಾಸ್​ನಿಂದ ಮರಳುವುದು ಯಾವ ಸ್ಪರ್ಧಿಗೂ ಇಷ್ಟವಾಗುವುದಿಲ್ಲ. ಇನ್ನೇನು ಕೆಲವೇ ವಾರಗಳು ಇರುವ ಹಿನ್ನೆಲೆಯಲ್ಲಿ ಇದು ಅವರ ಅಳಿವು-ಉಳಿವಿನ ಪ್ರಶ್ನೆಯಾಗಿದ್ದು, ಟಾಸ್ಕ್​ಗಳನ್ನು ಪೂರ್ತಿ ಮಾಡಲು ಹೆಣಗಾಡುತ್ತಿದ್ದಾರೆ.

ಇದೀಗ ಬಿಗ್​ಬಾಸ್​ ಸ್ಪರ್ಧಿಗಳಿಗೆ ವಿಶೇಷ ಟಾಸ್ಕ್​ ನೀಡಿದೆ. ಅದೇನೆಂದರೆ ಪುರುಷ ಸ್ಪರ್ಧಿಗಳೆಲ್ಲಾ ಪೆಟ್ಟಿಗೆಯಲ್ಲಿ ಬಂಧಿಯಾಗಿದ್ದಾರೆ. ಹೊರಗಡೆಯಿಂದ ಲಾಕ್​ ಮಾಡಲಾಗಿದೆ. ಮಹಿಳಾ ಸ್ಪರ್ಧಿಗಳಿಗೆ ಒಗಟು ಹೇಳಲಾಗುತ್ತದೆ. ಅವರು ಆ ಒಗಟನ್ನು ಬಿಡಿಸಿದರೆ ಅವರ ಜೋಡಿಯ ಪೆಟ್ಟಿಗೆಯ ಲಾಕ್​ ಓಪನ್​ ಆಗುತ್ತದೆ.

ಮಹಿಳಾ ಸ್ಪರ್ಧಿಗಳು ಒಗಟು ಬಿಡಿಸಲು ಹೆಣಗಾಡುತ್ತಿದ್ದರೆ, ಅತ್ತ ಪುರುಷ ಸ್ಪರ್ಧಿಗಳು ಪೆಟ್ಟಿಗೆಯ ಒಳಗೆ ಉಸಿರುಗಟ್ಟುವಂತೆ ಕಾಣಿಸುತ್ತಿದ್ದಾರೆ. ಬೇಗ ಬೇಗ ಪೆಟ್ಟಿಗೆ ತೆರೆಯಿರಿ ಎಂದು ಹೇಳುತ್ತಿದ್ದಾರೆ.

ಅಂದಹಾಗೆ ಈ ಟಾಸ್ಕ್​ ಮಾಡುವ ಸಮಯದಲ್ಲಿ ಕಲರ್ಸ್​ ಕನ್ನಡ ವಾಹಿನಿ (Colors Kannada Channel) ವೀಕ್ಷಕರಿಗೆ ವಿಶೇಷ ಎಚ್ಚರಿಕೆಯನ್ನು ನೀಡಿದೆ. ಅದೇನೆಂದರೆ, ಇಂಥ ಸ್ಪರ್ಧೆಗಳನ್ನು ನೋಡಿ ಅದನ್ನು ಹುಚ್ಚುಚ್ಚಾಗಿ ಅನುಕರಣೆ ಮಾಡುವವರೂ ಇದ್ದೇ ಇದ್ದಾರೆ. ಅದಕ್ಕಾಗಿಯೇ ಈ ಎಚ್ಚರಿಕೆ.

ಪೆಟ್ಟಿಗೆಯೊಳಗೆ ಸ್ಪರ್ಧಿಗಳನ್ನು ಹಾಕಿ ಹೊರಗೆ ಲಾಕ್​ ಮಾಡಿರುವ ಟಾಸ್ಕ್​ ಅನ್ನು ಪರಿಣಿತರ ನೇತೃತ್ವದಲ್ಲಿ ಮಾಡಲಾಗಿದೆ. ದಯವಿಟ್ಟು ಇದರ ಅನುಕರಣೆ ಮಾಡಬೇಡಿ ಎನ್ನುವ ವಾರ್ನಿಂಗ್​ ನೀಡಲಾಗಿದೆ.