ಆಧಾರ್​ ಕಾರ್ಡ್​ ಕಳೆದು ನಂಬರ್​ ಮರೆತಿರುವಿರಾ? ಹಾಗಿದ್ರೆ ಈ ಸ್ಟೆಪ್​ ಫಾಲೋ ಮಾಡಿ ವಾಪಸ್​ ಪಡೆಯಿರಿ | How To Retrieve Lost Or Forgotten Aadhaar Card Number Suc

ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ನೀಡಿದ 12-ಅಂಕಿಯ ವಿಶಿಷ್ಟ ಐಡಿ, ಭಾರತದ ನಿವಾಸಿಗಳಿಗೆ ಅತ್ಯಂತ ಪ್ರಮುಖ ದಾಖಲೆಗಳಲ್ಲಿ ಒಂದಾಗಿದೆ. ಇದು ಗುರುತಿನ ಪುರಾವೆಯಾಗಿ ಕಾರ್ಯನಿರ್ವಹಿಸುವುದಲ್ಲದೆ, ಸರ್ಕಾರಿ ಯೋಜನೆಗಳು, ಸಬ್ಸಿಡಿಗಳು ಮತ್ತು ಇತರ ಅಧಿಕೃತ ಸೇವೆಗಳಿಗೆ ಅಗತ್ಯವಾಗಿದೆ.

ಬಹುತೇಕ ಯಾರಿಗೂ ಆಧಾರ್​ ಕಾರ್ಡ್​ನ ಈ 12 ಸಂಖ್ಯೆ ನೆನಪಿರುವುದು ಕಷ್ಟವೇ. ಕೆಲವರಿಗೆ ಮಾತ್ರ ಈ ಸಂಖ್ಯೆ ತಿಳಿದಿರಬಹುದು. ಇದೇ ಕಾರಣಕ್ಕೆ ಆಧಾರ್​ ಕಾರ್ಡ್​ನ ಫೋಟೋ ತೆಗೆದು ಮೊಬೈಲ್​ನಲ್ಲಿ ಸೇವ್​ ಮಾಡಿ ಇಟ್ಟುಕೊಳ್ಳುವುದು ಒಳಿತು. ಇಲ್ಲವೇ ಸಂಖ್ಯೆಯನ್ನಾದರೂ ಒಂದು ಕಡೆ ಬರೆದಿಟ್ಟುಕೊಂಡರೆ ಕಾರ್ಡ್​ ಅನ್ನು ಸುಲಭದಲ್ಲಿ ಪಡೆಯಬಹುದು.

ಒಂದು ವೇಳೆ ಕಾರ್ಡ್​ ಕಳೆದುಹೋಗಿದ್ದರೆ ಹಾಗೂ ನಿಮ್ಮ ಬಳಿ ಅದರ ಫೋಟೋ ಅಥವಾ ನಂಬರ್​ ಇಲ್ಲದೇ ಹೋದರೆ ಭಯಪಡುವ ಅಗತ್ಯವಿಲ್ಲ. ಯುಐಡಿಎಐ ವೆಬ್‌ಸೈಟ್‌ನಲ್ಲಿರುವ ‘ಯುಐಡಿ/ಇಐಡಿಯನ್ನು ಹಿಂಪಡೆಯಿರಿ’ ಆಯ್ಕೆಯನ್ನು ಬಳಸಿಕೊಂಡು ನೀವು ನಿಮ್ಮ ಆಧಾರ್ ವಿವರಗಳನ್ನು ಆನ್‌ಲೈನ್‌ನಲ್ಲಿ ಸುಲಭವಾಗಿ ಹಿಂಪಡೆಯಬಹುದು. ಪರಿಶೀಲನೆಗಾಗಿ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ ಅಥವಾ ಇಮೇಲ್ ಅನ್ನು ನಮೂದಿಸಿ.

– ಯುಐಡಿಎಐ ವೆಬ್‌ಸೈಟ್‌ಗೆ ಭೇಟಿ ಕೊಟ್ಟು ಅಲ್ಲಿ ನಿಮ್ಮ ಪೂರ್ಣ ಹೆಸರು, ನೀವು ಲಿಂಕ್ ಮಾಡಿರುವ ಮೊಬೈಲ್ ಸಂಖ್ಯೆ ಅಥವಾ ಇಮೇಲ್ ಮತ್ತು ಕ್ಯಾಪ್ಚಾವನ್ನು ಭರ್ತಿ ಮಾಡಿ. ನಿಮ್ಮ OTP ಬರುತ್ತದೆ.

– ಮೊಬೈಲ್ OTP ನಮೂದಿಸಿ ಓಕೆ ಕ್ಲಿಕ್​ ಮಾಡಿ. ಇಷ್ಟಾದರೆ ಸಾಕು, ನಿಮ್ಮ ಆಧಾರ್ ಸಂಖ್ಯೆ/EID ಅನ್ನು ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ SMS ಬರುತ್ತದೆ.

ಕೆಲವರು ಇದುವರೆಗೂ ಆಧಾರ್​ ಕಾರ್ಡ್​ಗೆ ಮೊಬೈಲ್​ ಫೋನ್​ ನಂಬರ್​ ಲಿಂಕ್​ ಮಾಡಿಕೊಂಡಿಲ್ಲ. ಆ ಸಂದರ್ಭದಲ್ಲಿಯೂ ಚಿಂತಿಸಬೇಕಾದ ಅಗತ್ಯವಿಲ್ಲ. ಆಗ ನೀವು ಮಾಡಬೇಕಿರುವುದು ಇಷ್ಟು:

– ಆಧಾರ್ ದಾಖಲಾತಿ ಕೇಂದ್ರಕ್ಕೆ ಭೇಟಿ ನೀಡಿ: ನೀವು “ಪ್ರಿಂಟ್ ಆಧಾರ್” ಸೇವೆಯನ್ನು ವಿನಂತಿಸಬಹುದು, ಅಲ್ಲಿ ಅಧಿಕಾರಿಗಳು ನಿಮ್ಮ ಸಂಖ್ಯೆಯನ್ನು ಹಿಂಪಡೆಯಲು ಸಹಾಯ ಮಾಡುತ್ತಾರೆ.

-UIDAI ಸಹಾಯವಾಣಿಗೆ ಕರೆ ಮಾಡಿ: ನಿಮ್ಮ ಆಧಾರ್ ಸಂಖ್ಯೆಯನ್ನು ಮರುಪಡೆಯುವಲ್ಲಿ ಸಹಾಯ ಪಡೆಯಲು 1947 ಅನ್ನು ಡಯಲ್ ಮಾಡಿ.

ಕೆಲವು ನಕಲಿ ವೆಬ್​ಸೈಟ್​ಗಳು ಇದ್ದು, ಅವುಗಳ ಬಗ್ಗೆ ಎಚ್ಚರಿಕೆಯಿಂದ ಇರಿ. ಅಧಿಕೃತ ವೆಬ್​ಸೈಟ್​ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ. ವಿವರವಾದ ಸೂಚನೆಗಳು ಮತ್ತು ನವೀಕರಣಗಳಿಗಾಗಿ ನಿವಾಸಿಗಳು ಅಧಿಕೃತ UIDAI ಪೋರ್ಟಲ್ https://uidai.gov.in/ ಅನ್ನು ಪರಿಶೀಲಿಸಬಹುದು.