ಪಾಕ್ ಆಟಗಾರನ ಶೂಲೇಸ್ ಕಟ್ಟಿದ ಕಿಶನ್; ಕ್ರೀಡಾ ಸ್ಫೂರ್ತಿ ಮೆರೆದ ಹೆಮ್ಮೆಯ ಭಾರತೀಯ

ದುಬೈನಲ್ಲಿ ನಡೆದ 19 ವರ್ಷದೊಳಗಿನವರು ಏಷ್ಯಾಕಪ್ (U19 ಕಪ್) ಪಂದ್ಯಾವಳಿಯಲ್ಲಿ ಬದ್ಧವೈರಿ ಪಾಕಿಸ್ತಾನ ತಂಡವನ್ನು 90 ರನ್‌ಗಳಿಗೆ ಮಣಿಸಿದ ಭಾರತ ಪಡೆ (ಭಾರತ vs ಪಾಕಿಸ್ತಾನ) ಪಂದ್ಯಾವಳಿಯಲ್ಲಿ ಸತತ ಎರಡನೇ ಯುವ ಗೆಲುವು ದಾಖಲಿಸಿತು. ಈ ಆಟದ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ 240 ರನ್ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ಪಾಕಿಸ್ತಾನ 150 ರನ್ ಗಳಿಗೆ ಆಲೌಟ್ ಆಯಿತು. ಇದು ಪಂದ್ಯದ ಸಾರಾಂಶವಾದರೆ, ಈ ಪ್ರದರ್ಶನದ ಭಾರತೀಯ ಆಟಗಾರನೊಬ್ಬ ಕ್ರೀಡಾ ಸ್ಫೂರ್ತಿ ಪತಾಕೆಯನ್ನು ಎತ್ತಿ ಹಿಡಿದ ಘಟನೆಯೂ ನಡೆಯಿತು.

ಪಾಕ್ ಆಟಗಾರರ ನಡುವೆ ಮಾತುಕತೆ ಬಂದ್

ವಾಸ್ತವವಾಗಿ ಪಹಲ್ಗಾಮ್ ದಾಳಿಯ ಬಳಿಕ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಸಂಬಂಧಕ್ಕೆ ಫುಲ್ ಸ್ಟಾಪ್ ಇಡಲಾಗಿದೆ. ಇದರ ಪರಿಣಾಮ ಕ್ರೀಡೆಯ ಮೇಲೂ ಬೀರಿದ್ದು, ಉಭಯ ದೇಶಗಳ ಕ್ರಿಕೆಟ್ ತಂಡಗಳ ಆಟಗಾರರು ಪರಸ್ಪರ ಎದುರಾದಾಗ ಹಸ್ತಲಾಘವ ಮಾಡುವುದಾಗಲಿ ಅಥವಾ ಪರಸ್ಪರ ಮಾತನಾಡುವುದಾಗಲಿ ನಡೆಯುತ್ತಿಲ್ಲ. ಪಾಕ್ ತಂಡದ ಆಟಗಾರರೊಂದಿಗೆ ಯಾವ ರೀತಿಯ ಮಾತುಕತೆ ನಡೆಸಬಾರದೆಂಬ ಬಿಸಿ ಬಿಸಿ ಕಟ್ಟಾಜ್ಞೆಯನ್ನು ಶಿರಸವಹಿಸಿ ಪಾಲಿಸುತ್ತಿರುವ ಭಾರತದ ಆಟಗಾರರು, ಪಾಕ್ ಆಟಗಾರರಿಂದ ಮೈದಾನದಲ್ಲಿ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ.

ಇದೆಲ್ಲದರ ನಡುವೆಯೂ ಇಂದು ನಡೆದ ಭಾರತ ಹಾಗೂ ಪಾಕಿಸ್ತಾನದ ಭಾರತದ ಬೌಲರ್ ಕಿಶನ್ ಸಿಂಗ್, ಪಾಕಿಸ್ತಾನದ ಇನ್ನಿಂಗ್ಸ್ ವೇಳೆ ಬ್ಯಾಟಿಂಗ್ ಮಾಡುತ್ತಿದ್ದ ಹುಜೈಫಾ ಎಹ್ಸಾನ್ ಅವರ ಶೂಲೆಗಳನ್ನು ಕಟ್ಟುವ ಮೂಲಕ ಕ್ರೀಡಾಸ್ಫೂರ್ತಿ ಮೆರೆದಿದ್ದಾರೆ. ಒಂದೆಡೆ ಆಟಗಾರರು ಪರಸ್ಪರ ಹಸ್ತಲಾಘವ ಮಾಡದಿರುವಾಗ ಭಾರತದ ಆಟಗಾರನೊಬ್ಬ ಪಾಕ್ ಆಟಗಾರನ ಶೂಲೇಸ್ ಕಟ್ಟಿರುವುದು ಕ್ರೀಡಾ ಲೋಕದಲ್ಲಿ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ.

19 ವರ್ಷದೊಳಗಿನವರ ಏಷ್ಯಾಕಪ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಮುಖಾಮುಖಿಯಲ್ಲಿ,@BCCIಆಟಗಾರ ಕಿಶನ್ ಸಿಂಗ್ ಶೂಲೆಸ್ ಕಟ್ಟಿದರು@TheRealPCBಬ್ಯಾಟರ್ ಹುಝೈಫಾ ಅಹ್ಸಾನ್ ಅತ್ಯುತ್ತಮ ಕ್ರೀಡಾ ಮನೋಭಾವವನ್ನು ಪ್ರದರ್ಶಿಸಿದರು. ನಿಜವಾಗಿ, ಕ್ರೀಡಾಪಟುಗಳು ತಮ್ಮ ದೇಶಗಳ ರಾಯಭಾರಿಗಳು. pic.twitter.com/7FZ1RcsyUA

— ಸೈಯದ್ ಯಾಹ್ಯಾ ಹುಸೇನಿ (@SYahyaHussaini) ಡಿಸೆಂಬರ್ 14, 2025