ಓಮನ್ ಜೊತೆಗಿನ ಸಮಗ್ರ ಆರ್ಥಿಕ ಪಾಲುದಾರಿಕೆ ಒಪ್ಪಂದದಿಂದ ಭಾರತಕ್ಕೆ ಆಗುವ ಲಾಭಗಳೇನು?

ಜುಲೈ, ಡಿಸೆಂಬರ್ 18: ನರೇಂದ್ರ ಮೋದಿ (ನರೇಂದ್ರ ಮೋದಿ) ಅವರು ಇಂದು ಓಮನ್‌ಗೆ ಭೇಟಿ ನೀಡಿದರು. ಇದೇ ವೇಳೆ ಭಾರತ ಮತ್ತು ಓಮನ್ ದೇಶಗಳು ಮುಕ್ತ ವ್ಯಾಪಾರ ಒಪ್ಪಂದಕ್ಕೆ ಸಹಿಹಾಕಲಿವೆ. ನಾಲ್ಕು ದಿನದ ವಿದೇಶೀ ಪ್ರವಾಸದಲ್ಲಿರುವ ನರೇಂದ್ರ ಮೋದಿ ಅವರು ನಿನ್ನೆ ಓಮನ್ ರಾಜಧಾನಿ ಮಸ್ಕಟ್‌ಗೆ ಹೋಗಿದ್ದಾರೆ. ಇವತ್ತು ಅಲ್ಲಿ ಎರಡೂ ದೇಶಗಳ ನಡುವಿನ ಸಮಗ್ರ ಆರ್ಥಿಕ ಪಾಲುದಾರಿಕೆ ಒಪ್ಪಂದಕ್ಕೆ (ಸಿಐಪಿಎ) ಅಂಕಿತ ಸಿಗುವ ನಿರೀಕ್ಷೆ ಇದೆ.

ಸಿಇಪಿಎ ಎಂಬುದು ಮುಕ್ತ ವ್ಯಾಪಾರ ಒಪ್ಪಂದವಾಗಿದೆ. ಓಮನ್ ದೇಶದ ಜೊತೆ ಎಫ್‌ಟಿಎ ಮಾಡಿಕೊಂಡಿರುವ ಕೆಲವೇ ದೇಶಗಳ ಸಾಲಿಗೆ ಭಾರತವೂ ಸೇರಲಿದೆ. ವಿವಿಧ ದೇಶಗಳ ಸಂಘಟನೆಗಳೊಂದಿಗೆ ಓಮನ್ ವ್ಯಾಪಾರ ಒಪ್ಪಂದ ಮಾಡಿಕೊಂಡಿದೆ. ಆದರೆ, ವೈಯಕ್ತಿಕ ದೇಶಗಳಲ್ಲಿ ಸಿಂಗಾಪುರ ಮತ್ತು ಅಮೆರಿಕದ ಜೊತೆ ಮಾತ್ರ ಓಮನ್ ಎಫ್‌ಟಿಎ ಹೊಂದಿದೆ. ಈಗ ಭಾರತಕ್ಕೂ ಅದು ಒಪ್ಪಂದ ಮಾಡಿಕೊಳ್ಳುತ್ತಿರುವುದು ಗಮನಾರ್ಹ.

ಇದನ್ನೂ ಓದಿ: ಅಮೆರಿಕದಿಂದ ಪಾಕಿಸ್ತಾನಕ್ಕೆ ಮಿಲಿಟರಿ ಪ್ಯಾಕೇಜ್; ಪಾಕ್ ಅಂದ್ರೆ ಅಮೆರಿಕ, ಚೀನಾಗೆ ಯಾಕೆ ಪ್ರೀತಿ?

ಓಮನ್ ದೇಶದೊಂದಿಗೆ ಮುಕ್ತ ವ್ಯಾಪಾರ ಒಪ್ಪಂದ ಮಾಡಿಕೊಳ್ಳುವುದರಿಂದ ಭಾರತಕ್ಕೆ ಹೆಚ್ಚಿನ ಮಾರುಕಟ್ಟೆ ಪ್ರವೇಶದ ಅವಕಾಶ ಹೆಚ್ಚುತ್ತಿದೆ. ಹೂಡಿಕೆಗಳು ಹೆಚ್ಚು ಹರಿದುಬರಬಹುದು. ಪ್ರಮುಖ ವಿಭಾಗಗಳಲ್ಲಿ ಪರಸ್ಪರ ಸಹಕಾರ ಹೆಚ್ಚಲಿದೆ. ಭಾರತಕ್ಕೆ ತನ್ನ ರಫ್ತನ್ನು ವಿಸ್ತರಿಸಲು ಈ ಒಪ್ಪಂದ ಸಹಕಾರಿಯಾಗಲಿದೆ.

ಭಾರತದ ಎಫ್‌ಟಿಎ

ಭಾರತವು ಯುಇಐ ಜೊತೆ 2022ರಲ್ಲಿ ಸಿಐಪಿಎ ಒಪ್ಪಂದ ಮಾಡಿಕೊಂಡಿದೆ. 2021ರಲ್ಲಿ ಮಾರಿಷಸ್, 2022ರಲ್ಲಿ ಯುಇಐ ಮತ್ತು ಆಸ್ಟ್ರೇಲಿಯಾ; 2024ರಲ್ಲಿ ಯೂರೋಪ್ನ IFTIE, ಯುನೈಟೆಡ್ ಕಿಂಗ್ಡಂ ದೇಶಗಳ ಜೊತೆ ಭಾರತವು ವ್ಯಾಪಾರ ಒಪ್ಪಂದಗಳಿಗೆ ಸಹಿ ಹಾಕಿದೆ.

ಇದನ್ನೂ ಓದಿ: ಸತ್ತ ಆರ್ಥಿಕತೆ ಎಂದಿದ್ದ ಟ್ರಂಪ್‌ಗೆ ತಕ್ಕ ಉತ್ತರ; ನವೆಂಬರ್‌ನಲ್ಲಿ ಅಮೆರಿಕಕ್ಕೆ ಭಾರತದ ರಫ್ತು ಭರ್ಜರಿ ಏರಿಕೆ

ಭಾರತವು ಮುಕ್ತ ವ್ಯಾಪಾರ ಒಪ್ಪಂದಗಳನ್ನು ಮಾಡಿಕೊಂಡ ಪರಿಣಾಮ, ಟ್ಯಾರಿಫ್‌ಗಳು ತಗ್ಗಿವೆ. ಮಾರುಕಟ್ಟೆ ಅವಕಾಶ ಹೆಚ್ಚುತ್ತಿದೆ. ಹೆಚ್ಚಿನ ಹೂಡಿಕೆಗಳು ಆಗಮಿಸುತ್ತವೆ. ಮಾರಿಷಸ್‌ನೊಂದಿಗೆ ಭಾರತ ಒಪ್ಪಂದ ಮಾಡಿಕೊಳ್ಳಬಹುದು, ಆಫ್ರಿಕ್ ಖಂಡದ ಇತರ ರಾಷ್ಟ್ರಗಳಲ್ಲಿ ಮಾರುಕಟ್ಟೆ ವಿಸ್ತರಿಸಲು ಭಾರತಕ್ಕೆ ಸಹಕಾರಿಯಾಗಬಹುದು.

ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ರಂದು ಪ್ರಕಟಿಸಲಾಗಿದೆ – 1:34 pm, ಗುರು, 18 ಡಿಸೆಂಬರ್ 25