ಮನೆಯಲ್ಲಿ ಅನಿರೀಕ್ಷಿತ ಸಮಸ್ಯೆಗಳು, ತೊಂದರೆಗಳು ಎದುರಾದಾಗ, ಅದಕ್ಕೆ ಕಾರಣಗಳನ್ನು ಹುಡುಕುವವರಿದ್ದಾರೆ. ಆದರೆ ಇಂತಹ ಅನೇಕ ಸಮಸ್ಯೆಗಳಿಗೆ ಮನೆಯಲ್ಲಿ ಬಳಸುವ ಮೂರು ಬರ್ನರ್ಗಳ ಗ್ಯಾಸ್ ಸ್ಟವ್ ಒಂದು ಪ್ರಮುಖ ಕಾರಣವಾಗಿರಬಹುದು. ವಾಸ್ತು ನಿಯಮಗಳ ಪ್ರಕಾರ, ಒಂದು ಕುಟುಂಬ ಮತ್ತು ಒಂದು ಮನೆಯಲ್ಲಿ ಸುಖ, ಶಾಂತಿ ಮತ್ತು ಸಮೃದ್ಧಿ ನೆಲೆಸಲು ಕೆಲವು ಪದ್ಧತಿಗಳನ್ನು ಪಾಲಿಸುವುದು ಅನಿವಾರ್ಯ. ಗೃಹಸ್ಥಾಶ್ರಮದಲ್ಲಿ ಅಗ್ನಿಗೆ ಸಂಬಂಧಿಸಿದ ಓಲೆಗಳ ಸಂಖ್ಯೆ ಮಹತ್ವಪೂರ್ಣವಾಗಿದೆ. ಮನೆಯಲ್ಲಿ ಮೂರು ಓಲೆಗಳು ಅಥವಾ ಒಂದೇ ಸ್ಟಾವ್ನಲ್ಲಿ ಮೂರು ಬರ್ನರ್ಗಳು ಇರುವುದು ಶಾಸ್ತ್ರಸಮ್ಮತವಲ್ಲ. ಇದಕ್ಕೆ ಬದಲಾಗಿ, ಎರಡು ಅಥವಾ ನಾಲ್ಕು ಒಲೆಗಳಿರುವುದು ಶುಭ ಎಂದು ವಾಸ್ತು ತಜ್ಞರು ಹೇಳುತ್ತಾರೆ.
ಇತ್ತೀಚಿನ ದಿನಗಳಲ್ಲಿ ಲಭ್ಯವಿರುವ ಮೂರು ಬರ್ನರ್ಗಳ ಸ್ಟಾವ್ಗಳು ಜಾಗದ ಉಳಿತಾಯ ಅಥವಾ ಅನುಕೂಲಕ್ಕಾಗಿ ಇರಬಹುದು. ಆದರೆ, ಇದರಿಂದ ಮನೆಯ ಸುಖ-ಶಾಂತಿ ನಾಶವಾಗುತ್ತದೆ. ಮೂರು ಒಲೆಗಳ ಅಗ್ನಿ ಮನೆಯಲ್ಲಿ ಉರಿಯಬಾರದು ಎಂಬುದು ವಾಸ್ತು ನಿಯಮ.
ಮೂರು ಸಂಖ್ಯೆಗಳಿಗೆ ಅನೇಕ ಪ್ರಾಮುಖ್ಯತೆಗಳಿವೆ. ಮನೆಯಲ್ಲಿ ಅಗ್ನಿ ಮೂರು ಒಲೆಗಳಲ್ಲಿ ಉರಿಯುವುದರಿಂದ ನಮ್ಮ ಕಾರ್ಯಗಳು ಸಿದ್ಧಿಯಾಗುವುದಿಲ್ಲ ಎಂದು ಹೇಳಲಾಗುತ್ತದೆ. ಇದು ಕೆಲವು ತತ್ವ ನಿಯಮಗಳಿಗೆ ವಿರುದ್ಧವಾಗಿದೆ. ನಮ್ಮ ಪಂಚೇಂದ್ರಿಯಗಳು ರೂಪ, ರಸ, ಗಂಧ ಇತ್ಯಾದಿಗಳನ್ನು ಗ್ರಹಿಸಿ ದೇಹದ ಸಪ್ತಧಾತುಗಳನ್ನು ಚೈತನ್ಯಗೊಳಿಸುತ್ತವೆ. ಚರ್ಮ, ರಕ್ತ, ಮಾಂಸ, ಎಲುಬು, ಮಜ್ಜೆ, ಶುಕ್ಲ ಮತ್ತು ಮೇಧಾ ಈ ಏಳು ಸಪ್ತಧಾತುಗಳು. ಇವುಗಳ ಬೆಳವಣಿಗೆಯು ನಾವು ನೋಡುವ, ಸ್ವೀಕರಿಸುವ ಸಕಾರಾತ್ಮಕ ಶಕ್ತಿಗಳ ಮೇಲೆ ಪ್ರಕಟವಾಗುತ್ತದೆ. ಮೂರು ಒಲೆಗಳ ಅಗ್ನಿ ನಕಾರಾತ್ಮಕ ಶಕ್ತಿಯನ್ನು ಉಂಟುಮಾಡುತ್ತದೆ. ಇದು ಸಪ್ತಧಾತುಗಳ ಬೆಳವಣಿಗೆಯನ್ನು ಕುಂಠಿತಗೊಳಿಸುತ್ತದೆ. ಈ ಧಾತುಗಳು ಕ್ಷೀಣಿಸಿದಾಗ, ಅದು ಆರೋಗ್ಯ ಮತ್ತು ಸಂಪತ್ತಿನ ಅವನತಿಗೆ ಕಾರಣವಾಯಿತು.
ಇದನ್ನೂ ಓದಿ: ಮನಿ ಪ್ಲಾಂಟ್ನ ಬುಡದಲ್ಲಿ ಒಂದು ನಾಣ್ಯ ಹೂತಿಡಿ; ಪ್ರಯೋಜನ ಸಾಕಷ್ಟಿವೆ
ವಾಸ್ತು ನಿಯಮಗಳು ಮತ್ತು ಗೃಹಸ್ಥಾಶ್ರಮ ಧರ್ಮದ ಪ್ರಕಾರ, ಮೂರು ಓಲೆಗಳು ಮನೆಯಲ್ಲಿ ಇರಬಾರದು. ಯಾವುದೇ ಸ್ಟವ್ ಇದ್ದರೆ, ಅದನ್ನು ತೆಗೆದುಹಾಕಿ, ಬದಲಿಗೆ ಇನ್ನೊಂದು ಬರ್ನರ್ ಇರುವ ಸ್ಟಾವ್ ಕೊಂಡುಕೊಳ್ಳುವುದು ಅಥವಾ ಇರುವ ಸ್ಟಾವ್ ಜೊತೆಗೆ ಮತ್ತೊಂದು ಬರ್ನರ್ ಸೇರಿಸಿ ಒಟ್ಟಾರೆ ಬರ್ನರ್ ಸಂಖ್ಯೆಯನ್ನು ನಾಲ್ಕಕ್ಕೆ ಹೆಚ್ಚಿಸುವುದು ಉತ್ತಮ. ಸಮಸಂಖ್ಯೆಯ ಅಗ್ನಿ ಬರ್ನರ್ಗಳು ಮನೆಯನ್ನು ವೃದ್ಧಿಗೊಳಿಸುತ್ತವೆ. ಬೆಸ ಸಂಖ್ಯೆಯು ಕ್ಷೀಣಿಸುತ್ತವೆ. ಆದ್ದರಿಂದ, ಮೂರು ಬರ್ನರ್ಗಳ ಸ್ಟವ್ ಬದಲಾಯಿಸಿ, ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚಿನ (ಸಮಸಂಖ್ಯೆ) ಬರ್ನರ್ಗಳನ್ನು ಬಳಸುವ ಮೂಲಕ ಮನೆಯಲ್ಲಿ ಸಕಾರಾತ್ಮಕ ಬೆಳವಣಿಗೆ ಮತ್ತು ಸುಖವನ್ನು ಅನುಭವಿಸಿ ಎಂದು ವಾಸ್ತು ತಜ್ಞರ ಸಲಹೆ.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
