<p>ಅಣ್ಣಯ್ಯ ಸೀರಿಯಲ್ ಮೂಲಕ ಜನಪ್ರಿಯತೆ ಗಳಿಸಿರುವ ನಟಿ ನಾಗಶ್ರೀಯವರು ಸದ್ಯದಲ್ಲೇ ಒಂದು ಐತಿಹಾಸಿಕ ಪಾತ್ರದ ಮೂಲಕ ಬೆಳ್ಳಿ ತೆರೆ ಮೇಲೆ ಮಿಂಚಲು ತಯಾರಿ ನಡೆಸಿದ್ದಾರೆ.</p><p> </p><img><p>ಅಣ್ಣಯ್ಯ ಧಾರಾವಾಹಿಯಲ್ಲಿ (Annayya Serial) ಮೂರು ಜನ ತಂಗಿಯರ ಹಿರಿಯಕ್ಕ ರತ್ನ ಪಾತ್ರಕ್ಕೆ ತನ್ನ ಸೌಮ್ಯ ನಟನೆಯಿಂದ ಜೀವತುಂಬುತ್ತಿರುವ ನಟಿ ನಾಗಶ್ರೀ ಬೇಗಾರ್ ಇದೀಗ ಮತ್ತೊಂದು ಚಂದನವನದಲ್ಲಿ ಮಿಂಚಲು ರೆಡಿಯಾಗುತ್ತಿದ್ದಾರೆ.</p><img><p>ಅಣ್ಣಯ್ಯ ಧಾರಾವಾಹಿಯಲ್ಲಿ ನಾಗಾಶ್ರೀಯವರದ್ದು (Nagashree Begar) ತುಂಬಾನೆ ಪ್ರಬುದ್ಧವಾದ ಪಾತ್ರವಾಗಿದೆ. ಟೀಚರ್ ಆಗಿರುವ ರತ್ನ, ತನ್ನ ಮನೆ, ತಂಗಿಯರು , ಅಣ್ಣ, ಅತ್ತಿಗೆ ಎನ್ನುವ ಪುಟ್ಟ ಪ್ರಪಂಚದಲ್ಲಿದ್ದು, ತನ್ನಪ್ರಬುದ್ಧ ಮಾತುಗಳಿಂದಲೇ ಗಮನ ಸೆಳೆಯುವ ಪಾತ್ರ ರತ್ನಳಾದ್ದು.</p><img><p>ಸೀರಿಯಲ್ ನೋಡುತ್ತಿರುವ ಪ್ರತಿಯೊಬ್ಬರಿಗೂ ರತ್ನ ಪಾತ್ರ ತುಂಬಾನೆ ಇಷ್ಟ ಆಗಿರುತ್ತೆ. ಆದರೆ ಈ ಪ್ರತಿಭಾನ್ವಿತ ನಟಿಯ ಹಿನ್ನೆಲೆ ಗೊತ್ತಾ? ಇವರು ಯಾರ ಮಗಳು? ಅಣ್ಣಯ್ಯದಲ್ಲಿ ನಟಿಸೋದಕ್ಕೂ ಮುನ್ನ ಏನು ಮಾಡುತ್ತಿದ್ದರು ನೋಡೋಣ.</p><img><p>ನಾಗಶ್ರೀಯವರು ಮೂಲತಃ ರಂಗಭೂಮಿ ಕಲಾವಿದೆ (drama artist). ಇವರು ಆಗುಂಬೆ ಮತ್ತು ಶೃಂಗೇರಿಯ ಮಧ್ಯೆ ಇರುವ ಬೇಗಾರ್ ನವರು. ಹಾಗಾಗಿ ಇವರ ಹೆಸರಿನ ಜೊತೆಗೆ ನಾಗಶ್ರೀ ಬೇಗಾರ್ ಎನ್ನುವ ಊರಿನ ಹೆಸರು ಕೂಡ ತಳುಕು ಹಾಕಿದೆ.</p><img><p>ನಾಗಶ್ರೀ ಕುಟುಂಬವು ಕಲಾವಿದರಿಂದ ತುಂಬಿರುವ ಕುಟುಂಬ, ಇವರ ಅಜ್ಜ ಸಂಗೀತ ವಿದ್ವಾಂಸರು, ತಂದೆ ರಮೇಶ್ ಬೇಗಾರ್ ಇವರು ಬಹುಮುಖ ಪ್ರತಿಭೆ, ಯಕ್ಷಗಾನ ಭಾಗವತಿಕೆ ಮಾಡುತ್ತಾರೆ, ನಾಟಕ ನಿರ್ದೇಶನ ಮಾಡುತ್ತಾರೆ, ಜೊತೆಗೆ ಸಿನಿಮಾ ನಿರ್ದೇಶನ ಕೂಡ ಮಾಡುತ್ತಾರೆ.</p><img><p>ಈಗಾಗಲೇ ರಮೇಶ್ ಬೇಗಾರ್ ಅವರ ನಿರ್ದೇಶನದ ಎರಡು ಸಿನಿಮಾಗಳಲ್ಲಿ ನಾಗಶ್ರೀ ನಾಯಕಿಯಾಗಿ ನಟಿಸಿದ್ದಾರೆ. ಮೊದಲನೇಯದಾಗಿ ವೈಶಂಪಾಯನ ತೀರದ ಮೂಲಕ ಚಂದನವನಕ್ಕೆ ಎಂಟ್ರಿ ಕೊಟ್ಟರು ನಂತರ ಜಲಪಾತ ಸಿನಿಮಾ ಮೂಲಕ ವೀಕ್ಷಕರ ಮನಸ್ಸು ಗೆದ್ದರು.</p><img><p>ಇದೀಗ ತಂದೆ ರಮೇಶ್ ಬೇಗಾರ್ (Ramesh Begar) ನಿರ್ದೇಶನದ ಹೊಸದೊಂದು ಸಿನಿಮಾದಲ್ಲೂ ನಾಗಶ್ರೀ ನಾಯಕಿಯಾಗಿ ನಟಿಸುತ್ತಿದ್ದಾರೆ. ನಾಗಶ್ರೀ ಹುಟ್ಟುಹಬ್ಬದ ದಿನ ಸಿನಿಮಾದ ಪೋಸ್ಟರ್ ರಿಲೀಸ್ ಆಗಿದ್ದು, ಇವರು ರಾಣಿಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಅನ್ನೋದು ಗೊತ್ತಾಗಿದೆ.</p><img><p>ಇದು ಜಾಣಗೆರೆ ವೆಂಕಟರಾಮಯ್ಯ ಅವರ ಐತಿಹಾಸಿಕ ಕಥೆ ಆಧಾರಿತ ಸಿನಿಮಾವಾಗಿದ್ದು, ಇದು ಪ್ಯಾರೆಲಲ್ ಕಥೆಯಾಗಿದ್ದು, ನಾಗಶ್ರೀ ಎರಡು ಶೇಡ್ ಗಳಲ್ಲಿ ಪಾತ್ರ ನಿರ್ವಹಿಸಲಿದ್ದಾರೆ. ಪೋಸ್ಟರ್ ನಲ್ಲಿ ಹಳೇ ಕಾಲದ ರಾಣಿಯಂತೆ ನಾಗಶ್ರಿ ಸುಂದರವಾಗಿ ಕಾಣಿಸುತ್ತಿದ್ದಾರೆ.</p>
Source link
ಅಪ್ಪನ ನಿರ್ದೇಶನದಲ್ಲೇ ಮತ್ತೊಮ್ಮೆ ಚಂದನವನಕ್ಕೆ ರೀ ಎಂಟ್ರಿ ಕೊಡ್ತಿದ್ದಾರ ಅಣ್ಣಯ್ಯ ನಟಿ?
