2019ರ ವಿಶ್ವಕಪ್ ಸೋಲಿನ ನಂತರ ವಿರಾಟ್ ಕೊಹ್ಲಿ ಅತ್ತಿದ್ದನ್ನು ಕಂಡಿದ್ದಾಗಿ ಯುಜುವೇಂದ್ರ ಚಹಲ್ ಹೇಳಿದ್ದಾರೆ. ತಂಡದ ಎಲ್ಲಾ ಆಟಗಾರರೂ ಬಾತ್ರೂಮ್ನಲ್ಲಿ ಅತ್ತಿದ್ದರು ಎಂದು ಚಹಲ್ ಪಾಡ್ಕಾಸ್ಟ್ನಲ್ಲಿ ಭಾವುಕರಾಗಿ ನೆನಪಿಸಿಕೊಂಡಿದ್ದಾರೆ. ತಮ್ಮ ಬೌಲಿಂಗ್ ಬಗ್ಗೆಯೂ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಮುಂಬೈ: ವಿರಾಟ್ ಕೊಹ್ಲಿ ಅಳೋದನ್ನು ನಾನು ನೋಡಿದ್ದೀನಿ ಅಂತ ಭಾರತದ ಸ್ಪಿನ್ನರ್ ಯುಜುವೇಂದ್ರ ಚಹಲ್ ಹೇಳಿದ್ದಾರೆ. 2019ರ ಏಕದಿನ ವಿಶ್ವಕಪ್ ಸೆಮಿಫೈನಲ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೋತಾಗ ಕೊಹ್ಲಿ ಅತ್ತಿದ್ರು ಅಂತ ಚಹಲ್ ಹೇಳಿದ್ದಾರೆ. ಆ ದಿನ ಕೊಹ್ಲಿ ಮಾತ್ರ ಅಲ್ಲ, ಎಲ್ಲಾ ಆಟಗಾರರೂ ಬಾತ್ರೂಮ್ನಲ್ಲಿ ಅಳ್ತಿದ್ರು ಅಂತ ಚಹಲ್ ಪಾಡ್ಕಾಸ್ಟ್ನಲ್ಲಿ ಹೇಳಿದ್ದಾರೆ.
ಕೊನೆಯ ಬ್ಯಾಟ್ಸ್ಮನ್ ಆಗಿ ನಾನು ಕ್ರೀಸ್ಗೆ ಹೋಗ್ತಿದ್ದಾಗ ಕೊಹ್ಲಿ ಕಣ್ಣಲ್ಲಿ ನೀರು ತುಂಬಿತ್ತು. ಆ ಪಂದ್ಯದಲ್ಲಿ ನಾನು ಇನ್ನೂ ಚೆನ್ನಾಗಿ ಬೌಲಿಂಗ್ ಮಾಡಬಹುದಿತ್ತು ಅಂತ ನನಗೆ ಇನ್ನೂ ಅನ್ನಿಸ್ತಿದೆ. 10 ಓವರ್ನಲ್ಲಿ 63 ರನ್ ಕೊಟ್ಟು ಒಂದೇ ವಿಕೆಟ್ ತೆಗೆದುಕೊಂಡಿದ್ದೆ. ಧೋನಿ ಭಾಯ್ಗೆ ಅದೇ ಕೊನೆಯ ಪಂದ್ಯ ಆಗಿತ್ತು. ಆ ಪಂದ್ಯದಲ್ಲಿ ನಾನು ಇನ್ನೂ ಚೆನ್ನಾಗಿ ಬೌಲಿಂಗ್ ಮಾಡಬಹುದಿತ್ತು ಅಂತ ನನಗೆ ಇನ್ನೂ ಅನ್ನಿಸ್ತಿದೆ. 10-15 ರನ್ ಕಡಿಮೆ ಕೊಟ್ಟಿದ್ರೆ ಚೆನ್ನಾಗಿರುತ್ತಿತ್ತು ಅಂತ ಅಂದುಕೊಳ್ತೀನಿ ಎಂದಿದ್ದಾರೆ.
ಆದ್ರೆ ಕೆಲವೊಮ್ಮೆ ಪಂದ್ಯದಲ್ಲಿ ಹಾಗೆಲ್ಲಾ ಯೋಚನೆ ಮಾಡೋಕೆ ಆಗಲ್ಲ. ಆವೇಶದಲ್ಲಿ ಆಡ್ತೀವಿ. ಆ ದಿನ ಸ್ವಲ್ಪ ಶಾಂತವಾಗಿ ಬೌಲಿಂಗ್ ಮಾಡಿದ್ರೆ ಚೆನ್ನಾಗಿ ಆಡಬಹುದಿತ್ತು. ಆದ್ರೆ ವಿಶ್ವಕಪ್ ಸೆಮಿಫೈನಲ್ ಒತ್ತಡ ನನ್ನ ಮೇಲಿತ್ತು ಅಂತ ಚಹಲ್ ಹೇಳಿದ್ದಾರೆ. 2019ರ ವಿಶ್ವಕಪ್ ಸೆಮಿಫೈನಲ್ನಲ್ಲಿ ನ್ಯೂಜಿಲೆಂಡ್ ಮೊದಲು ಬ್ಯಾಟ್ ಮಾಡಿ 239 ರನ್ ಗಳಿಸಿತ್ತು. ಭಾರತ ಕೇವಲ 221 ರನ್ಗಳಿಗೆ ಆಲೌಟ್ ಆಗಿ 18 ರನ್ಗಳಿಂದ ಸೋತಿತ್ತು.
Scroll to load tweet…
ಇನ್ನು ಇದೇ ವೇಳೆ ಯುಜುವೇಂದ್ರ ಚಹಲ್, ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ನಡುವಿನ ನಾಯಕತ್ವದ ವಿಚಾರವಾಗಿಯೂ ಮನಬಿಚ್ಚಿ ಮಾತನಾಡಿದ್ದಾರೆ. “ರೋಹಿತ್ ಶರ್ಮಾ ಅವರನ್ನು ತಂಡವನ್ನು ಮುನ್ನಡೆಸುವ ರೀತಿ ತುಂಬಾ ಇಷ್ಟವಾಗುತ್ತದೆ. ಅವರೊಬ್ಬ ಒಳ್ಳೆಯ ನಾಯಕ. ಇನ್ನು ವಿರಾಟ್ ಕೊಹ್ಲಿ ತಂಡವನ್ನು ಮುನ್ನಡೆಸುವಾಗ ಪ್ರತಿದಿನ ಎಕ್ಸ್ಟ್ರಾ ಎನರ್ಜಿ ಇರುತ್ತದೆ. ಪ್ರತಿಸಲವೂ ಎನರ್ಜಿ ಹೆಚ್ಚಾಗುತ್ತದೆಯೇ ಹೊರತು ಯಾವಾಗಲೂ ಕಮ್ಮಿಯಾಗುವುದೇ ಇಲ್ಲ ಎಂದು ಚಹಲ್ ಹೇಳಿದ್ದಾರೆ.
ಮಾಜಿ ಪತ್ನಿ ಧನಶ್ರೀ ವರ್ಮಾ ಜೊತೆಗಿನ ವಿಚ್ಛೇದನದ ಬಗ್ಗೆಯೂ ಚಹಲ್ ಮಾತಾಡಿದ್ದಾರೆ. 2020ರಲ್ಲಿ ಚಹಲ್ ಮತ್ತು ಧನಶ್ರೀ ಮದುವೆಯಾಗಿದ್ರು. ಈ ವರ್ಷ ಮಾರ್ಚ್ನಲ್ಲಿ ವಿಚ್ಛೇದನ ಪಡೆದ್ರು.
ವಿಚ್ಛೇದನದ ನಂತರ ಧನಶ್ರೀ ಜೊತೆ ಮಾತಾಡಿಲ್ಲ ಅಥವಾ ಮೆಸೇಜ್ ಮಾಡಿಲ್ಲ ಅಂತ ಚಹಲ್ ಹೇಳಿದ್ದಾರೆ. ವಿಚ್ಛೇದನಕ್ಕೆ ಮೊದಲೇ ನಾವು ಮಾತಾಡೋದು ಕಡಿಮೆ ಆಗಿತ್ತು. 2024ರ ಟಿ20 ವಿಶ್ವಕಪ್ ನಂತರ ಸಂಪೂರ್ಣ ನಿಲ್ಲಿಸಿಬಿಟ್ವಿ. ಅತ್ಯವಶ್ಯಕ ವಿಷಯಗಳಿಗೆ ಮಾತ್ರ ಮಾತಾಡ್ತಿದ್ವಿ. ಈಗ ಬಹಳ ದಿನಗಳಿಂದ ನೇರವಾಗಿ ಭೇಟಿಯಾಗಿಲ್ಲ. ವಿಚ್ಛೇದನ ಅರ್ಜಿ ವಿಚಾರಣೆ ವೇಳೆ ವಿಡಿಯೋ ಕಾಲ್ನಲ್ಲಿ ಕೊನೆಯ ಬಾರಿ ನೋಡಿದ್ದು ಅಂತ ಯುಜುವೇಂದ್ರ ಚಹಲ್ ಹೇಳಿದ್ದಾರೆ.
2024ರ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಟೀಂ ಇಂಡಿಯಾ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಚಹಲ್ ಆಗ ಭಾರತ ತಂಡದ ಭಾಗವಾಗಿದ್ದರು, ಆದರೆ ಒಂದೇ ಒಂದು ಪಂದ್ಯವನ್ನಾಡಲು ಚಹಲ್ಗೆ ಅವಕಾಶ ಸಿಕ್ಕಿರಲಿಲ್ಲ. ಐಪಿಎಲ್ನಲ್ಲಿ ಕಳೆದ ಕೆಲ ವರ್ಷಗಳಿಂದ ಸ್ಥಿರ ಪ್ರದರ್ಶನ ನೀಡುತ್ತಾ ಬಂದಿದ್ದರೂ, ಭಾರತದ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆಯಲು ಚಹಲ್ ವಿಫಲರಾಗುತ್ತಿದ್ದಾರೆ. ಇದಷ್ಟೇ ಅಲ್ಲದೇ ಕೌಟುಂಬಿಕ ಸಮಸ್ಯೆಯ ಹಿನ್ನೆಲೆಯಲ್ಲಿ ಒಂದು ಹಂತದಲ್ಲಿ ತಾವು ಕ್ರಿಕೆಟ್ಗೆ ಗುಡ್ಬೈ ಹೇಳಲು ಯೋಚಿಸಿದ್ದಾಗಿಯೂ ಚಹಲ್ ಹೇಳಿದ್ದಾರೆ.
