: ಭಾರತದಲ್ಲಿ ಮೊಬೈಲ್ ಮೂಲಕ ನಡೆಯುವ ವಹಿವಾಟಿನ ಮೂಲವಾದ ಏಕೀಕೃತ ಪಾವತಿ ಇಂಟರ್ಫೇಸ್ (ಯುಪಿಐ) ಈಗ ವಿಶ್ವದ ಅತಿದೊಡ್ಡ ನೈಜ-ಸಮಯದ ಡಿಜಿಟಲ್ ಪಾವತಿ ವ್ಯವಸ್ಥೆಯಾಗಿ ಹೊರಹೊಮ್ಮಿದೆ. ಈವರೆಗೆ ನಂ.1 ನೈಜ ಸಮಯದ ಪಾವತಿ ವ್ಯವಸ್ಥೆಯಾಗಿದ್ದ ವೀಸಾ ಅನ್ನು ಅದು ಹಿಂದಿಕ್ಕಿದೆ.
ನವದೆಹಲಿ: ಭಾರತದಲ್ಲಿ ಮೊಬೈಲ್ ಮೂಲಕ ನಡೆಯುವ ವಹಿವಾಟಿನ ಮೂಲವಾದ ಏಕೀಕೃತ ಪಾವತಿ ಇಂಟರ್ಫೇಸ್ (ಯುಪಿಐ) ಈಗ ವಿಶ್ವದ ಅತಿದೊಡ್ಡ ನೈಜ-ಸಮಯದ ಡಿಜಿಟಲ್ ಪಾವತಿ ವ್ಯವಸ್ಥೆಯಾಗಿ ಹೊರಹೊಮ್ಮಿದೆ. ಈವರೆಗೆ ನಂ.1 ನೈಜ ಸಮಯದ ಪಾವತಿ ವ್ಯವಸ್ಥೆಯಾಗಿದ್ದ ವೀಸಾ ಅನ್ನು ಅದು ಹಿಂದಿಕ್ಕಿದೆ.
ಮೇ-ಜೂನ್ 2025ರಲ್ಲಿ ಪ್ರತಿದಿನ 65 ಕೋಟಿ ವಹಿವಾಟುಗಳನ್ನು ಮಾಡುವ ಮೂಲಕ, ಯುಪಿಐ, ವೀಸಾವನ್ನು ಮೀರಿಸಿದೆ. ಈ ಅವಧಿಯಲ್ಲಿ 63.9 ಕೋಟಿ ವಹಿವಾಟು ನಡೆಸಿದೆ. ವೀಸಾ 200 ದೇಶಗಳಲ್ಲಿ ಜಾರಿಯಲ್ಲಿದ್ದರೆ, ಯುಪಿಐ ಭಾರತ ಸೇರಿ ಕೇವಲ 7 ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಆದರೂ ವೀಸಾವನ್ನು ಯುಪಿಐ ಮೀರಿಸಿದ್ದು ಇಲ್ಲಿ ಗಮನಾರ್ಹ.
ಕಳೆದ ತಿಂಗಳೇ ಈ ಸಾಧನೆ ಮಾಡಲಾಗಿದ್ದು, ನೀತಿ ಆಯೋಗದ ಮಾಜಿ ಸಿಇಒ ಅಮಿತಾಭ್ ಕಾಂತ್ ಇದನ್ನು ಟ್ವೀಟರ್ನಲ್ಲಿ ಬಹಿರಂಗಪಡಿಸಿದ್ದಾರೆ.
ಯುಪಿಐ ಮೂಲಕ ಭಾರತದಲ್ಲಿ ಗೂಗಲ್ ಪೇ, ಫೋನ್ ಪೇ, ಭೀಮ್ ಯುಪಿಐ, ಅಮೇಜಾನ್ ಪೇ, ವಾಟ್ಸಾಪ್ ಪೇ ಸೇರಿದಂತೆ ಹಲವು ಡಿಜಿಟಲ್ ಪಾವತಿ ಕಂಪನಿಗಳು ಸೇವೆ ಒದಗಿಸುತ್ತವೆ. ಬ್ಯಾಂಕ್ ಖಾತೆಯನ್ನು ಜನರು ಈ ಆ್ಯಪ್ಗಳಲ್ಲಿ ಲಿಂಕ್ ಮಾಡಬೇಕು. ಕೆಲವೇ ಕ್ಷಣಗಳಲ್ಲಿ ಒಬ್ಬರಿಂದ ಇನ್ನೊಬ್ಬರಿಗೆ ಇದರಿಂದ ಹಣ ಪಾವತಿ ಆಗುತ್ತದೆ. ಮೊಬೈಲ್ ಮೂಲಕ ಹಣ ಕಸಿಸುವ ವ್ಯವಸ್ಥೆ ಆಗಿರುವ ಕಾರಣ ಹಳ್ಳಿ ಹಳ್ಳಿಗಳಲ್ಲೂ ಇದು ಜನಪ್ರಿಯವಾಗಿದೆ.
ಯುಪಿಐ ಬಳಕೆದಾರರಿಗೆ ಶಾಕ್: ಬ್ಯಾಲೆನ್ಸ್ ಚೆಕ್, ಆಟೋಪೇ ನಿಯಮದಲ್ಲಿ ಬದಲಾವಣೆ
ಗೂಗಲ್ ಪೇ (Google Pay), ಪೇಟಿಎಂ (Paytm), ಫೋನ್ ಪೇ (Phone Pay) ಬಳಸುವ ಜನರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗ್ತಿದೆ. ಸಣ್ಣ ತರಕಾರಿ ಇರಲಿ ದೊಡ್ಡ ಮನೆ ಸಾಮಗ್ರಿ ಇರಲಿ, ಜನರು ಕ್ಯಾಶ್ ಕಿಂತ ಆನ್ಲೈನ್ ಪೇಮೆಂಟ್ ಇಷ್ಟಪಡ್ತಾರೆ. ಕೈನಲ್ಲಿ ಕ್ಯಾಶ್ ಹಿಡಿದು ಪ್ರಯಾಣ ಬೆಳೆಸುವುದಕ್ಕಿಂತ ಇದು ಸುರಕ್ಷಿತ. ನೀವೂ ಯುಪಿಐ ((UPI)) ಮೂಲಕ ಹಣ ಪಾವತಿ ಮಾಡುವವರಾಗಿದ್ದರೆ ನಿಮಗೊಂದು ಮಹತ್ವದ ಸುದ್ದಿ ಇದೆ. ಜುಲೈ 31 ರ ನಂತ್ರ ಯುಪಿಐ ನಿಯಮದಲ್ಲಿ ಬದಲಾವಣೆ ಆಗಲಿದೆ.
ಯುಪಿಐ ತನ್ನ ಸೇವೆಯನ್ನು ಮತ್ತಷ್ಟು ಸುಧಾರಿಸಲು ಆಗಸ್ಟ್ 1, 2025 ರಿಂದ ಹೊಸ ನಿಯಮಗಳನ್ನು ಜಾರಿಗೆ ತರಲು ಮುಂದಾಗಿದೆ ಎಂದು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಘೋಷಿಸಿದೆ. ಈ ಬದಲಾವಣೆ ತಾಂತ್ರಿಕ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಸಾಮಾನ್ಯ ಜನರಿಗೆ ಯುಪಿಐ ಬಳಕೆ ಮತ್ತಷ್ಟು ಸುಲಭವಾಗುತ್ತದೆ. ಆದ್ರೆ ಇದು ಕೆಲವು ದೈನಂದಿನ ಕಾರ್ಯಗಳ ಮೇಲೆ ಪರಿಣಾಮ ಬೀರುತ್ತದೆ.
