ಯೆಮೆನ್ನಲ್ಲಿ ಮರಣದಂಡನೆಗೆ ಗುರಿಯಾಗಿದ್ದ ನಿಮಿಷಾ ಪ್ರಿಯಾ ಅವರ ಶಿಕ್ಷೆಯನ್ನು ಮುಂದೂಡಲಾಗಿದೆ. ಕಾಂತಪುರಂ ಎ.ಪಿ. ಅಬೂಬಕರ್ ಮುಸ್ಲಿಯಾರ್ ನೇತೃತ್ವದಲ್ಲಿ ನಡೆದ ಮಧ್ಯಸ್ಥಿಕೆ ಚರ್ಚೆಗಳು ಈ ಬೆಳವಣಿಗೆಗೆ ಕಾರಣ ಎನ್ನಲಾಗಿದೆ
ಪರಿಹಾರ ನಿಧಿ ಸ್ವೀಕರಿಸುವರೆಗೂ ಈ ಚರ್ಚೆಗಳು ನಡೆಯುವ ಸಾಧ್ಯತೆಗಳಿವೆ. ಕಾಂತಪುರಂ ಎ.ಪಿ. ಅಬೂಬಕರ್ ಮುಸ್ಲಿಯಾರ್ ನಡೆಸಿದ ಚರ್ಚೆಗಳು ನಿಮಿಷಾ ಅವರ ಮರಣದಂಡನೆಯನ್ನು ಮುಂದೂಡಲು ಕಾರಣರಾಗಿದ್ದಾರೆ.
ಕ್ಷಮಿಸುವುದಿಲ್ಲ, ರಾಜಿ ಇಲ್ಲ, ಪರಿಹಾರ ಹಣವನ್ನು ಬೇಡ ಎಂದು ತಲಾಲ್ ಸಹೋದರ ಹೇಳಿದ್ದಾಗಿ ವರದಿಯಾಗಿದೆ. ಮರಣದಂಡನೆಯನ್ನು ತಪ್ಪಿಸುವ ಬಗ್ಗೆ ಕೊಲೆಯಾದ ತಲಾಲ್ ಕುಟುಂಬದಲ್ಲಿ ಒಮ್ಮತವಿಲ್ಲ. ಈ ಸಂಬಂಧ ಇನ್ನು ಹೆಚ್ಚಿನ ಮಾತುಕತೆಯ ಅಗತ್ಯವಿದೆ ಎಂದು ಮಧ್ಯಸ್ಥಿಕೆ ಪ್ರಯತ್ನ ನಡೆಸುತ್ತಿರುವವರು ಹೇಳಿದ್ದಾರೆ. ಶಿಕ್ಷೆಯನ್ನು ಮುಂದೂಡಲಾಗಿರುವುದರಿಂದ ಕೇಂದ್ರ ಸರ್ಕಾರ ಮತ್ತೆ ಮಧ್ಯಪ್ರವೇಶಿಸಲು ಪ್ರಯತ್ನಿಸುತ್ತಿದೆ. ಆದ್ರೆ ಈವರೆಗೆ ವಿದೇಶಾಂಗ ಸಚಿವಾಲಯ ಈ ಬಗ್ಗೆ ಯಾವುದೇ ಹೇಳಿಕೆ ನೀಡಿಲ್ಲ. ಯೆಮೆನ್ನಲ್ಲಿ ಕಾನೂನು ಸುವ್ಯವಸ್ಥೆಗೆ ಧಕ್ಕೆಯಾಗದಂತೆ ನೋಡಿಕೊಳ್ಳಬೇಕು ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ.
ನಿಮಿಷಾ ಪ್ರಿಯಾ ಬಿಡುಗಡೆ ಪ್ರಯತ್ನ: ಇಲ್ಲಿಯವರೆಗೆ ನಡೆದ ಬೆಳವಣಿಗೆಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ
2017 ಜುಲೈ 25: ಯೆಮೆನ್ನಲ್ಲಿ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದಾಗ ಸ್ವಂತ ಕ್ಲಿನಿಕ್ ತೆರೆಯಲು ಸಹಾಯ ಮಾಡುವುದಾಗಿ ಹೇಳಿ ಬಂದ ಯೆಮೆನ್ ಪ್ರಜೆ ತಲಾಲ್ ಅಬ್ದುಲ್ ಮಹದಿ ಎಂಬಾತನನ್ನ ನಿಮಿಷಾ ಪ್ರಿಯಾ ಕೊಲೆ ಮಾಡುತ್ತಾರೆ. ಪಾಸ್ಪೋರ್ಟ್ ವಶಪಡಿಸಿಕೊಂಡು ಕ್ರೂರವಾಗಿ ಚಿತ್ರಹಿಂಸೆ ನೀಡಿದ್ದೇ ಕೊಲೆಗೆ ಕಾರಣ ಎಂದು ನಿಮಿಷಾ ಪ್ರಿಯಾ ಹೇಳಿಕೆ ನೀಡಿದ್ದಾರೆ.
2018: ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿಮಿಷಾ ಪ್ರಿಯಾ ಅವರಿಗೆ ಮರಣದಂಡನೆ ವಿಧಿಸಲಾಯಿತು.
2022: ಮರಣದಂಡನೆ ವಿರುದ್ಧದ ಸಲ್ಲಿಕೆಯಾಗಿದ್ದ ಮೇಲ್ಮನವಿ ವಜಾ.
2024: ಯೆಮೆನ್ ಸುಪ್ರೀಂ ಕೋರ್ಟ್ ಮರಣದಂಡನೆಯನ್ನು ಎತ್ತಿಹಿಡಿಯಿತು. ಇದರೊಂದಿಗೆ ಕೊಲೆಯಾದ ವ್ಯಕ್ತಿಯ ಕುಟುಂಬ ಕ್ಷಮಿಸುವುದು ಮಾತ್ರ ಉಳಿದಿರುವ ಮಾರ್ಗ.
ಪರಿಹಾರ ಹಣ ಅಥವಾ ಬ್ಲಡ್ ಮನಿ ಬಗ್ಗೆ ಗೊಂದಲ ಮತ್ತು ಕೊಲೆಯಾದ ತಲಾಲ್ ಕುಟುಂಬದಲ್ಲಿ ಒಮ್ಮತದ ಕೊರತೆ ಚರ್ಚೆಗಳಿಗೆ ಅಡ್ಡಿಯಾಯಿತು.
2024 ಏಪ್ರಿಲ್: ಯೆಮೆನ್ಗೆ ಬಂದ ನಿಮಿಷಾ ಪ್ರಿಯಾ ಅವರ ತಾಯಿ ಪ್ರೇಮಕುಮಾರಿ ಅವರಿಗೆ ನಿಮಿಷಾ ಅವರನ್ನು ಭೇಟಿಯಾಗಲು ಅವಕಾಶ ಸಿಕ್ಕಿತು.
2024 ಡಿಸೆಂಬರ್ ಅಂತ್ಯ: ಯೆಮೆನ್ ಅಧ್ಯಕ್ಷರು ನಿಮಿಷಾ ಪ್ರಿಯಾ ಅವರ ಮರಣದಂಡನೆಗೆ ಅನುಮತಿ ನೀಡಿದರು. ಸಾಮಾಜಿಕ ಕಾರ್ಯಕರ್ತ ಸ್ಯಾಮ್ಯುಯೆಲ್ ಜೆರೋಮ್ ಜೊತೆ ನಿಮಿಷಾ ಪ್ರಿಯಾ ಅವರ ತಾಯಿ ಯೆಮೆನ್ನಲ್ಲಿ ಬಿಡುಗಡೆ ಪ್ರಯತ್ನ ನಡೆಸುತ್ತಿದ್ದಾಗ ಮರಣದಂಡನೆಗೆ ಅನುಮತಿ ನೀಡಲಾಗಿದೆ ಎಂಬ ಸುದ್ದಿ ಹೊರಬಿತ್ತು. ಬಿಡುಗಡೆ ಬಗ್ಗೆ ಸಕಾರಾತ್ಮಕ ಸುಳಿವುಗಳಿವೆ ಎಂದು ಯೆಮೆನ್ನಲ್ಲಿ ಕೆಲಸ ಮಾಡುತ್ತಿರುವ ಸಾಮಾಜಿಕ ಕಾರ್ಯಕರ್ತ ಸ್ಯಾಮ್ಯುಯೆಲ್ ಜೆರೋಮ್ ಹೇಳಿದ್ದಾರೆ. ಮಾನವೀಯತೆಯ ಆಧಾರದ ಮೇಲೆ ಮಧ್ಯಪ್ರವೇಶಿಸಲು ಸಿದ್ಧ ಎಂದು ಇರಾನ್ ತಿಳಿಸಿದೆ. ಇರಾನ್ ವಿದೇಶಾಂಗ ಉಪ ಮಂತ್ರಿಯವರ ಭಾರತ ಭೇಟಿಯ ಸಂದರ್ಭದಲ್ಲಿ ಈ ವಿಷಯ ತಿಳಿದುಬಂದಿದೆ.
ಜುಲೈ 16 ರಂದು ನಿಮಿಷಾ ಪ್ರಿಯಾ ಅವರ ಮರಣದಂಡನೆ ನಡೆಸಲು ಯೆಮೆನ್ ಜೈಲು ಅಧಿಕಾರಿಗಳು ನಿರ್ಧರಿಸಿದ್ದರು.ಮರಣದಂಡನೆಯನ್ನು ತಪ್ಪಿಸಲು ತೀವ್ರ ಪ್ರಯತ್ನಗಳು ನಡೆಯುತ್ತಿವೆ ಎಂದು ಜುಲೈ 9 ರಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿದ್ದವು. ತುರ್ತು ಮಧ್ಯಪ್ರವೇಶಕ್ಕೆ ಕೋರಿ ಕೆ. ರಾಧಾಕೃಷ್ಣನ್ ಸಂಸದರು ಪ್ರಧಾನಿಗಳಿಗೆ ಪತ್ರ ಬರೆದಿದ್ದಾರೆ.
ಯೆಮೆನ್ ಪ್ರಜೆಯ ಕುಟುಂಬ ಬ್ಲಡ್ ಮನಿ ಸ್ವೀಕರಿಸಲು ಸಿದ್ಧವಿಲ್ಲದಿರುವುದು ಬಹುದೊಡ್ಡಮ ಸಮಸ್ಯೆಯಾಗಿದೆ. ಇತ್ತ ಮರಣದಂಡನೆಯನ್ನು ತಪ್ಪಿಸಲು ತೀವ್ರ ಪ್ರಯತ್ನಗಳು ನಡೆಯುತ್ತಿವೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.
ಜುಲೈ 10 ರಂದು ಕೇಂದ್ರದ ತುರ್ತು ಮಧ್ಯಪ್ರವೇಶಕ್ಕೆ ಕೋರಿ ಸುಪ್ರೀಂ ಕೋರ್ಟ್ನಲ್ಲಿ ಸೇವ್ ನಿಮಿಷಾ ಪ್ರಿಯಾ ಆಕ್ಷನ್ ಕೌನ್ಸಿಲ್ ಅರ್ಜಿ ಸಲ್ಲಿಸಿದೆ. ವಿರೋಧ ಪಕ್ಷದ ನಾಯಕ ವಿ.ಡಿ. ಸತೀಶನ್ ಮತ್ತು ಜೋಸ್ ಕೆ. ಮಾಣಿ ರಾಷ್ಟ್ರಪತಿಗೆ ಪತ್ರ ಬರೆದಿದ್ರು. ಈ ಸಂಬಂಧ ರಾಜ್ಯಪಾಲರನ್ನು ಭೇಟಿಯಾದ ಚಾಂಡಿ ಉಮ್ಮನ್ ಶಾಸಕ, ಬಿಡುಗಡೆಗೆ ಬೇಕಾದ ಎಲ್ಲವನ್ನೂ ಮಾಡುತ್ತಿದ್ದೇವೆ ಎಂದ ರಾಜ್ಯಪಾಲರು. ಯೆಮೆನ್ ಕುಟುಂಬ ಬ್ಲಡ್ ಮನಿ ಕೇಳಿಲ್ಲ, ಕೇಳಿದರೆ ಕೊಡಲು ಸಿದ್ಧ ಎಂದ ನಿಮಿಷಾ ಪ್ರಿಯಾ ಅವರ ಪತಿ ಟಾಮಿ ಥಾಮಸ್. ಯೆಮೆನ್ನಲ್ಲಿ ಮರಣದಂಡನೆಗೆ ಗುರಿಯಾಗಿರುವ ಮಲಯಾಳಿ ನರ್ಸ್ ನಿಮಿಷಾ ಪ್ರಿಯಾ ಅವರ ಬಿಡುಗಡೆಗಾಗಿ ಕೇಂದ್ರ ಸರ್ಕಾರ ಸುಪ್ರೀಂ ಕೋರ್ಟ್ನಲ್ಲಿ ಅರ್ಜಿ ಸಲ್ಲಿಸಿದೆ.ಜುಲೈ 13 ರಂದು ತಕ್ಷಣ ಮಧ್ಯಪ್ರವೇಶಿಸಬೇಕೆಂದು ಕೋರಿ ಪ್ರಧಾನಿಗೆ ಮತ್ತೆ ಮುಖ್ಯಮಂತ್ರಿ ಪತ್ರ ಬರೆದಿದ್ದಾರೆ.
ನಿರ್ಣಾಯಕ ಮಧ್ಯಪ್ರವೇಶ ನಡೆಸಿದ ಕಾಂತಪುರಂ ಎ.ಪಿ. ಅಬೂಬಕರ್ ಮುಸ್ಲಿಯಾರ್, ಯೆಮೆನ್ನ ಧಾರ್ಮಿಕ ಮುಖಂಡರೊಂದಿಗೆ ಮಾತುಕತೆ ನಡೆಸಿದರು. ಕೊಲೆಯಾದ ತಲಾಲ್ ಸಹೋದರನೊಂದಿಗೂ ಕಾಂತಪುರಂ ಮಾತನಾಡಿದರು. ಚಾಂಡಿ ಉಮ್ಮನ್ ಶಾಸಕರು ಕೂಡ ಈ ವಿಷಯದಲ್ಲಿ ಕಾಂತಪುರಂ ಅವರ ಮಧ್ಯಪ್ರವೇಶ ಕೋರಿದ್ದರು. ಮರಣದಂಡನೆ ನಡೆದರೆ ದುಃಖಕರ ಎಂದ ಸುಪ್ರೀಂ ಕೋರ್ಟ್, ಇನ್ನೇನೂ ಮಾಡಲು ಸಾಧ್ಯವಿಲ್ಲ ಎಂದ ಕೇಂದ್ರ.ಹೆಚ್ಚಿನ ಚರ್ಚೆ ನಡೆಸಿದ ಕಾಂತಪುರಂ, ಉತ್ತರ ಯೆಮೆನ್ನಲ್ಲಿ ತುರ್ತು ಸಭೆ, ತಲಾಲ್ ಸಹೋದರ ಕೂಡ ಸಭೆಯಲ್ಲಿ ಭಾಗವಹಿಸಿದ್ದರು.
ಮರಣದಂಡನೆಯನ್ನು ತಡೆಯಲು ಸಾಧ್ಯವಿರುವ ಎಲ್ಲವನ್ನೂ ಮಾಡುತ್ತಿದ್ದೇವೆ ಎಂದ ಕೇಂದ್ರ. ವ್ಯಾಟಿಕನ್ ಮಧ್ಯಪ್ರವೇಶ ಕೋರಿ ಸೇವ್ ನಿಮಿಷಾ ಪ್ರಿಯಾ ಗ್ಲೋಬಲ್ ಆಕ್ಷನ್ ಕೌನ್ಸಿಲ್ ಉಪಾಧ್ಯಕ್ಷ ಅಡ್ವೊಕೇಟ್ ದೀಪಾ ಜೋಸೆಫ್ ಭಾರತದಲ್ಲಿರುವ ವ್ಯಾಟಿಕನ್ ರಾಯಭಾರಿಗೆ ಮನವಿ ಸಲ್ಲಿಸಿದ್ದಾರೆ. ದಿಯಾ ಹಣ ಸ್ವೀಕರಿಸಿ ಕ್ಷಮಿಸಬೇಕೆಂಬ ಸಲಹೆಗೆ ಪ್ರತಿಕ್ರಿಯಿಸದ ಯೆಮೆನ್ ಪ್ರಜೆಯ ಕುಟುಂಬ, ನಾಳೆಯೂ ಚರ್ಚೆ ಮುಂದುವರಿಯಲಿದೆ ಎಂದ ಪ್ರತಿನಿಧಿ ತಂಡ. ಮರಣದಂಡನೆಯನ್ನು ತಪ್ಪಿಸಲು ಕೊನೆಯ ಹಂತದ ಮಾತುಕತೆ, ಪರಿಸ್ಥಿತಿ ತುಂಬಾ ಸಂಕೀರ್ಣ ಎಂದ ಕೇಂದ್ರ.
ಕಾಂತಪುರಂ ಎ.ಪಿ. ಅಬೂಬಕರ್ ಮುಸ್ಲಿಯಾರ್ ಅವರ ಮಧ್ಯಪ್ರವೇಶದ ನಂತರ ನಡೆದ ಚರ್ಚೆಗಳು ಎಲ್ಲ ರೀತಿಯಲ್ಲೂ ಅನುಕೂಲಕರವಾಗಿ ನಡೆಯುತ್ತಿವೆ ಎಂದು ಕಾಂತಪುರಂ ಕಚೇರಿ ತಿಳಿಸಿದೆ. ರಾಜ್ಯಪಾಲರು ಮಧ್ಯಪ್ರವೇಶಿಸಿದ್ದಾರೆ, ವಿದೇಶಾಂಗ ಸಚಿವಾಲಯ ಮತ್ತು ಎಂ.ಎ. ಯೂಸುಫಲಿ ಜೊತೆ ಮಾತನಾಡಿದ್ದಾರೆ. ಮರಣದಂಡನೆಗೆ ಕೇವಲ ಒಂದು ದಿನ ಮೊದಲು ನಿಮಿಷಾ ಪ್ರಿಯಾ ಅವರ ಮರಣದಂಡನೆಯನ್ನು ಮುಂದೂಡಲಾಗಿದೆ ಎಂಬ ಸುದ್ದಿ ಹೊರಬಿತ್ತು. ನಿಮಿಷಾ ಪ್ರಿಯಾ ಅವರ ಮರಣದಂಡನೆಯನ್ನು ಮುಂದೂಡಿರುವುದನ್ನು ಕೇಂದ್ರ ದೃಢಪಡಿಸಿದೆ. ನಿಮಿಷಾ ಪ್ರಿಯಾ ಪರವಾಗಿ ಕಾಂತಪುರಂ ಸೇರಿದಂತೆ ನಡೆಯುತ್ತಿರುವ ಮಧ್ಯಪ್ರವೇಶಗಳಿಗೆ ಪೂರ್ಣ ಬೆಂಬಲ, ಕೇಂದ್ರದ ಮಧ್ಯಪ್ರವೇಶ ರಾಜತಾಂತ್ರಿಕ ಮಟ್ಟದಲ್ಲಿದೆ ಎಂದ ಅನಿಲ್ ಆಂಟನಿ.
ನಿಮಿಷಾ ಪ್ರಿಯಾ ಅವರ ಶಿಕ್ಷೆಯನ್ನು ಮುಂದೂಡುವಲ್ಲಿ ಸರ್ಕಾರ ಮಧ್ಯಪ್ರವೇಶಿಸಿದೆ, ಮಾನವೀಯ ನಿಲುವು ತೆಗೆದುಕೊಂಡಿದೆ ಎಂದ ಎಂ.ವಿ. ಗೋವಿಂದನ್. ಅಧಿಕೃತ ತೀರ್ಪಿನ ಪ್ರತಿ ಬಿಡುಗಡೆ ಮಾಡಿ ವಿವರಗಳನ್ನು ಹಂಚಿಕೊಂಡ ಕಾಂತಪುರಂ. ಮಾನವೀಯತೆಯ ಆಧಾರದ ಮೇಲೆ ಮಧ್ಯಪ್ರವೇಶಿಸಿದೆ ಎಂದ ಕಾಂತಪುರಂ. ನಿಮಿಷಾ ಪ್ರಿಯಾ ಅವರಿಗೆ ಕ್ಷಮೆ ಇಲ್ಲ’, ರಾಜಿ ಇಲ್ಲ ಎಂಬ ನಿಲುವು ತೆಗೆದುಕೊಂಡಿರುವ ಕೊಲೆಯಾದ ತಲಾಲ್ ಸಹೋದರ, ಮಧ್ಯಸ್ಥಿಕೆ ಮಾತುಕತೆಗಳು ಮುಂದುವರಿಯಲಿವೆ.
