<p>ಸ್ಯಾಂಡಲ್ವುಡ್ ನಟಿ ಚೈತ್ರಾ ಆಚಾರ್ ಇತ್ತೀಚೆಗೆ ಬೋಲ್ಡ್ ಅವತಾರದಲ್ಲಿ ಕಾಣಿಸಿಕೊಂಡು ಶಾಕ್ ನೀಡಿದ್ದರು. ಇದೀಗ ಸೀರೆಯುಟ್ಟು ಮುದ್ದಾಗಿ ಕಾಣಿಸುತ್ತಿದ್ದಾರೆ ಚೆಲುವೆ.</p><p> </p><img><p>ಚಂದನವನದಲ್ಲಿ ತಮ್ಮ ಬೋಲ್ಡ್ ಲುಕ್, ಬೋಲ್ಡ್ ಪಾತ್ರದ ಮೂಲಕವೇ ಗಮನ ಸೆಳೆಯುವ ಚೆಲುವೆ ಅಂದ್ರೆ ಅದು ಚೈತ್ರಾ ಆಚಾರ್. ಈಕೆ ತನ್ನ ಅಧ್ಬುತ ನಟನೆಯ ಮೂಲಕ ಕೆಲವೇ ಸಮಯದಲ್ಲಿ ಅಪಾರ ಅಭಿಮಾನಿಗಳನ್ನು ಪಡೆದಿದ್ದಾರೆ.</p><img><p>ಚೈತ್ರಾ ಆಚಾರ್ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿದ್ದು, ದಿನಕ್ಕೊಂದು ಫೋಟೊ ಶೇರ್ ಮಾಡುವ ಮೂಲಕ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗೆ ಹಾಕಿದ್ದ ಫೋಟೊ ಶೂಟ್ ಸಿಕ್ಕಪಟ್ಟೆ ಸದ್ದು ಮಾಡಿತ್ತು.</p><img><p>ಇತ್ತೀಚೆಗೆ ಒಳಉಡುಪು ಕಾಣುವಂತೆ ಜೀನ್ಸ್ ಧರಿಸಿ ಪೋಸ್ ಕೊಟ್ಟು ಇಂಟರ್ನೆಟಲ್ಲಿ ಕಾವೇರಿಸಿದ್ದರು. ನೀಲಿ ಬಣ್ಣದ ಜೀನ್ಸ್ ಧರಿಸಿ, ಬಿಳಿ ಬಣ್ಣದ ಸ್ಲೀವ್ ಲೆಸ್ ಬನಿಯನ್ ಧರಿಸಿ, ಬಿಳಿ ಬಣ್ಣದ ಒಳ ಉಡುಪು ಕಾಣುವಂತೆ ಪೋಸ್ ಕೊಟ್ಟಿದ್ದರು.</p><img><p>ತಮ್ಮ ಬೋಲ್ಡ್ ಲುಕ್ ನಿಂದಾಗಿಯೇ ನಟಿ ಟ್ರೋಲಿಗರಿಗೆ ಆಹಾರವಾಗಿದ್ದರು. ಕನ್ನಡ ನಟಿಗೆ ಯಾಕೀ ಅವತಾರ ಎಂದು ಜನ ಕೇಳುವಂತಾಗಿತ್ತು. ಸೋಶಿಯಲ್ ಮೀಡಿಯಾ ಪೂರ್ತಿ ಅಪಸ್ವರಗಳು ಕೇಳಿ ಬರುತ್ತಿದ್ದವು. ಆದರೆ ನಟಿ ಮಾತ್ರ ಯಾವುದಕ್ಕೂ ಕ್ಯಾರೇ ಅನ್ನೋದೆ ಇಲ್ಲ.</p><img><p>ಇದೀಗ ಹೊಸದಾದ ಫೋಟೊ ಶೂಟ್ ಶೇರ್ ಮಾಡಿದ್ದಾರೆ ನಟಿ. ಬೋಲ್ಡ್ ಅವತಾರ ಬಿಟ್ಟು ಚೈತ್ರಾ ಕಪ್ಪು ಬಣ್ಣದ ಸೀರೆಯಲ್ಲಿ ಮುದ್ದಾಗಿ ಕಾಣಿಸಿಕೊಂಡು ಪೋಸ್ ಕೊಟ್ಟಿದ್ದಾರೆ.</p><img><p>ಕಪ್ಪು ಮತ್ತು ಹಳದಿ ಬಣ್ಣದ ಕಾಟನ್ ಸೀರೆಯುಟ್ಟು ನೀ..ನಗುತಿರೆ..ಹೂವು ಅರಳುವುದು ಎಂದು ಡಾ. ರಾಜಕುಮಾರ್ ಅವರ ಹಾಡನ್ನು ಕ್ಯಾಪ್ಶನ್ ಕೊಟ್ಟಿದ್ದಾರೆ. ಸಿಂಪಲ್ ಲುಕ್ ನಲ್ಲಿ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ.</p><img><p>ಕಾಟನ್ ಸೀರೆ ಜೊತೆ ಮೆಟಲ್ ಬಳೆ, ಅದಕ್ಕೆ ಮ್ಯಾಚ್ ಆಗುವ ಸರ, ಕಾಲ್ಗೆಜ್ಜೆ, ಧರಿಸಿರುವ ಚೈತ್ರಾ ಒಂದೊಂದು ಫೋಟೊದಲ್ಲಿ ಬೇರೆ ಬೇರೆ ಪೋಸ್ ಕೊಟ್ಟು, ಕಟ್ಟಲ್ಲೇ ನೂರೆಂಟ್ ಎಕ್ಸ್ ಪ್ರೆಶನ್ ಕೊಡುವ ಮೂಲಕ ಎಕ್ಸ್ ಪ್ರೆಶನ್ ಕ್ವೀನ್ ಎನಿಸಿಕೊಂಡಿದ್ದಾರೆ.</p><img><p>ಸದ್ಯ ಚೈತ್ರಾ ಆಚಾರ್ ತಮಿಳಿನಲ್ಲಿ ನಟ ಸಿದ್ಧಾರ್ಥ್, ಶರತ್ ಕುಮಾರ್ ಅವರೊಂದಿಗೆ ‘3 ಬಿಎಚ್ಕೆ’ ಸಿನಿಮಾದಲ್ಲಿ ನಟಿಸಿದ್ದು, ಈ ಸಿನಿಮಾ ಸಿನಿರಸಿಕರ ಮನಸ್ಸು ಗೆದ್ದಿದ್ದು, ಸಿಕ್ಕಾಪಟ್ಟೆ ಯಶಸ್ಸು ಗಳಿಸಿದೆ.</p><img><p>ಕನ್ನಡದಲ್ಲಿ ಚೈತ್ರಾ ಆಚಾರ್ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ‘ಉತ್ತರಕಾಂಡ’, ‘ಮಾರ್ನಮಿ’ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.</p>
Source link
ಬೋಲ್ಡ್ ಪೋಸ್ ಕೊಟ್ಟು ಟ್ರೋಲ್ ಆದ ಬಳಿಕ ಇದೀಗ ಸೀರೆಯಲ್ಲಿ ಕಾಣಿಸಿಕೊಂಡ ಚೈತ್ರಾ ಆಚಾರ್
