ಸೆನ್ಸಾರ್ ಬೋರ್ಡ್ ನಲ್ಲೇ ವಿವಾದ ಸೃಷ್ಟಿಸಿದ ಈ ಸಿನಿಮಾ… ಸದ್ಯ OTTಯಲ್ಲಿ ಸೆನ್ಸೇಶನ್ ಸೃಷ್ಟಿಸಿದೆ

<p>ಸಾಕಷ್ಟು ವಿವಾದಗಳನ್ನು ಸೃಷ್ಟಿಸಿ, ಸೆನ್ಸಾರ್ ಮಂಡಳಿಯಿಂದ 96 ಜಾಗಗಳಲ್ಲಿ ಕತ್ತರಿ ಹಾಕಿತ್ತು ಮತ್ತು ಹೆಸರು ಬದಲಾವಣೆಗೂ ಕೂಡ ತಿಳಿಸಲಾಗಿತ್ತು. ಸದ್ಯ ಒಟಿಟಿಯಲ್ಲಿ ರಿಲೀಸ್ ಆಗಿರುವ ಸಿನಿಮಾ ಕುರಿತು ಮಾಹಿತಿ ಇಲ್ಲಿದೆ.</p><img><p>ಜಾನಕಿ vs ಸ್ಟೇಟ್ ಆಫ್ ಕೇರಳ OTT ಯಲ್ಲಿ ಈಗಾಗಲೇ ರಿಲೀಸ್ ಆಗಿ ಸದ್ದು ಮಾಡುತ್ತಿದೆ. ಈ ಚಿತ್ರವು ಈಗಾಗಲೇ ಥಿಯೇಟ್ರಿಕಲ್ ಬಿಡುಗಡೆಯಾಗಿ ಹಲವಾರು ವಿವಾದಗಳು, ಕಾನೂನು ಹೋರಾಟಗಳು ಮತ್ತು ಕಾನೂನು ಜಗಳಗಳಲ್ಲಿ ಸಿಲುಕಿಕೊಂಡಿತ್ತು . ಕೊನೆಗೆ ಒಟ್ಟಿಯಲ್ಲಿ ರಿಲೀಸ್ ಆಗಿದೆ.</p><img><p>ಈ ಚಿತ್ರದ ದೃಶ್ಯಗಳು ಎಷ್ಟು ವಿವಾದ ಸೃಷ್ಟಿಸಿತ್ತು ಅಂದ್ರೆ, ಸೆನ್ಸಾರ್ ಮಂಡಲಿ, ಈ ಸಿನಿಮಾದ 96 ದೃಶ್ಯಗಳಿಗೆ ಕತ್ತರಿ ಹಾಕಲು ನಿರ್ಧರಿಸಿತ್ತು. ಆದರೆ ಅದನ್ನು ಚಿತ್ರತಂಡ ಒಪ್ಪಿಗೆ ನೀಡಿರಲಿಲ್ಲ.</p><img><p>ಕೊನೆಗೆ ತನ್ನ ಹಳೆಯ ನಿರ್ಧಾರವನ್ನು ಹಿಂತೆಗೆದುಕೊಂಡಿರುವ ಮಂಡಳಿಯು ಕೇವಲ ಎರಡು ಸಣ್ಣ ಬದಲಾವಣೆಗಳೊಂದಿಗೆ ಚಿತ್ರವನ್ನು ಅಂಗೀಕರಿಸಲು ನಿರ್ಧರಿಸಿದೆ.</p><img><p>ಚಿತ್ರದ ಹೆಸರಿಗೆ ‘ಜಾನಕಿ’ ಎಂದು ಹೆಸರಿಸಿದ್ದಕ್ಕೆ ದೊಡ್ಡ ಆಕ್ಷೇಪ ವ್ಯಕ್ತವಾಗಿತ್ತು, ಏಕೆಂದರೆ ಈ ಹೆಸರು ಸೀತಾ ದೇವಿಯ ಹೆಸರಿನೊಂದಿಗೆ ಸಂಬಂಧ ಹೊಂದಿದೆ. ಲೈಂಗಿಕ ಕಿರುಕುಳ ಎದುರಿಸುತ್ತಿರುವ ಮಹಿಳೆಯ ಪಾತ್ರಕ್ಕೆ ‘ಜಾನಕಿ’ ಎಂಬ ಹೆಸರನ್ನು ಬಳಸುವುದು ಸೂಕ್ತವಲ್ಲ ಎಂದು ಸೆನ್ಸಾರ್ ಮಂಡಳಿ ಆಕ್ಷೇಪ ವ್ಯಕ್ತಪಡಿಸಿತು. ಈ ವಿಷಯಕ್ಕೆ ಸಂಬಂಧಿಸಿದಂತೆ ವಿಷಯವು ಕೇರಳ ಹೈಕೋರ್ಟ್‌ಗೆ ತಲುಪಿತು.</p><img><p>ಈ ಇಡೀ ವಿವಾದದಲ್ಲಿ, ಮುಂಬೈ ವಿಭಾಗವು ಚಿತ್ರಕ್ಕೆ ಆಕ್ಷೇಪ ವ್ಯಕ್ತಪಡಿಸಿದರೂ, ಕೇರಳ ವಿಭಾಗವು ಯಾವುದೇ ಬದಲಾವಣೆಗಳಿಲ್ಲದೆ ಚಿತ್ರವನ್ನು ಅಂಗೀಕರಿಸಿತು ಎನ್ನಲಾಗಿದೆ.</p><img><p>ಈ ಮಲಯಾಳಂ ಚಿತ್ರವನ್ನು ಪ್ರವೀಣ್ ನಾರಾಯಣನ್ ಬರೆದು ನಿರ್ದೇಶಿಸಿದ್ದಾರೆ ಮತ್ತು ಸುರೇಶ್ ಗೋಪಿ ಮತ್ತು ಅನುಪಮಾ ಪರಮೇಶ್ವರನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.</p><img><p>ಈ ಚಿತ್ರದ ಕಥೆಯ ಬಗ್ಗೆ ಹೇಳುವುದಾದರೆ, ಕಾನೂನು ವಾದಗಳು ಮತ್ತು ಜೀವನದ ಜಂಜಾಟದಲ್ಲಿ ಸಿಲುಕಿರುವ ಜಾನಕಿಯ ಹೋರಾಟವು ಭಾರತೀಯ ನ್ಯಾಯ ವ್ಯವಸ್ಥೆಯ ನೈತಿಕ ಸಂದಿಗ್ಧತೆಗಳನ್ನು ಎದುರಿಸುತ್ತದೆ. ರೇಪ್ ಸಂತ್ರಸ್ತೆಯಾಗಿರುವ ಜಾನಕಿಗೆ ನ್ಯಾಯ ಸಿಗುತ್ತಾ ಅನ್ನೋದು ಕಥೆ.</p><img><p>ಜಾನಕಿ ವರ್ಸಸ್ ಕೇರಳ ಸ್ಟೇಟ್ ಸಿನಿಮಾ ಸದ್ಯ ಒಟಿಟಿಯಲ್ಲಿ ಲಭ್ಯವಿದೆ. ನೀವು ಇದನ್ನು ಝೀ 5 ನಲ್ಲಿ ಸುಲಭವಾಗಿ ನೋಡಬಹುದು. ಈಗಾಗಲೇ ನೋಡಿದ ಜನರಿಂದ ಉತ್ತಮ ಅಭಿಪ್ರಾಯ ಕೂಡ ಬಂದಿದೆ.</p>



Source link