<p>ಸ್ಯಾಂಡಲ್ ವುಡ್ ತಾರೆಯರಾದ ಲವ್ಲಿ ಸ್ಟಾರ್ ಪ್ರೇಮ್, ಪುತ್ರಿ ಅಮೃತಾ ಹಾಗೂ ಕುಟುಂಬದವರು ಹಾಗೂ ನಟಿ ಕಾರುಣ್ಯ ರಾಮ್ ಕಾಮಾಕ್ಯ ಮಂದಿರಕ್ಕೆ ಭೇಟಿ ನೀಡಿದ್ದಾರೆ.</p><p> </p><img><p>ಚಂದನವನದ ಸ್ಟಾರ್ ಗಳು ಕಾಮಾಕ್ಯ ಮಂದಿರತ್ತ (Kamakhya Temple) ಮುಖ ಮಾಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಹಲವು ತಾರೆಯರು ಶಕ್ತಿ ಪೀಠಗಳಲ್ಲಿ ಒಂದಾದ ಅಸ್ಸಾಂನ ಗುವಾಹಟಿಯಲ್ಲಿರುವ ಕಾಮಾಕ್ಯ ಮಂದಿರಕ್ಕೆ ಭೇಟಿ ನೀಡಿ ದೇವಿ ದರ್ಶನ ಪಡೆಯುತ್ತಿದ್ದಾರೆ.</p><img><p>ಕೆಲವು ದಿನಗಳ ಹಿಂದೆ ದೀಪಿಕಾ ದಾಸ್, ಸ್ಯಾಂಡಲ್ ವುಡ್ ಕ್ವೀನ್ ರಮ್ಯಾ, ಭೂಮಿ ಶೆಟ್ಟಿ ಸೇರಿ ಹಲವು ನಟಿಯರು ಸಾಲು ಸಾಲಾಗಿ ಕಾಮಾಕ್ಯ ಮಂದಿರಕ್ಕೆ ಭೇಟಿ ನೀಡಿ, ದೇವಿ ದರ್ಶನ ಪಡೆದು ಬಂದಿದ್ದರು. ಇದೀಗ ಮತ್ತೊಂದಿಷ್ಟು ಸೆಲೆಬ್ರಿಟಿಗಳು ಭೇಟಿ ನೀಡಿದ್ದಾರೆ.</p><img><p>ಹೌದು ಲವ್ಲಿ ಸ್ಟಾರ್ ಪ್ರೇಮ್ ತಮ್ಮ ಕುಟುಂಬದ ಜೊತೆಗೆ ಕಾಮಾಕ್ಯ ಮಂದಿರಕ್ಕೆ ಭೇಟಿ ನೀಡಿದ್ದಾರೆ. ಪ್ರೇಮ್ ಪುತ್ರಿ ಅಮೃತಾ ಸೋಶಿಯಲ್ ಮೀಡೀಯಾದಲ್ಲಿ ಫೋಟೊಗಳನ್ನು ಪೋಸ್ಟ್ ಮಾಡಿದ್ದಾರೆ. ಇವರಿಗೆ ನಟಿ ಕಾರುಣ್ಯ ರಾಮ್ (Karunya Ram) ಸಾತ್ ಕೊಟ್ಟಿದ್ದಾರೆ.</p><img><p>ನಟೀ ಕಾರುಣ್ಯ ರಾಮ್ ಹಾಗೂ ಕುಟುಂಬ ಅದೇ ರೀತಿ, ಪ್ರೇಮ್, ಅಮೃತಾ (Amrutha Prem), ಜ್ಯೋತಿ ಹೀಗೆ ಹಲವು ಜನರು ಜೊತೆಯಾಗಿ ಕಾಮಾಕ್ಯ ಮಂದಿರಕ್ಕೆ ಭೇಟಿ ನೀಡಿ, ಅಲ್ಲಿ ದೇವಿ ದರ್ಶನ ಪಡೆದು, ಪೂಜೆ ಮಾಡಿ ಬಂದಿದ್ದಾರೆ.</p><img><p>ಕಾಮಾಕ್ಯ ಮಂದಿರವು ಶಕ್ತಿ ಪೀಠವಾಗಿದ್ದು, ಇಲ್ಲಿ ಪೂಜೆ ಮಾಡಿದರೆ, ಎಂತಹುದೇ ಸಮಸ್ಯೆ ಇದ್ದರೂ ಅದಕ್ಕೆ ಪರಿಹಾರ ಸಿಗುತ್ತದೆ. ಎಲ್ಲಾ ತೊಂದರೆಯಿಂದ ಹೊರ ಬರಬಹುದು ಎನ್ನಲಾಗುತ್ತದೆ. ನಟ ದರ್ಶನ್ ಜೈಲಿನಲ್ಲಿದ್ದಾಗ ಅವರ ಪತ್ನಿ ವಿಜಯಲಕ್ಷ್ಮೀ ಕೂಡ ಈ ದೇಗುಲಕ್ಕೆ ಬಂದು ಬೇಡಿಕೊಂಡಿದ್ದರು, ದರ್ಶನ್ ಬಿಡುಗಡೆಯಾದ ಬಳಿಕ ಮತ್ತೆ ಬಂದು ಪೂಜೆ ಸಲ್ಲಿಸಿದ್ದರು.</p><img><p>ಕಾಮಾಕ್ಯ ಮಂದಿರವು ಮಾಟ ಮಂತ್ರಗಳಿಗೂ ಸಹ ತುಂಬಾನೆ ಜನಪ್ರಿಯತೆ ಪಡೆದಿದೆ. ಇಲ್ಲಿ ಪ್ರತಿ ವರ್ಷ ಜೂನ್ ತಿಂಗಳಲ್ಲಿ ಅಂಬುವಾಚಿ ಮೇಳೆ ನಡೆಯುತ್ತಿದ್ದು, ಈ ಸಮಯದಲ್ಲಿ ದೇವಿಯ ಋತುಸ್ರಾವವನ್ನು ಸಂಭ್ರಮಿಸಲಾಗುತ್ತದೆ. ಆವಾಗ ದೇಗುಲದ ಹಿಂದೆ ಹರಿಯುವ ಬ್ರಹ್ಮಪುತ್ರ ನದಿ ಸಹ ಕೆಂಪು ಬಣ್ಣದಲ್ಲಿ ಹರಿಯುತ್ತದೆ.</p>
Source link
ಕಾರುಣ್ಯ ರಾಮ್ ಜೊತೆ ಕಾಮಾಕ್ಯ ಮಂದಿರಕ್ಕೆ ಭೇಟಿ ಕೊಟ್ಟ ನಟ ಪ್ರೇಮ್ ಕುಟುಂಬ
