<p>ನವದೆಹಲಿ: ಟೀಂ ಇಂಡಿಯಾ ಜೆರ್ಸಿ ಸ್ಪಾನ್ಸರ್ಗಾಗಿ ಕೆಲವು ಕಂಪನಿಗಳು ಮುಂದೆ ಬಂದಿವೆ. ಬಿಸಿಸಿಐ ಜತೆ ಕೈಜೋಡಿಸಲು ಜಪಾನ್ ಮೂಲದ ಆಟೋಮೊಬೈಲ್ ಕಂಪನಿ ಒಲವು ತೋರಿದೆ ಎಂದು ವರದಿಯಾಗಿದೆ.</p><p> </p><img><p>ಸರ್ಕಾರದ ಆನ್ಲೈನ್ ಮನಿ ಗೇಮಿಂಗ್ ನಿಷೇಧದಿಂದಾಗಿ ಡ್ರೀಮ್ 11 ಭಾರತೀಯ ಕ್ರಿಕೆಟ್ ತಂಡದ ಪ್ರಾಯೋಜಕತ್ವದಿಂದ ಹಿಂದೆ ಸರಿದ ಬೆನ್ನಲ್ಲೇ ಬಿಸಿಸಿಐ ನೂತನ ಪ್ರಾಯೋಜಕರ ಹುಡುಕಾಟದಲ್ಲಿ ತೊಡಗಿದೆ.</p><img><p>ಜಪಾನ್ನ ಪ್ರಮುಖ ಅಟೋಮೊಬೈಲ್ ಸಂಸ್ಥೆಯಾಗಿರುವ ಟೊಯೋಟಾ ಹಾಗೂ ಭಾರತದ ಫಿನ್ಟೆಕ್ ಸ್ಟಾರ್ಟ್ಅಪ್ ಸೇರಿ ಹಲವು ಸಂಸ್ಥೆಗಳು ಪ್ರಾಯೋಜಕತ್ವ ರೇಸ್ನಲ್ಲಿವೆ.</p><img><p>2023ರಲ್ಲಿ ಬಿಸಿಸಿಐ ಜತೆಗೆ 358 ಕೋಟಿ ರು. ಒಪ್ಪಂದ ಮಾಡಿಕೊಂಡಿದ್ದ ಡ್ರೀಮ್ 11 ಕೇಂದ್ರದ ಕಾನೂನಿಂದಾಗಿ ಏಷ್ಯಾಕಪ್ಗೆ ಕೆಲವೇ ದಿನ ಬಾಕಿ ಉಳಿದಿರುವ ಹೊತ್ತಲ್ಲಿ ಹಿಂದೆ ಸರಿದಿದೆ.</p><img><p>ಹೀಗಾಗಿ ಬಿಸಿಸಿಐ ಹೊಸ ಪ್ರಾಯೋಜಕರ ಹುಡುಕುವ ಅನಿವಾರ್ಯಯತೆಯಲ್ಲಿದೆ. ಈ ನಡುವೆ ಫಿನ್ಟೆಕ್, ಟೊಯೋಟಾ ಸೇರಿದಂತೆ ಇನ್ನು ಕೆಲ ಸಂಸ್ಥೆಗಳು ಒಲವು ತೋರಿವೆ ಎನ್ನಲಾಗಿದೆ.</p><img><p>ಆದರೆ ಬಿಸಿಸಿಐ ಇನ್ನೂ ಟೆಂಡರ್ ಪ್ರಕ್ರಿಯೆ ಆರಂಭಿಸಿಲ್ಲ. ಡ್ರೀಮ್ 11 ಜತೆ ಮಾಡಿಕೊಂಡಿದ್ದ ಒಪ್ಪಂದಕ್ಕಿಂತ ಅಧಿಕ ಹಣ ನೀಡುವ ಸಂಸ್ಥೆಗೆ ಪ್ರಾಯೋಜಕತ್ವ ನೀಡುವುದರ ಮೇಲೆ ಬಿಸಿಸಿಐ ಕಣ್ಣಿಟ್ಟಿದೆ.</p>
Source link
ಟೀಂ ಇಂಡಿಯಾದ ಜೆರ್ಸ್ ಪ್ರಾಯೋಜಕತ್ವ ನೀಡಲು ಜಪಾನ್ ಮೂಲದ ಕಂಪನಿ ಒಲವು!
