ರಾಮಾಯಣ.. ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ನಟಿಸುತ್ತಿರೋ ಸಿನಿಮಾ.. ಯಶ್ ತನ್ನ ಮಾನ್ಸ್ಟಾರ್ ಮೈಂಡ್ ಕ್ರಿಯೇಷನ್ಸ್ ಮೂಲಕ ಬಂಡವಾಳ ಹೂಡಿರೋ ಚಿತ್ರ. ಈ ರಾಮಾಯಣದ ಫಸ್ಟ್ ಗ್ಲಿಮ್ಸ್ ಬಂದಿದೆ. ಇದೊಂದು ಟೀಸರ್ ಶೇರು ಮಾರುಕಟ್ಟೆಯಲ್ಲಿ ಹೊಸ ರಾಮಾಯಣವನ್ನೇ ಸೃಷ್ಟಿದಿದೆ.
ರಾಮಾಯಣ ಟೀಸರ್ ಬಂದಿದ್ದೇ ತಡ ಶೇರು ಮಾರುಕಟ್ಟೆ ಶೇಕ್ ಆಗಿದೆ. ಒಂದೇ ಒಂದು ಟೀಸರ್ ಸಾವಿರ ಕೋಟಿ ಕಲೆಕ್ಷನ್ ಮಾಡೋ ಹಾಗೆ ಮಾಡಿದೆ. ಯಶ್ ಹೊಸ ರೆಕಾರ್ಡ್ ಬರೆಯೋ ಹಾಗಾಗಿದೆ. 1500 ಕೋಟಿ ಬಂಡವಾಳದಲ್ಲಿ ಎರಡು ಪಾರ್ಟ್ನಲ್ಲಿ ಬರ್ತಾ ಇರೋ ಈ ಸಿನಿಮಾದಲ್ಲಿ ಯಶ್ ರಾವಣನಾಗಿ ನಸಿಸ್ತಾ ಇದ್ದಾರೆ. ಇದೀಗ ರಾಮಾಯಣ ಟೀಸರ್ನಿಂದ ಸಿನಿಮಾ ನಿರ್ಮಾಣ ಮಾಡುತ್ತಿರೋ ಪ್ರೈಂ ಫೋಕಸ್ ಸಂಸ್ಥೆಗೆ 1000 ಕೋಟಿ ಬಂದಂತಾಗಿದೆ.
ನಿಮಿತ್ ಮಲ್ಹೋತ್ರಾ ತಮ್ಮ ಪ್ರೈಂ ಫೋಕಸ್ ಸಂಸ್ಥೆ ಬ್ಯಾನರ್ ಅಡಿಯಲ್ಲಿ ‘ರಾಮಾಯಣ’ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಇವರ ಜೊತೆ ಯಶ್ ಕೂಡ ಜೊತೆಯಾಗಿದ್ದಾರೆ. ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ ನಲ್ಲಿ ಪಟ್ಟಿ ಮಾಡಲಾದ ಪ್ರೈಮ್ ಫೋಕಸ್ ಲಿಮಿಟೆಡ್ ಕಳೆದೊಂದು ವಾರದಿಂದ ಸುದ್ದಿಯಲ್ಲಿದೆ. ‘ರಾಮಾಯಣ’ ಟೀಸರ್ ರಿಲೀಸ್ ಬೆನ್ನಲ್ಲೇ ಈ ಕಂಪನಿ ಮೇಲೆ ಹೂಡಿಕೆ ಹೆಚ್ಚಾಗಿದೆ. ಇದರಿಂದ ಪ್ರೈಮ್ ಫೋಕಸ್ ಷೇರು ದರ 30% ಏರಿಕೆಯಾಗಿದ್ದು, ಸಾವಿರ ಕೋಟಿ ಗಳಿಕೆ ಕಂಡಿದೆ. ಇದು ಯಶ್ರ ರಾಮಾಯಣ ಸಿನಿಮಾ ಮೇಲಿರೋ ಕ್ರೇಜ್ಗೆ ದೊಡ್ಡ ಸಾಕ್ಷಿ
ಎರಡು ಪಾರ್ಟ್ನಲ್ಲಿ ಬರುತ್ತಿರೋ ನಿತೀಶ್ ತಿವಾರಿ ನಿರ್ದೇಶನದ ರಾಮಾಯಣ ಬಜೆಟ್ 1500 ಕೋಟಿ ಎನ್ನಲಾಗ್ತಿದೆ. ಶ್ರೀರಾಮನಾಗಿ ರಣ್ಬೀರ್ ಕಪೂರ್, ಸೀತೆಯಾಗಿ ಸಾಯಿ ಪಲ್ಲವಿ, ರಾವಣನಾಗಿ ಯಶ್ ನಟಿಸುತ್ತಿದ್ದಾರೆ. ಈ ಟೀಸರ್ ನೋಡಿದ ಯಶ್ ಫ್ಯಾನ್ಸ್ ಹಿಂದಿಯಲ್ಲಿರೋ ಕಾನ್, ಕಪೂರ್ ಕಾನ್ದಾನ್ ಎಲ್ಲರೂ ಗಂಟು ಮೂಟೆ ಕಟ್ಟಿ ಇನ್ನುಂದೆ ಬಾಲಿವುಡ್ ನಮ್ಮ ರಾಕಿದು ಅಂತ ವಿಜೃಂಭಿಸಿದ್ರು. ಈಗ ರಾಮಾಯಣ ಟೀಸರ್ ನಿಂದ ಪ್ರೈಮ್ ಫೋಕಸ್ ಷೇರುಗಳು ಬಿಸ್ಕೆಟ್ನಂತೆ ಬಿಕರಿ ಆಗುತ್ತಿವೆ. ಸ್ವತಃ ನಟ ರಣ್ಬೀರ್ ಕಪೂರ್ ಈ ಪ್ರೈಂ ಫೋಕಸ್ ಕಂಪನಿ ಮೇಲೆ 20 ಕೋಟಿ ರೂ. ಹೂಡಿಕೆ ಮಾಡಿದ್ದಾರೆ ಎನ್ನಲಾಗ್ತಿದೆ. ಈ ಮೂಲಕ ಯಶ್ ಖದರ್ ಶೇರು ಮಾರುಕಟ್ಟೆಯಲ್ಲೂ ಸಿಡಿಲಬ್ಬರ ಎಬ್ಬಿಸಿದೆ.
