ಲಂಚ್ ಬ್ಯಾಗ್‌ನಲ್ಲಿರುವ ಜಿಡ್ಡು, ಕಲೆ, ವಾಸನೆ ಹೋಗಲಾಡಿಸಲು ಇಲ್ಲಿದೆ ಸ್ಮಾರ್ಟ್ ಐಡಿಯಾ

<p>Lunch bag cleaning: ಕೆಲಸಕ್ಕೆ, ಕಾಲೇಜಿಗೆ ಲಂಚ್ ಬ್ಯಾಗ್ ಒಯ್ಯುತ್ತೇವೆ. ಆದರೆ ಬ್ಯಾಗ್ ಒಳಗೆ ಆಗುವ ಸಣ್ಣ ಸಣ್ಣ ಸೋರಿಕೆಗಳು, ಜಿಡ್ಡು ಮತ್ತು ತೇವಾಂಶದಿಂದಾಗಿ ಬ್ಯಾಗ್ ಅಶುಚಿಯಾಗಿ ಕೆಟ್ಟ ವಾಸನೆ ಬರಲು ಶುರುವಾಗುತ್ತದೆ. ಅದು ಯಾವಾಗಲೂ ಫ್ರೆಶ್ ಆಗಿರುವಂತೆ ನೋಡಿಕೊಳ್ಳಲು ಇಲ್ಲಿದೆ ಸ್ಮಾರ್ಟ್ ಟಿಪ್ಸ್. &nbsp;</p><img><p>ನಾವು ಪ್ರತಿದಿನ ಕೆಲಸಕ್ಕೆ ಅಥವಾ ಕಾಲೇಜಿಗೆ ಲಂಚ್ ಬ್ಯಾಗ್ ತೆಗೆದುಕೊಂಡು ಹೋಗುತ್ತೇವೆ. ಊಟದ ಸಾರು ಅಥವಾ ಎಣ್ಣೆ ಸೋರಿ ಬ್ಯಾಗ್ ಒಳಗೆ ಕಲೆ ಮತ್ತು ಕೆಟ್ಟ ವಾಸನೆ ಬರಲು ಶುರುವಾಗುತ್ತದೆ. ಬರೀ ಬಟ್ಟೆಯಿಂದ ಒರೆಸಿದರೆ ಈ ವಾಸನೆ ಹೋಗುವುದಿಲ್ಲ. ಹಾಗಾದರೆ ಬ್ಯಾಗ್ ಅನ್ನು ಡೀಪ್ ಆಗಿ ಸ್ವಚ್ಛಗೊಳಿಸುವುದು ಹೇಗೆ? ಈ ಸರಳ ಹಂತ ಅನುಸರಿಸಿ.</p><img><p>ಬ್ಯಾಗ್‌ನ ಮೂಲೆಗಳಲ್ಲಿ ಮತ್ತು ಹೊಲಿಗೆಯ ಎಳೆಗಳ ಮಧ್ಯೆ ಸಣ್ಣದಾದ ಅನ್ನದ ಕಣಗಳು ಅಥವಾ ಸಾಂಬಾರ್ ಕಲೆಗಳು ಸಿಲುಕಿಕೊಂಡಿರುತ್ತವೆ. ಒಂದು ಹಳೆಯ ಟೂತ್‌ಬ್ರಷ್ ತೆಗೆದುಕೊಂಡು, ಸ್ವಲ್ಪ ಸೋಪ್ ನೀರಿನಲ್ಲಿ ಅದ್ದಿ ಆ ಮೂಲೆಗಳನ್ನು ಉಜ್ಜಿ ಸ್ವಚ್ಛಗೊಳಿಸಿ.</p><img><p>ಒಂದು ವೇಳೆ ಬ್ಯಾಗ್‌ನಲ್ಲಿ ಹಾಲು ಅಥವಾ ಮಾಂಸದ ಸಾರಿನ ಕಲೆಗಳಿದ್ದರೆ, ಸಾಮಾನ್ಯ ಸೋಪಿಗಿಂತ ಎನ್‌ಜೈಮ್ ಕ್ಲೀನರ್ ಹೆಚ್ಚು ಪರಿಣಾಮಕಾರಿ. ಇದು ಕೆಟ್ಟ ವಾಸನೆಯನ್ನು ಹರಡದಂತೆ ತಡೆದು, ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸುತ್ತದೆ.</p><img><p>ಬ್ಯಾಗ್ ಅನ್ನು ನೀರಿನಲ್ಲಿ ನೆನೆಸಲು ಸಾಧ್ಯವಾಗದಿದ್ದರೆ, ಬಿಸಿ ನೀರಿನ ಆವಿಯನ್ನು ಬಳಸಿ. ಇದು ಬ್ಯಾಗ್‌ನ ಒಳಭಾಗದಲ್ಲಿ ಅಂಟಿಕೊಂಡಿರುವ ಜಿಡ್ಡನ್ನು ಸಡಿಲಗೊಳಿಸುತ್ತದೆ ಮತ್ತು ಕ್ರಿಮಿಗಳನ್ನು ಕೊಲ್ಲಲು ಸಹಾಯ ಮಾಡುತ್ತದೆ.</p><img><p>ಬ್ಯಾಗ್ ಒಳಗೆ ವಾಸನೆ ಹೋಗದಿದ್ದರೆ, ಒಂದು ಸಣ್ಣ ಬಟ್ಟಲಿನಲ್ಲಿ ಅಡುಗೆ ಸೋಡಾ ಅಥವಾ ಇದ್ದಿಲಿನ ಚೂರನ್ನು ಇಟ್ಟು ಬ್ಯಾಗ್‌ನ ಜಿಪ್ ಹಾಕಿ ರಾತ್ರಿಯಿಡೀ ಇಡಿ. ಇದು ಬ್ಯಾಗ್‌ನಲ್ಲಿರುವ ಎಲ್ಲಾ ಕೆಟ್ಟ ವಾಸನೆಯನ್ನು ಹೀರಿಕೊಳ್ಳುತ್ತದೆ.</p><img><p>ಜಿಪ್‌ಗಳಲ್ಲಿ ಜಿಗುಟಾದ ಅಂಶವಿದ್ದರೆ ಅದು ಸರಿಯಾಗಿ ಕೆಲಸ ಮಾಡುವುದಿಲ್ಲ. ಇಯರ್ ಬಡ್ಸ್ ಬಳಸಿ ಜಿಪ್‌ನ ಹಲ್ಲುಗಳನ್ನು ಸ್ವಚ್ಛಗೊಳಿಸಿ. ನಂತರ ಸ್ವಲ್ಪ ವ್ಯಾಸಲಿನ್ ಅಥವಾ ಮೇಣವನ್ನು ಹಚ್ಚಿದರೆ ಜಿಪ್ ಸುಲಭವಾಗಿ ರನ್ ಆಗುತ್ತದೆ.</p><img><p>ಬ್ಯಾಗ್ ತೊಳೆದ ನಂತರ ಅಥವಾ ಸ್ವಚ್ಛಗೊಳಿಸಿದ ನಂತರ ಅದನ್ನು ಉಲ್ಟಾ ಮಾಡಿ (ಒಳಗಿನ ಭಾಗ ಹೊರಗೆ ಬರುವಂತೆ) ಸ್ವಲ್ಪ ಸಮಯ ಬಿಸಿಲಿನಲ್ಲಿ ಮತ್ತು ಗಾಳಿಯಲ್ಲಿ ಇಡಿ. ಸೂರ್ಯನ ಕಿರಣಗಳು ನೈಸರ್ಗಿಕವಾಗಿ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತವೆ.</p>



Source link