ಜುಲೈ, ಅಕ್ಟೋಬರ್ 23: ದಾಖಲೆಯ ವೇಗದಲ್ಲಿ ನಿರಂತರವಾಗಿ ಏರಿಕೆ ಆಗುತ್ತಿದ್ದ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು (ಚಿನ್ನದ ದರಗಳು) ಇಳಿಕೆಯಾಗತೊಡಗಿವೆ. ಅದರಲ್ಲೂ ಬೆಳ್ಳಿ ಬೆಲೆ ಭರ್ಜರಿಯಾಗಿ ಏರಿದಷ್ಟೂ ಕುಸಿತ ಕಾಣುತ್ತಿದೆ. ಚಿನ್ನದ ಬೆಲೆಯೂ ತನ್ನ ಗರಿಷ್ಠ ಮಟ್ಟದಿಂದ ತುಂಬಾ ಕೆಳಗೆ ಹೋಗುತ್ತಿದೆ. ಇಂಟರ್ನ್ಯಾಷನಲ್ ಇಂಡಿಯನ್ ಗೋಲ್ಡ್ ಫ್ಯೂಚರ್ನಲ್ಲಿ ಶೇ. 6ರ ಆಸುಪಾಸಿನಷ್ಟು ಕುಸಿತವಾಗಿದೆ. ಭಾರತದಲ್ಲಿ ಚಿನ್ನದ ಬೆಲೆ ಗ್ರಾಮಕ್ಕೆ 12,500 ರೂಗೆ ಬಂದು ನಿಂತಿದೆ.
ಈ ವರ್ಷದ ಆರಂಭದ ಬೆಲೆಗೆ ಚಿನ್ನ ಇನ್ನೂ ಎತ್ತರದಲ್ಲಿದೆಯಾದರೂ ಮುಂಬರುವ ದಿನಗಳಲ್ಲಿ ಬೆಲೆ ಸತತವಾಗಿ ಕುಸಿತವಾಗುವ ಸೂಚನೆ ನೀಡಿದೆ. ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಏರಿಕೆಯಾಗಲು ಪ್ರಮುಖ ಕಾರಣವಾಗಿದ್ದು ಜಾಗತಿಕ ಅನಿಶ್ಚಿತ ವ್ಯಾಪಾರ ಮತ್ತು ರಾಜಕೀಯ ವಾತಾವರಣ (ಜಾಗತಿಕ ಆರ್ಥಿಕ ಅನಿಶ್ಚಿತತೆ). ಈ ಬೆಲೆ ಇಳಿಕೆಯಾಗಲು ಏನು ಕಾರಣ?
ಇದನ್ನೂ ಓದಿ: ಬಬಲ್ ಝೋನ್ ನಲ್ಲಿ ಚಿನ್ನ; 400 ಡಾಲರ್ನಷ್ಟು ಬೆಲೆ ಇಳಿಕೆ ಸಾಧ್ಯತೆ: ಆಭರಣ ವ್ಯಾಪಾರಸ್ಥರ ಅನಿಸಿಕೆ
ಚಿನ್ನದ ಬೆಲೆ ಇಳಿಕೆಗೆ ಎರಡು ಪ್ರಮುಖ ಕಾರಣಗಳು
ಚಿನ್ನ, ಬೆಳ್ಳಿ ಬೆಲೆಗಳು ಇಳಿಕೆಯಾಗಲು ಇಂಥದ್ದೇ ಸ್ಪಷ್ಟ ಕಾರಣಗಳಿಲ್ಲ. ಆದರೆ, ತಜ್ಞರು ಈ ಕೆಳಗಿನ ಎರಡು ಪ್ರಮುಖ ಕಾರಣಗಳನ್ನು ಪ್ರಸ್ತಾಪಿಸಿದ್ದಾರೆ.
- ಅಮೆರಿಕ ಮತ್ತು ಚೀನಾ ಮಧ್ಯೆ ವ್ಯಾಪಾರ ಒಪ್ಪಂದ ಏರ್ಪಡುವ ಸಾಧ್ಯತೆ ಇದೆ. ಇದರಿಂದ ಜಾಗತಿಕ ವ್ಯಾಪಾರ ವಾತಾವರಣ ತಿಳಿಯುವ ಆಶಯವಿದೆ.
- ಚಿನ್ನ ಹಾಗೂ ಬೆಳ್ಳಿಯಲ್ಲಿ ಹೂಡಿಕೆ ಮಾಡುತ್ತಿರುವವರು ಪ್ರಾಫಿಟ್ ಬುಕಿಂಗ್ ಮಾಡುತ್ತಿರಬಹುದು.
ಚಿನ್ನ ಮತ್ತು ಬೆಳ್ಳಿ ಅಸಹಜವಾಗಿ ಬೆಲೆ ಏರಿಕೆ ಕಂಡುಬಂದಿದೆ. ಸಾಮಾನ್ಯ ಮಕ್ಕಳಲ್ಲಿ ಇವುಗಳ ಬೆಲೆ ಶೇ. 10-12ರಷ್ಟು ಮಾತ್ರವೇ ಏರುವುದು. ಆದರೆ, ಕಳೆದ ಒಂದು ವರ್ಷದ ಬೆಲೆ ಶೇ. 50-70ರಷ್ಟು ಏರಿಕೆ ಆಗಿರುವುದು ಗಮನಾರ್ಹ. ಬೆಲೆಗಳು ಇಷ್ಟು ಉಬ್ಬರ ಕಂಡಿರುವ ಹೂಡಿಕೆದಾರರು ಇವುಗಳನ್ನು ಮಾರಿ ಲಾಭ ಮಾಡಿಕೊಳ್ಳುವುದು ಸಹಜ. ಅದೇ ಆಗುತ್ತಿರಬಹುದು.
ಇದನ್ನೂ ಓದಿ: ಚಿನ್ನಕ್ಕೆ ಮೇಕಿಂಗ್ ಚಾರ್ಜ್ ಇಲ್ಲ ಅಂತಾರೆ, ಆದರೆ ನಯವಾಗಿ ಬೇರೆ ಚಾರ್ಜಸ್ ಹಾಕ್ತಾರೆ, ಹುಷಾರ್
ಚಿನ್ನದ ಬೆಲೆ 2026ರಲ್ಲಿ ಶೇ. 20ರಷ್ಟು ಇಳಿಕೆ ಆಗಬಹುದು ಎಂದು ತಜ್ಞರು ನಿರೀಕ್ಷಿಸಿದ್ದಾರೆ. ಬೆಳ್ಳಿ ಬೆಲೆ ಇನ್ನೂ ಹೆಚ್ಚು ಇಳಿಯಬಹುದು. ಆ ನಂತರ ಇವುಗಳ ಬೆಲೆ ಮತ್ತೆ ಏರಿಕೆಯಾಗಬಹುದು ಎನ್ನಲಾಗುತ್ತಿದೆ. ಆದರೆ, ಎಷ್ಟು ದಿನ ಈ ಬೆಲೆ ಇಳಿಕೆಯಾಗಲಿದೆ ಎಂಬುದು ಗೊತ್ತಿಲ್ಲ. ಅಮೆರಿಕ ಮತ್ತು ಚೀನಾ ಮಧ್ಯೆ ವ್ಯಾಪಾರ ಒಪ್ಪಂದ ಏರ್ಪಡದಿದ್ದರೆ, ಅಥವಾ ಮತ್ಯಾವುದೋ ಅಂತಾರಾಷ್ಟ್ರೀಯ ವಿಪತ್ತು ಎದುರಾದರೆ ಚಿನ್ನಕ್ಕೆ ಮತ್ತೆ ಬೇಡಿಕೆ ಬರಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 7:39 pm, ಗುರು, 23 ಅಕ್ಟೋಬರ್ 25
